ថ្នាក់ដឹកនាំកំពួលអេហ្ស៊ីប និង រ៉ុស្ស៊ី ឯកភាពបង្កើតរោងចក្រដើរដោយថាម ពលនុយក្លេអ៊ែរក្នុងប្រទេសអេហ្ស៊ីបប្រធានាធិបតីអេហ្ស៊ីប លោក Abdel-Fattah al-Sisi និង សមភាគីរុស្ស៊ី លោក ប្លាឌីមៀ ពូទីន បានឯកភាពឱ្យមានការស្ថាបនារោងចក្រដោយដើរថាមពលនុយ ក្លេអ៊ែរ
![3](https://i0.wp.com/cdn.khemaradaily.com/2015/02/334.jpg?resize=420%2C336&ssl=1)
នៅក្នុងទីក្រុងមាត់សមុទ្រ Dabaa ក្នុងប្រទេសអេហ្ស៊ីប ។
លោក ស៊ីស៊ី បានថ្លែងនៅក្នុងសន្និសីទសារព័ត៌មានរួមគ្នា បន្ទាប់ពីជំនួបរវាងថ្នាក់ ដឹកនាំទាំងពីរនាទីក្រុងគែរថា រូបលោកបានចូលរួមជាមួយលោក ពូទីន ក្នុងពិធី ចុះហត្ថលេខាលើអនុស្សារណៈយោគយល់គ្នាមួយ ដើម្បីបង្កើតរោងចក្រដើរ ដោយថាមពលនៅក្នុងទីក្រុង Dabaa និង ការលើកកម្ពស់ទំនាក់ទំនងកិច្ចសហ ប្រតិបត្តិការរវាងប្រទេសទាំងពីរ ខណៈដែលពួកលោកនឹងបង្កើតតំបន់ពាណិជ្ជ កម្មសេរីអេហ្ស៊ីប-រុស្ស៊ីនៅក្នុងទីក្រុងឧស្សាហកម្មរុស្ស៊ី ក្បែរតំបន់ច្រករបៀងព្រែក ជីកស៊ុយអេ ។
សូមបញ្ជាក់ថា រដ្ឋាភិបាលអេហ្ស៊ីបនាពេលថ្មីៗនេះ បានធ្វើការយ៉ាងសកម្មក្នុង បង្កើតឱ្យមានតុល្យភាពផ្នែកទំនាក់ទំនងការបរទេសរបស់ខ្លួន ជាមួយនឹងប្រទេស មហាអំណាចពិភពលោក តាមរយៈការពង្រឹងភាពជាដៃគូរយុទ្ធសាស្ត្រជាមួយ បណ្តារដ្ឋដ៏មានឥទ្ធិពលដូចជា៖ ប្រទេសរុស្ស៊ី ចិន និង ជប៉ុនជាដើម ៕