ខេត្តកណ្តាលបាននាំគ្នាវ៉ា ស្នើឲ្យអាជ្ញាធរអន្តរាគមន៏ទៅនឹងគ្រួសារគ្រូបង្រៀនម្នាក់ ដែលធ្វើរបងរំលោភលើផ្លូវលំសាធារណៈ។តំណាងប្រជាពលរដ្ឋឈ្មោះ អ៊ុំ អាំម៉ារ៉ា បានឲ្យដឹងថាផ្លូវលំសាធារណៈក្នុងភូមិមួយខ្សែរ ដែលមានទទឹងប្រវែង៥ម៉ែត្រ ដែលពួកគាត់ធ្វើដំណើរឆ្លងកាត់ ទៅភូមិឃុំផ្សេងៗតាំងពី សង្គមចាស់មកនោះ ត្រូវបានគ្រួសារអ្នកភូមិម្នាក់ឈ្មោះ ដាំ ភី ធ្វើរបងរំលោភយកកាលពីឆ្នាំមុន ដែលធ្វើឲ្យជួបការលំបាកក្នុងការធ្វើដំណើរ។
លោកថាកន្លងមកផ្លូវនេះមានទទឹងប្រវែង៥ម៉ែត្រ និងសម្រាប់ធ្វើដំណើរចូលចូល បន្តទៅឃុំផ្សេង ដែលមានអាចឲ្យរថយន្តធំៗនិងរទេះគោដឹកស្រូវ ធ្វើដំណើរបានដោយងាយ ប៉ុន្តែទើបតែពេលថ្មីៗនេះស្រាប់តែគ្រួសារខាងលើនេះ ធ្វើរបងលួសរំលោភលើផ្លូវឲ្យនៅរួមតូចមិនដល់ប្រវែង២ម៉ែត្រផង ធ្វើឲ្យពួកគាត់នៅភូមិខាងក្រោយ ជួបការលំបាកក្នុងការធ្វើដំណើរ សូម្បីតែម៉ូតូជៀសគ្នាក៏មិនរួច ហើយអ្វីដែលជាការព្រួយបារម្មណ៏នោះ បើសិនជាមានគ្រោះអគ្គិភ័យកើតឡើង ឡានទឹកមិនអាចចូលទៅដល់នោះទេ ដែលករណីនេះ ពួកគាត់បានស្នើទៅដល់អាជ្ញាធរពាក់ព័ន្ឋ ត្រូវមានវិធានការឲ្យម្ចាស់ផ្ទះរុះរើរបងនេះចេញពីផ្លូវវិញ។
ពាក់ព័ន្ឋករណីចោទប្រកានខាងលើ លោក ដាំ ភី ជាម្ចាស់ផ្ទះបានឲ្យដឹងថា គ្រួសារលោកមិនបានធ្វើរបងរំលោភលើផ្លូវនោះទេ តាមពិតទៅគាត់ធ្វើទៅតាម ប័ណ្ណកម្មសិទ្ឋិ ដីដែលចេញដោយមន្ត្រីសុរិយោដីស្រុកតែប៉ុណ្ណោះ ហើយលើសពីនេះទៀត គាត់បានកាត់ដីគ្រួសារសម្បទានធ្វើជាផ្លូវលំនេះផង បើពុំសម្បទាននោះទេ ប្រជាជននៅភូមិខាងក្រោយពិតជាមិនមានអាចធ្វើដំណើរលើផ្លូវនេះបានទេ។
លោក ឃឹម ច័ន្ឋគិរី អភិបាលស្រុកស្អាង កន្លងមកក៏ធ្លាប់បានចុះពិនិត្យករណីធ្វើរបងរំលោភផ្លូវសាធារណៈនេះដែរ ហើយបញ្ជាក់ថាពិតជាបានរំលោភលើផ្លូវមែន។ ជាមួយគ្នានេះលោកបញ្ជាក់ថា នឹងឲ្យម្ចាស់ផ្ទះរងការចោទពីពលរដ្ឋនោះ រុះរើរបងដោយខ្លួនឯង ពុំធ្វើតាមនោះទេលោកនឹងមានវិធានការរដ្ឋបាល ដឹកនាំកម្លាំងចុះរុះរើរបងនោះតែម្តង ប៉ុន្តែការសន្យាធ្វើឡើងច្រើនខែហើយ មកទល់ពេលនេះគេមិនទាន់ឃើញករណីរុះរើរបងណាមួយនោះទេ៕
