បុរសម្នាក់បានរងរបួសធំ និងម្នាក់ទៀតរងរបួសបាក់ដៃឆ្វេង បន្ទាប់ពីជួបឧបត្តិវហេតុគ្រោះថ្នាក់ចរាចរណ៏ម៉ូតូបុកម៉ូតូ កាលពីវេលាម៉ោង៨និង១៥នាទីយប់ ថ្ងៃទី១០ ខែកុម្ភៈឆ្នាំ២០១៥ នៅចំណុចផ្លូវ១០៧ កែង២០៦ ខាងមុខអាគារវប្បធម៌ក្រុងតាខ្មៅ ខេត្តកណ្តាល។
បុរសដែលរងរបួសធ្ងន់សន្លប់ស្តូកស្តឹងមានឈ្មោះ ផាត់ សុខនី ភេទប្រុស អាយុ២៩ឆ្នាំ រស់នៅភូមិកូនជ្រែ ឃុំព្រែកអំបឹល ស្រុកស្អាង ខេត្តកណ្តាល បើកបរម៉ូតូហុងដាម៉ាកសេ១២៥ពណ៌ខ្មៅពាក់ស្លាកលេខ ១អិន.៣៧៦២។ ចំណែកបុរសរងរបួសបាក់ដៃខាងឆ្វេងឈ្មោះ សាន់ រ៉ាន់ថន ភេទប្រុស អាយុ៣៥ឆ្នាំ មានទីលំនៅក្នុងភូមិរលាំងជ្រៃ ឃុំកាហែង ស្រុកសំរោងទង ខេត្តកំពង់ស្ពឺ បើកបរម៉ូតូស្កុបពី ពណ៌ខៀវពាក់ស្លាកលេខភ្នំពេញ ១ប៊ីធី.៨៩៩៤។
តាមអ្នកឃើញហេតុការណ៏ឲ្យដឹងថា មុនកើតហេតុគេឃើញជនរងគ្រោះឈ្មោះ ផាត់ សុខនី បើកបម៉ូតូក្នុងទិសដៅពីលិចទៅកើត លុះដល់ចំណុចកើតហេតុ ក៏បានទៅប៉ះជាមួយម៉ូតូស្កូពី បណ្តាលឲ្យរងរបួសធ្ងន់សន្លប់ស្តូកស្តឹង ហើយត្រូវបានរងយន្តស្នងការខេត្តកណ្តាល ដឹកទៅសង្គ្រោះនៅពេទ្យឯកជននៅក្នុងសង្កាត់ចាក់អង្រែលើ ចំណែកភាគីបើករបម៉ូតូស្កូបពី រងរបួសបាក់ដៃឆ្វេង ត្រូវបានបងប្អូនដឹកទៅសង្គ្រោះនៅមន្ទីរពេទ្យដោយខ្លួនឯង។ រីឯម៉ូតូទាំងពីរគ្រឿងរងការខូចខាត ត្រូវបានសមត្ថកិច្ចយកទៅរក្សាទុករងចាំការដោះស្រាយជាក្រោយ៕
