កំពង់ចាម ៖ កំលាំងនគរបាលស្រុកចំការលើដឹកនាំដោយលោកអធិការ អិុត ដារ៉ា បានចុះទៅចាប់ខ្លួនជនជាប់ចោទម្នាក់ តាម ដីកាបង្គាប់ឲចាប់ខ្លួនរបស់តុលាការខេត្តកំពង់ចាម ពីបទប្លន់ ប្រដាប់អាវុធ បណ្ដាលឱ្យជនរង គ្រោះស្លាប់ កាលពី១៦ឆ្នាំមុន។ បន្ទាប់ពីគេគេចខ្លួនហើយទើបមកកាន់ស្រុកកំណើតវិញ ស្ថិតនៅភូមិស្រែព្រាល ឃុំស្វាយទាប ស្រុកចំលើ ខេត្ដកំពង់ចាម ។
អធិការនគរបាលស្រុកចំការលើ លោក អិុត ដារ៉ា បានឱ្យដឹងថា ជនជាប់ចោទខាងលើ ឈ្មោះ ណឺន អូន ហៅ ប្អូន អាយុ៣៥ឆ្នាំ រស់នៅ ភូមិស្រែព្រាល ឃុំស្វាយទាប ស្រុកចំការលើ ខេត្ដកំពង់ចាម ។ ត្រូវបានចាប់ខ្លួននៅព្រឹកថ្ងៃទី១១ ខែកុម្ភៈ ឆ្នាំ ២០១៥នេះ ពាក់ព័ន្ធពីបទប្លន់ ប្រដាប់អាវុធ កាលពីឆ្នាំ១៩៩៩ ស្ថិតនៅ ភូមិថ្នល់បែកលិច ឃុំស្វាយទាប ស្រុកចំលើ ខេត្ដកំពង់ចាម ខណះ ពេលដែលជននេះ បានធ្វើដំណើរ មកដល់ភូមិកំណើតវិញ ក្រោយពីគេចខ្លួន អស់រយៈពេល ១៦ឆ្នាំ មកនោះ ។
លោកបន្តថា ការចាប់ខ្លួនជនជាប់ចោទ ធ្វើឡើងដោយអនុវត្ដតាមដីកាបញ្ជាឱ្យ ចាប់ខ្លួនរបស់ លោក ឌុច គឹមសន ចៅក្រម សាលាដំបូង ខេត្ដកំពង់ចាម កាលពីថ្ងៃទី១៤ ខែមីនា ឆ្នាំ២០០៧ ពីបទមនុស្ស ឃាតដោយចេតនា ដែលប្រព្រឹត្ដទៅនៅ ភូមិថ្នល់ បំបែកលិច ឃុំស្វាយទាប កាលពីថ្ងៃទី១២ ខែកញ្ញា ឆ្នាំ១៩៩៩ ដែល ផ្ដន្ទាទោសតាម មាត្រា ៣២នៃច្បាប់ព្រហ្មទណ្ឌអន្ដរកាល ។ និងតាមការបញ្ជាផ្ទាល់ ពីសំណាក់ស្នងការ នគរបាលខេត្ដ លោកឧត្ដមសេនីយ៍ បែន រត្ន័ ដែលបាន ណែនាំឱ្យនគរបាល តាមការិយាល័យ ជំនាញ និងនគរបាល តាមបណ្ដា ស្រុក-ក្រុង បន្ដអនុវត្ដដីការបស់ តុលាការ ទោះបីយូរឆ្នាំ ប៉ុនណាក៏ដោយនោះ ។
លោក អធិការក៏បានបញ្ជាក់ឲដឹងដែរថា ករណីនេះបច្ចុប្បន្ន ជនជាប់ចោទត្រូវបានបញ្ជូនតុលាការខេត្តកំពង់ចាម ដើម្បី រៀបចំនិតិវិធី បញ្ជូនបន្តទៅដាក់ពន្ធនាគារខេត្ត៕
