ខេត្តមណ្ឌលគិរី ៖ បុរសម្នាក់ធើ្វអត្តឃាត់ខ្លួនឯង ដោយយកសាំងចាក់ដុតខ្លួន ព្រោះតូចចិត្តមានជំងឺប្រចាំកាយ បុរស់ម្នាក់សំរេចចិត្តគិតខ្លី ដោយសារខ្លួនមានជំងឺប្រចាំកាយ បានធ្វើអត្តឃាត់ជីវិតខ្លួនឯងនៅលើគ្រែ ដេក ដោយយកក្រណាត់ ភួយ មុង មកគលើខ្លួន រួចចាក់សាំងដុតឆេះស្លាប់តែម្តង ។ ហេតុការនេះបានកើតឡើង កាលពីវេលាម៉ោង៤:៣០នាទីទៀបភ្លឺ ស្ថិតនៅចំណុចគីទ្បូម៉ែត្រលេខ១៣៦ ភូមិឆ្នែង ឃុំស្រែខ្ទុម ស្រុកកែវសីម៉ា ខេត្តមណ្ឌលគិរី ។
សមត្ថកិច្ចដែលចុះទៅកន្លែងកើតហេតុ បានប្រាប់អោយដឹងថា មុនពេលកើតហេតុ គេតែងតែសង្កេតឃើញបុរស់ខាងលើនេះ ដើរផឹកស្រាជាប្រចាំថ្ងៃ រហូតដល់ថ្ងៃកើតហេតុ បុរស់ខាងលើហាក់ បីដូជាតូចចិត្តអ្វីមួយ ក៏សំរេចចិត្តធ្វើអត្តឃាត់ខ្លួនឯងតែម្តងទៅ ។
ជំហានដំបូងសមត្ថកិច្ច បានធ្វើការសន្និដ្ឋានជំហ៊ានដំបូងពិតប្រាកដថា បុរស់នេះពិតជាបានធ្វើអត្តឃាត់ខ្លួនឯងពិតមែន ។ ហើយសពដែលបានស្លាប់មានឈ្មោះ យ៉ន វ៉េត ភេទប្រុស អាយុ៤៧ឆ្នាំ រស់នៅក្នុងស្រុកកែសីម៉ា និងកូនចំនួន៥នាក់ នៅក្នុងបន្ទុកហើយសពត្រូវបានគ្រួសារ យកធ្វើបុណ្យតាមប្រពៃណី ៕ 
