ថាសភាអង់គ្លេស បានអនុម័ត ទៅលើច្បាប់ថ្មីមួយ ស្តីអំពីការហាមឃាត់ ជក់បារី នៅលើរថយន្តឡើយ ។ក្រសួងសុខាភិបាលអង់គ្លេសបានឲ្យដឹងថា ចំពោះច្បាប់ថ្មីនេះនឹងរំពឹងថា ចាប់ផ្តើមអនុវត្តន៍ ពីថ្ងៃទី០១ ខែតុលា ខាងមុខនេះ ហើយពលរដ្ឋណាម្នាក់ ដែលល្មើសនឹងច្បាប់នេះ នឹងត្រូវបង់ពិន័យជាប្រាក់ ៥០ផោន ស្មើនឹង ៧៦ដុល្លារសហរដ្ឋអាម៉េរិក ក្នុង១ដង ។លោក Jane Ellison រដ្ឋមន្ត្រីក្រសួងសុខាភិបាល បានមានប្រសាសន៍ថា “អង្គភាពសុខភាព សាធារណៈអង់គ្លេស(PHE)នឹងចាប់ផ្តើមបើកយុទ្ធនាការ ដើម្បីបញ្ចៀស នូវគ្រោះថ្នាក់ទាំងពួង ដែលវាកើតចេញ ពីការជក់បារី នៅតាមផ្ទះ និងនៅលើរថយន្ត ដែលបង្កផល ប៉ះពាល់សុខភាព ដល់កុមារតូច។ PHE នឹងបើកយុទ្ធការ នៅចុងឆ្នាំនេះ ដែលច្បាប់ថ្មី បានអនុម័តរួចរាល់ហើយ” ។
លោករដ្ឋមន្ត្រី បានថ្លែងថា ច្បាប់ទាំងឡាយ នឹងក្លាយជាផ្នែកមួយនៃការដាក់ បញ្ចូលផងដែរនូវច្បាប់ ស្តីអំពីសេរីភាពនៃការជក់បារី ហើយប្រើនៅពេលដែល បុគ្គលណាម្នាក់បានជក់បារី នៅលើរថយន្តទីសាធារណៈនោះ និងអ្នកដែលមិនទាន់ គ្រប់អាយុ ១៨ឆ្នាំ ។
សូមបញ្ជាក់ថា ច្បាប់ទាំងឡាយមិនបាន ដាក់បញ្ចូលចំពោះ អ្នកបើកបររថយន្ត ដែលពួកគេមាន រថយន្តផ្ទាល់ខ្លួន បើកនោះទេ ។
យោងតាមស្ថិតិស្តីអំពី អ្នកស្លាប់ដោយសារជក់បារី នៅអង់គ្លេស ជារៀងរាល់ឆ្នាំមានអ្នកស្លាប់ ប្រមាណ ៨០ពាន់នាក់ ហើយម្នាក់ ក្នុងចំណោមអ្នកទាំងនោះ ភាគច្រើនបង្កផលប៉ះពាល់ ដល់សុខភាពសាធារណៈ ។ នេះបើតាមក្រសួង ខាងលើបានឲ្យដឹង យ៉ាងដូច្នេះ ៕
