ទូរទស្សន៍យោធាមីយ៉ាន់ម៉ាបានផ្សព្វ ផ្សាយកាលពីយប់ថ្ងៃទី១២ ខែកុម្ភៈ ថា ការប៉ះទង្គិចគ្នារវាងកម្លាំងទាហានរដ្ឋាភិ បាលជាមួយកម្លាំងទាហានប្រជាធិប តេយ្យប្រជាជនមីយ៉ាន់ម៉ា MNDAA នៅ តំបន់កូកាង ភាគខាងជើងប្រទេសនេះ ចាប់ពីថ្ងៃទី៩ ដល់ថ្ងៃទី១២ ខែកុម្ភៈ បាន 
សម្លាប់ទាហាន៤៧នាក់ និង៧៣នាក់រង របួស ។ កម្លាំងទាហានប្រជាធិបតេយ្យ ប្រជាជនមីយ៉ាន់ម៉ាត្រូវបានរដ្ឋាភិបាល ចាត់ទុកថាជាក្រុមបះបោរនៅកូកាង ហើយក្រុមនេះវាយប្រហារទៅលើកម្លាំង ទាហានរដ្ឋាភិបាលចាប់ពីថ្ងៃទី៩ ខែកុម្ភៈ ឆ្នាំ២០១៥មក ។
នៅក្នុងប្រទេសមីយ៉ាន់ម៉ាមានក្រុម ខ្មាន់កាំភ្លើងរាប់សិបក្រុម មកពីក្រុមជន ជាតិភាគតិចនីមួយៗក្នុងប្រទេសនេះ ចាប់តាំងពីមីយ៉ាន់ម៉ាទទួលបានឯករាជ្យ ពេញលេញនៅឆ្នាំ១៩៤៨ ។
ប្រធានា ធិបតី ថេន សេន បានបញ្ជាក់ជាច្រើន លើកច្រើនសាថា រដ្ឋាភិបាលរបស់ លោកនឹងផ្សះផ្សាជាតិសាស្ដ្ររវាងក្រុម ជនជាតិភាគតិច នឹងជនជាតិភាគតិច និងជាមួយរដ្ឋាភិបាលដើម្បីបញ្ចប់អំពើ ហិង្សាឆ្ពោះទៅរកការអភិវឌ្ឍរីកចម្រើន នាពេលអនាគត ក្នុងពេលដែលមីយ៉ាន់ ម៉ាកែប្រែរបបគ្រប់គ្រងឆ្ពោះទៅរកលទ្ធិ ប្រជាធិបតេយ្យដោយពិតប្រាកដនោះ ។
គួរបញ្ជាក់ផងដែរ ក្រុមកុលសម្ព័ន្ធ ភាគតិចមីយ៉ាន់ម៉ាសុទ្ធតែមានអាវុធ រៀងៗខ្លួនដើម្បីការពារផលប្រយោជន៍ របស់ក្រុមខ្លួន ហើយបើមានការបៀត បៀន មិនផ្ដល់តម្លាភាពនោះ ពួកគេ តែងតែបង្កហិង្សាវាយប្រហារគ្នាទៅវិញ ទៅមក ទាំងជាមួយទាហានរដ្ឋាភិបាល ធ្វើឱ្យសន្ដិសុខសង្គមនៅក្នុងប្រទេសនេះ ធ្លាក់ចុះយ៉ាងខ្លាំងដែលជាការព្រួយបារម្ភ បំផុត ខណៈមីយ៉ាន់ម៉ាកំពុងអូសទាញ ក្រុមវិនិយោគមកពីបរទេសជួយអភិវឌ្ឍន៍ សេដ្ឋកិច្ចរបស់ខ្លួន។
