រថយន្តតូយ៉ូតាខ្មៅមួយគ្រឿង ត្រូវបានម្ចាស់វាបើកទៅបំបុកស្ថានកុងស៊ុលរបស់សហរដ្ឋអាម៉េរិក ប្រចាំនៅទីក្រុងពាណិជ្ជកម្មសៀងហៃប្រទេសចិន ដែលបណ្តាលឆ្មាំប៉ូលីសម្នាក់រងរបួស នៅក្នុងហេតុការណ៍នោះ។ នេះបើយោងតាមទីភ្នាក់ងារព័ត៌មានចិនស៊ិនហួ នៅថ្ងៃ
សុក្រនេះ។នៅក្នុងសេចក្តីថ្លែងការណ៍មួយនៅព្រឹកថ្ងៃសុក្រនេះ ប៉ូលីសសៀងហៃ និយាយថា រថយន្តពាក់ស្លាកលេខខេត្តហ៊ុយចៀនប្រទេសចិន បើកតាមបណ្តោយផ្លូវ យូរុមជីខាងត្បួង មុនពេលវាបត់ក្បាលទៅបំបុកបរិវេណស្ថានកុលស៊ុល នៅម៉ោង៩និង៤៣នាទីយប់ថ្ងៃព្រហស្បតិ៍ ហើយប៉ូលីសនៅក្បែរនោះ និងនៅយាមស្ថានកុងស៊ុល ក៏ឃាត់ខ្លួនអ្នកបើកបរនោះបាន។អ្នកបើកបរ ត្រូវស្គាល់ឈ្មោះថា លីវ តាវយី អាយុ៣៥ឆ្នាំ រស់នៅទីក្រុងសានមីងនៃខេត្តហ៊ុយចៀនបានអះអាងថា ខ្លួនជាម្ចាស់ក្រុមហ៊ុនដ៏ធំមួយនៅខេត្តហ៊ុយចៀន និងមាន
អារម្មណ៍ដឹងថា មានមនុស្សតាមនិងចង់សម្លាប់គាត់ ហេតុដូច្នោះហើយទើបគាត់ចាំបាច់ត្រូវតែបង្កឱ្យមានគ្រោះថ្នាក់ចរាចរណ៍ ដើម្បីឱ្យប៉ូលីសចាប់អារម្មណ៍ ទើបរួចផុតពីការតាមពិឃាត។
“ខ្ញុំ បានបើកឡានពីហាងចូវ មកសៀងហៃថ្ងៃនេះ និងបានឃើញកន្លែងនោះ មានការយាមកាមដោយប៉ូលិសបំពាក់ដោយអាវុធ។ ដូច្នេះ ខ្ញុំក៏បើកឡានខ្ញុំចូលបំបុកតែម្តង។” នេះបើយោងមតាមចម្លើយសារភាព។យ៉ាងណា៏ដោយប៉ូលីស បានអះអាងថា លោក លីវ មិនបានបើកបរក្នុងអាការៈស្រវឹងនោះទេ ប៉ុន្តែថា ករណីនោះ គឺស្ថិតនៅក្នុងការស៊ើបអង្កេតបន្ថែម៕
