កំពង់ចាមៈ បុរសម្នាក់បានស្លាប់នៅនិងកន្លែងនិងម្នាក់រងរបួសធ្ងន់ ក្នុងហេតការណ៍ជួបគ្រោះ ថ្នាក់ចរាចរ ជិះម៉ូតូទៅបុកសត្វក្របី នៅតាមដងផ្លូវ ហើយក្របី មួយក្បាលនេះក៏បាន ងាប់ផងដែរ។ ហេតុការណ៍នេះ កើតឡើងកាលពីវេលាម៉ោង៨ យប់ ថ្ងៃទី១២ ខែកុម្ភៈ ឆ្នាំ២០១៥នេះ
ស្ថិតនៅភូមិសូកើត ឃុំសំបូរ ស្រុកបាធាយ ខេត្តកំពង់ចាម។អធិការនគរបាលស្រុកបាធាយ លោក សំ ណាល់ បានឲ្យដឹងថា ជនរងគ្រោះស្លាប់មានឈ្មោះ គីម ណាត ភេទប្រុស អាយុ២០ឆ្នាំ រស់នៅភូមិព្រែកគួច ស្រុកអង្គស្នួល ខេត្តកណ្តាល ចំណែកអ្នករងរបួសធ្ងន់មិនត្រូវបានស្គាល់ឈ្មោះទេ។លោកបន្តថាមុនកើតហេតុគេបានឃើញ ជនរងគ្រោះទាំង២នាក់ ជិះម៉ូតូ ឌុបគ្នា ក្នុងល្បឿនលឿនបានទៅបុកសត្វក្របីមួយក្បាលបណ្តាលឲ្យដួលបោកក្បាលទៅនឹងថ្នល់ ស្លាប់ភ្លាមៗម្នាក់ នៅនិង
កន្លែង រីឯអ្នករួមដំណើររងរបួសធ្ងន់ ហើយក្របីរបស់អ្នកស្រុកដែលត្រូវម៉ូតូបុកពេញមួយទំហឹង នោះក៏បានងាប់ផងដែរ។លោកបានបន្តឲដឹងដែរថាក្រោយកើតហេតុ នគរបាលមូលដ្ឋានបានចុះទៅកាន់ទីនោះដើម្បីជួយអន្តរាគមន៍ ដោយទាក់ទង ទៅក្រុមគ្រួសារសពមកទទួលយក រីឯជនរងគ្រោះដែលរងរបួស បានជួយដឹកបញ្ជូនទៅព្យាបាលនៅមន្ទីរពេទ្យ៕
