ខេត្តប៉ៃលិន៖ក្មេងសិស្សសាលានៅសាលា ភាសាខ្មែរអន្តរជាតិ ប្រ៊ិជ នៅព្រឹកថ្ងៃទី១៣ខែកុម្ភៈនេះបានក្អួតចង្អោរនិងខ្លះសន្លប់ ត្រូវបានអ្នកគ្រូលោកគ្រូ ដឹកមកព្យាបាលនៅតាមមន្ទីរពេទ្យបង្អែកនិងខ្លះទៀតនៅព្យាបាលនៅមន្ទីរពេទ្យឯកជន ខណៈក្មេងៗទាំងនេះបានញ៉ាំបាយនិងនំចំណីដែលលក់នៅក្នុងសាលារៀននេះ។
ហេតុការណ៍នេះកើតឡើងនៅវេលាម៉ោង១០និង៣០នាទី ព្រឹកថ្ងៃទី១៣ខែកុម្ភៈនេះ ស្ថិតនៅក្នុងភូមិថ្មល់ទទឹងឃុំអូរអណ្តូងស្រុកសាលាក្រៅ ខេត្តប៉ៃលិន។ប្រភពពីអ្នកគ្រូឈ្មោះ ស៊ីវ វិនដា ដែលបង្រៀននៅទីនោះបានឱ្យដឹងថា មុនថ្ងៃហើតហេតុនេះមួយថ្ងៃ មានក្មេងក្អួតចង្អោរពីរបីនាក់ដែរ អ្នកគ្រប់គ្រងសាលាបានទៅហាមអ្នកលក់បាយមិនឱ្យយកជ្រក់ចូលលក់ទេឱ្យលក់តែបាននិងសាច់ចៀន ។តែនៅថ្ងៃកើតហេតុនៅវេលាម៉ោងខាងលើក្មេងៗទាំងនោះមានអការៈក្អួតចង្អោរ មាកអ្នកខ្លះក្អួតរហូតដល់ទន់ខ្លួន ទើបអ្នកគ្រូបាននាំសិស្សក្មេងៗទាំងនេះមកកាន់
មន្ទីរពេទ្យដើម្បីជួយសង្គ្រោះ។លោក ហ៊ឹម គឿន ដែលកូនរបស់គាត់មានឈ្មោះនីតា ភេទស្រី អាយុ៨ឆ្មាំកំពុងព្យួរសារ៉ូម បានប្រាប់ឱ្យដឹងថា កូនរបស់គាត់ដំបូងមិនក្អួតទេតែពេលគាត់ដឹកទៅដល់ផ្ទះ កូនគាត់បាននិយាយប្រាប់គាត់ថា ពេលហូបបាយនៅសាលាចេះតែចង់ក្អួត និយាយចប់ ក៍ចាប់ផ្តើមក្អួតទន់ដៃទន់ជើង គាត់ក៍បាននាំមកកាន់មន្ទីពេទ្យនេះតែម្តង។
ជាមួយគ្នានេះដែរអាណាព្យាបាលបានសុំណូមពរដល់ ថ្នាក់ដឹកនាំនៃមន្ទីរអប់រំក៍និង នាយកសាលារៀនទាំងអស់ សូមកុំបណ្តោយឱ្យអ្នកលក់ដូរនៅតាមសាលារៀននានា លក់ខ្វះមានអនាម័យ និងលក់របស់ណាដែលមិនប៉ះពាល់ដល់សុខភាពក្មេងៗ ។ជាពិសេសត្រូវរកឱ្យឃើញមូលហេតុនៃការក្អួតបរស់ក្មេងៗនេះផង។អ្នកប្រចាំការនៅក្នុងមន្ទីរពេទ្យបង្អែកវិញ បាននិយាយថានៅមិនទាន់ដឹងពីការដែលបង្តរឱ្យមានបញ្ហានេះកើតឡើងឡើយ ហាក់ដូចជាមានការលាក់លៀមក្នុងបញ្ហានេះ។តែយ៉ាងណាក៍ដោយរហូតដល់ល្ងាចថ្ងៃទី១៣ខែកយម្ភៈនេះក្មេងៗទាំងអស់បានធូរស្រាលឡើងវិញហើយ។ចំណែកប្រធានមន្ទីរអប់រំយុវជននិងកីឡាខេត្តប៉ៃលិន លោក តង់ ធារ៉ា បានប្រាប់តាមទូរស័ព្ទថា បញ្ហានេះខាងលោកបានចុះទៅត្រួតពិនិត្យនៅសាលារៀននិងនៅក្នុងមន្ទីរពេទ្យ ។លោកបានបញ្ជាក់ថាសមត្ថកិច្ចនិងក្រុមការងារកំពុងត្រួតពិនិត្យ យកកំហាកទៅពិសោទន៍ដើម្បីដឹងពីមូលហេតុ៕
