ដែលជារថយន្តរបស់ក្រុមហ៊ុន កំពង់ផែស្វាយយ័តភ្នំពេញ ធ្វើដំណើរពីក្រោយ ចាប់ហ្វ្រាំងមិនទាន់ ក៏បើកនិងកិន តាមបណ្តោយផ្លូវអូឌឹម ស្ថិតក្នុងសង្កាត់ សំរោងក្រោម
យ៉ាងហោចណាស់ក៏មាននារី២នាក់ បានស្លាប់ភ្លាមៗនៅកន្លែងកើតហេតុ និងម្នាក់ទៀតរងរបួសធ្ងន់ធ្ងរត្រូវបានរថយន្តសង្គ្រោះដឹកទៅសង្គ្រោះភ្លាម ខណៈដែលពួកគេកំពុងជិះម៉ូតូហើយដួល ក៏ត្រូវរថយន្តកុងតឺន័ មកពីក្រោយចាប់ហ្វាំងមិនទាន់ កិនពីលើងបណ្តាលឲ្យមានអ្នកស្លាប់ និងរងរបួសធ្ងន់តែម្តង ។
ហេតុការណ៍ខាងលើនេះ បានកើតឡើងកាលពីវេលាម៉ោង៦និង១០នាទីល្ងាច ថ្ងៃទី១២ ខែកុម្ភៈ ឆ្នាំ២០១៥ នៅចំណុចហាងម្លប់ស្បូវ៩៩៩ តាមបណ្តោយផ្លូវអូឌឹម ស្ថិតក្នុងសង្កាត់ សំរោងក្រោម ខណ្ឌពោធិ៍សែនជ័យ ។
ជនរងគ្រោះត្រូវបានគេស្គាល់ ទី១ឈ្មោះ ឌឿន សុហេង ភេទស្រី អាយុ២៣ឆ្នាំ មុខរបធ្វើការរោងចក្រ (ស្លាប់នៅនិងកន្លែងកើតហេតុ) ទី២ឈ្មោះ រតនា ភេទស្រី អាយុ២២ឆ្នាំ (ស្លាប់នៅនិងកន្លែងកើតហេតុ) និង ទី៣ ឈ្មោះ ឌឿន ស្រីស្រស់ ភេទស្រី អាយុ១៩ឆ្នាំ មុខរបរជានាក់ក្រឡុកស្រា នាក់ទាំង៣ ស្នាក់នៅម្តុំផ្សារសំណង១២ មានស្រុកកំណើត នៅក្នុងសង្កាត់ត្រពាំងក្រសាំង ខណ្ឌពោធិ៍សែនជ័យ ។
តាមសាក្សីនៅកន្លែងកើតហេតុ បានឲ្យដឹងថា មុនពេលកើតហេតុ គេបានឃើញជនរងគ្រោះ ជិះម៉ូតូមួយគ្រឿង ម៉ាកអាយខុន ពណ៌សលាលឿង ពាក់ស្លាកលេខ ភ្នំពេញ 1X-9000 ធ្វើដំណើរតាមបណ្តោយផ្លូវអូឌឹម ក្នុងទិសដៅពីជើងទៅត្បូង ដោយជិះម៉ូតូបណ្តើរនិយាយទូរស័ព្ទបណ្តើរ ខណៈមកដល់ចំណុចកើតហេតុ ស្រាប់តែធ្លាក់ជង្ហុក ហើយដួលទៅនិងថ្នល់ គាប់ជួនមានរថយន្តកុងតឺន័រមួយគ្រឿង ពណ៌ខៀវ ពាក់ស្លាកលេខ ព្រះសីហនុ 3A-1706 ជារថយន្តរបស់ក្រុមហ៊ុន កំពង់ផែស្វាយយ័តភ្នំពេញ ដែលធ្វើដំណើរពីក្រោយ ចាប់ហ្វ្រាំងមិនទាន់ បានកិនចំពីលើនារី២នាក់ បានស្លាប់ភ្លាមនៅកន្លែងកើតហេតុ និងម្នាក់ទៀតបានរងរបួសធ្ងន់ធ្ងរ ត្រូវបានរថយន្តសង្គ្រោះ ដឹកទៅសង្គ្រោះនៅមន្ទីរពេទ្យភ្លាមៗ ហើយរថយន្តបង្ក បានព្យាយាមបើករត់ បានប្រហែល៥០០ម៉ែត្រ ដល់ មុខហាង ចែ មុំ ក៏ត្រូវបាននាក់រត់ម៉ូតូឌុប ជួយដេញបានតែម្តង ។
ក្រោយពេលកើតហេតុ សមត្ថកិច្ចបានចុះមកដល់ចំណុចកើតហេតុ និងធ្វើការវាស់យករថយន្តនិងម៉ូតូ ទៅរក្សាទុកនៅការិយាល័យចរាចរណ៍ជើងគោក ដើម្បីរងចាំដោះស្រាយតាមផ្លូវច្បាប់នៅពេលក្រោយ ។ ចំណែកសព សមត្ថកិច្ចបានប្រគលឲ្យក្រុមគ្រួសារ យកទៅធ្វើបុណ្យតាមប្រពៃណី នៅឯស្រុកកំណើតផងដែរ ៕
