ដល់ជំរកត្រីពងកូនជីវចំរុះនិងសុខភាពមនុស្សដែលអ្នកជំនាញគួរសិក្សាទប់ស្កាត់
កំពង់ឆ្នាំង៖លោក ឈួរ ចន្ទ័ឌឿន អភិបាលខេត្តកំពង់ឆ្នាំងបានយកសំដីលោក ឯក ស៊ុនរស្មី ព្រះរាជអាជ្ញារងអមសាលាដំបូងខេត្តមកពិចារណា និងលើកឡើងក្នុងពិធីប្រកាសនាយខណ្ឌ័រដ្ឋបាលជលផលកំពង់ឆ្នាំង កាលពីព្រឹកថ្ងៃទី១៣ ខែកុម្ភៈ ឆ្នាំ២០១៥ នៅក្នុងសាលាខេត្តកំពង់ឆ្នាំងថា៖ការប្រើប្រាស់ថ្នាំពុលរបស់ប្រជាកសិករបាញ់ថ្នាំអោយងាប់ស្មៅនិងសត្វល្អិតលើដំណាំតាមចំការតាមមាត់ទន្លេ ពិតជាធ្វើអោយប៉ះពាល់ដល់ជំរកត្រីពងកូន ជីវចំរុះ បរិដ្ឋានទឹក និងសុខភាពប្រជាពល រដ្ឋនិងយើងទាំងអស់គ្នា បញ្ហានេះលោកនាយខណ្ឌ័រដ្ឋបាលជលផល និងលោកប្រធានមន្ទីរកសិ កម្ម និងអ្នកជំនាញត្រូវតែធ្វើការសិក្សាស្រាវជ្រាវទប់ស្កាត់ផ្សព្វផ្សាយដល់ប្រជាកសិករយើង។
ផលប៉ះពាល់ខាងលើនេះលោក ឯក ស៊ុនរស្មី បាននិយាយអោយអ្នកយកព័ត៌មានយើងដឹងថា៖បច្ចុប្បន្នលោកពិនិត្យឃើញថា ការប្រើប្រាស់ថ្នាំពុលគីមីផលិតនៅប្រទេសជិតខាងមានគុណភាពពុលខ្លាំង ដែលប្រជាកសិករយើងបាននិយមទិញនៅតាមទីផ្សារក្នុងស្រុកយកមកបាញ់ស្មៅកក់ និងបាញ់សម្លាប់ល្អិតនៅតាមខ្នងចំការរាប់ពាន់ហិកតា និងបាញ់លើដំណាំបន្លែបង្កា ក្នុង១ឆ្នាំៗកាន់តែមានភាពផុលផុសឡើងៗ។ប៉ុន្តែអ្វីដែលជាបញ្ហាគ្រោះថ្នាក់ និងមានផលប៉ះពាល់ដល់ផលប្រយោជន៍និងសុខភាពខ្លួនឯងនោះ ប្រជាកសិករយើងមិនបានដឹងឡើយ។
បញ្ហានេះគួរសិក្សាស្វែងយល់ថា៖ថ្នាំពុលដែលបានបាញ់ទៅលើស្មៅ ទៅលើចំការបានជ្រា បជាប់ដល់ដី ហើយពេលទឹកទន្លេឡើងជាតិថ្នាំទាំងនោះបញ្ចេញឥទ្ធិពលម្តងទៀតធ្វើអោយមេពូជត្រីមិនហ៊ានចូលមកពងកូនក្នុងតំបន់ព្រៃលិចទឹកតាមខ្នងចំការ និងធ្វើអោ យប៉ះពាល់ដល់ជីវចំរុះក្នុងទន្លេថែមទៀត។ជាក់ស្តែងសត្វអណ្តើក សត្វកន្ធាយដែលធ្លាប់ក្រាំងធ្លាប់ពងកូនតាមខ្នងចំការព្រៃលិចទឹកបច្ចុប្បន្នក៏បានបាត់បង់ស្ទើរតែអស់ទៅហើយ។ម្យ៉ាងទៀតឆ្នាំមុនៗ នៅរដូវប្រាំងនៅតាមព្រែកមួយចំនួនមានត្រីងាប់អណ្តែតពេញទឹក និងនៅស្រុកជលគីរីប្រជាពលរដ្ឋរើសខ្យងមកហូប ពុលពេញភូមិរួចម្តងមកហើយ ទាំងនេះគឺជាឥទ្ធិពលនៃថ្នាំគីមីពុលរបស់ប្រទេសជិតខាង។
តាមការសិក្សាស្រាវជាជ្រាវនោះថ្នាំពុលដែលប្រជាកសិករយើងកំពុងពេញនិយមនោះ នៅប្រទេសគេៗមិនប្រើទេ គឺគេប្រើថ្នាំពុលនេះលើបន្លែផ្លែឈើដែលនាំមកលក់អោយស្រុកខ្មែរយើងតែប៉ុណ្ណោះអនាគតក្រពះនិងពោះវៀនខ្មែរនិងឈឺគ្រប់គ្នា ដែលរឿងនេះខ្មែរយើងគួរតែយល់ គួរតែដឹង គួរតែពិចារណា និងគួរតែនាំគ្នាទប់ស្កាត់ហើយ។
ករណីប្រើប្រាស់ថ្នាំពុលគីមីនេះគឺមានផលប៉ះពាល់យ៉ាងធ្ងន់ធ្ងរពិតឬមិនពិតនោះ ស្នើសុំអ្នកជំនាញនៃក្រសួងកសិកម្ម និងអ្នកជំនាញខាងរដ្ឋបាលជលផល មេត្តាធ្វើការសិក្សាស្រាវជ្រាវ ជាបន្ទាន់ផង និងបើមានផលប៉ះពាល់ដូចការលើឡើងនេះមែន គឺគួរតែមានវិធានការណ៍ទប់ស្កាត់ផ្សព្វផ្សាយអប់រំ ឬក៏បិតមិនអោយថ្នាំពុលគីមីទាំងអស់នោះកុំអោយចរាចរណ៍ចូលក្នុងស្រុកខ្មែរតែម្តងទៅទើបជាការប្រសើរ ដែលខាងលើនេះគឺជា មនសិកាខ្មែរ ជួយខ្មែរ ដើម្បីជាតិខ្មែរយើងតែប៉ុ ណ្ណោះ មិនមែនជារឿងនយោបាយសេដ្ឋកិច្ចអ្វីនោះឡើយសូមមេត្តាកុំច្រឡំអី៕
