នារីម្នាក់រងរបួសស្រាល នឹងម្នាក់ទៀតរងរបយសធ្ងន់ ត្រូវបានរថយន្ដសារមុយ ដឹកយកទៅសង្គ្រោះនៅមន្ទីពេទ្យ បន្ទាប់ពីពួកគេបានជឹះម៉ូតូមួយគ្រឿង ហើយត្រូវបានរថយន្ដកូរ៉ូឡាមួយគ្រឿង បើកគៀរបណ្ដាលអោយដួលបោកទៅនឹងថ្នល ហើយរថយន្ដដែលបង្ករនោះ បើកចូលច្រៀងខារ៉ាអូខេ ធ្វើដូចប្រងើយ ។
ហេតុការគ្រោះថ្នាក់ចរាចរណ៏ខាងលើនេះ បានកើតឡើងតាមបណ្ដោយផ្លូវព្រះមន្នីវង្ស ទល់មុខនឹងភោជនីដ្ធាន ហ៊ួ ណាម ស្ថិតនៅក្នុងសង្កាត់បឹងត្របែក ខណ្ឌចំការមន កាល២២និង៣០នាទីយប់ ថ្ងៃទី១៥ ខែកុម្ភៈ ឆ្នាំ២០១៥ ។
តាមសាក្សីនៅកន្លែងកើតហេតុ បាឲ្យដឹងថា មុនេះពេលកើតហេតុ គេបានឃើញនារី២នាក់ ជិះម៉ូតូមួយគ្រឿងម៉ាកគុបជ្រុង ពណ៌ទឹកប៊ិច ពាក់ស្លាកលេខ ថ៤២០៩ភព១ ធ្វើដំណើរតាមបណ្តោយផ្លូវមុន្នីវង្ស ក្នុងទិសដៅពីជើងទៅត្បូង ខណៈមកដល់ចំណុចកើតហេតុ ស្រាប់តែមានរថយន្តកូរ៉ូលាមួយគ្រឿង ពណ៌ស ស្លាកលេខ ភ្នំពេញ 2Q-0819 ធ្វើដំណើរស្របទិសដៅគ្នា ហើយបានបើកមកគៀរម៉ូតូ បណ្តាលឲ្យដូលទៅនិងថ្នល់រងរបួសធ្ងន់ស្រាល ហើយរថយន្តបង្ក បានព្យាយាមបើករត់ និងបើកចូលក្នុងាហាងខាងរ៉ាអូខេ ដោយធ្វើដូនមិនដឹងរឿងអ្វីទាំងអស់ ។
ក្រោយពេលកើតហេតុ ជនរងគ្រោះដែលរបួសធ្ងន់ ត្រូវបានដឹកទៅសង្គ្រោះ នៅមន្ទីរពេទ្យភ្លាមៗ ចំណែកនាក់រងបួសស្រាល បានជិះម៉ូតូដេញតាមរថយន្តបង្ក និងរាយការណ៍ទៅសមត្ថកិច្ច ចុះមកអន្តរាគមន៍មកដល់ចំណុចកើតហេតុ ។
សាក្សីដដែលបានបន្តថា ខណៈសមត្ថកិច្ចមកដល់ចំណុចកើតហេតុ ហើយបានបុគ្គលិកខារ៉ាអូខេហៅម្ចាស់រថយន្តបង្ក មកដោះស្រាយតែម្ចាស់រថយន្ត មិនបានចេញមកដោះស្រាយនោះទេ ទើបសមត្ថកិច្ចស្ទូចរថយន្តទៅរក្សាទុក នៅអធិការដ្ឋាននគរបាលខណ្ឌចំការមន ដើម្បីរងចាំម្ចាស់ចូលខ្លួនដោះស្រាយតាមច្បាប់ ៕
