រថយន្តហ៊ីយ៉ាន់ដាយមួយគ្រឿង បានដឹកអីវ៉ាន់សំពីងសំពោងហួចចំណុះ បានក្រឡាប់ផ្ញារជើងច្រងាងចាក់អីវ៉ាន់ពេញផ្លូវ តែសំណាងល្អ មិនបណ្តាលឲ្យមនុស្សណាម្នាក់ រងរបួសនោះទេ ។
ហេតុការណ៍នេះ បានកើតឡើងកាលពីវេលាម៉ោង២២និង២០នាទីយប់ ថ្ងៃទី១៥ ខែកុម្ភះ ឆ្នាំ២០១៥ នៅចំណុចខាងជើងស្ថានីយ៍ទូរទស្សន៍លេខ៣ តាមបណ្តោយផ្លូវលេខ៥៩៨ ស្ថិតក្នុងសង្កាត់ទូលសង្កែ ខណ្ឌឬស្សីកែវ ។
តាមប្រភពព័ត៌មាន ពីកន្លែងកើតហេតុ បានឲ្យដឹងថា មុនពេលកើតហេតុ គេបានឃើញរថយន្តម៉ាកហ៊ីយ៉ាន់ដា ពណ៌ខៀវ ពាក់ស្លាកលេខ ភ្នំពេញ 3B-7565 ដោយដឹកប្រេងឆា និងសំឡីអនាម័យ សំពីសំពោង ធ្វើដំណើរតាមបណ្តោយផ្លូវលេខ៥៩៨ ក្នុងទិសដៅពីជើងទៅត្បូង ខណៈមកដល់ចំណុចកើតហេតុ ដោយចំណុចផ្លូវដែលគេកំពុងសាងសង់ និងអង្ហុកផងនោះ ក៏បានផ្អៀងក្រឡាប់ផ្ងារជើងច្រងាងចាក់អីវ៉ាន់ ដែលនៅលើរថយន្តពេញផ្លូវ និងសង្កាត់ទុយោទឹក តែមិនបណ្តាលឲ្យរងការខូចខាតនោះទេ ។
សាក្សីដដែលបានបន្តថា បន្ទាប់ពីកើតហេតុ សមត្ថកិច្ចបានមកដល់ចំណុចកើតហេតុ ពិនិត្យជាក់ស្តែង ដោយមិនមានប៉ះពាល់ដល់មនុស្ស និងទ្រព្យសម្បត្តិនាក់ដទៃ ក៏ប្រគល់ឲ្យម្ចាស់ស្ទូចយកទៅជុសជុលដោយខ្លួនឯង ៕
