កំពង់ស្ពឺ=មន្ត្រីយោធាម្នាក់ឈ្មោះ ឃីម ដែលឈរជើងតាមផ្លូវជាតិលេខ៤២ពី ស្រុកឪរ៉ាល់មកទីរួមខេត្តកំពង់ស្ពឺត្រូវបានពលរដ្ឋអ្នករស់នៅម្តុំនោះបាននិយាយថាជាអ្នករកស៊ីកាងបទល្មើសព្រៃឈើដឹកតាមគោយន្តកន្ត្រៃយ៉ាងអនាធិបតេយ្យគ្មានមេគ្មានកើយណាអើពើនិងទង្វើរបស់គេឡើយ ។
តាមសេចក្តីរាយការណ៏ថា មន្ត្រីយោធា ឈ្មោះ ឃីម នេះជាមន្ត្រីយោធានៃយោធ ភូមិភាគទី៣ផ្នែក (2B)ដឺបេ តែងតែចុះប្រត្តិការណ៏កាងបទល្មើសព្រៃឈើ នៅ ចំណុច ស្ពានដែកក្នុងស្រុកឪរ៉ាល់ ។
តាមអ្នករស់នៅម្តុំនោះបាននិយាយថា លោកឃីម ដែលជាអ្នកកាងឈើ នេះ តែងតែបាននាំគោយន្តដឹកឈើតាមផ្លូវជាតិលេខ៤២ចេញពីស្រុកឪរ៉ាល់មកលួចចូលរោងសិប្បកម្មតាមរោងលួចលាក់ជាច្រើននៅក្នុងព្រៃដែលជាសិប្បកម្មល្មើសច្បាប់ដែលរូបគេបានឃុបឃិតជាមួយឈ្មួញ ។
មន្ត្រីយោធាយោធភូមិភាគទី៣ម្នាក់ដែលសុំលាក់ឈ្មោះបាននិយាយថា រូបគាត់ មិនបានស្គាល់ឈ្មោះ ឃីម នេះទេហើយមន្ត្រីយោធាយោធភូមិភាគទី៣ក៏មិន មានអ្នកណាហ៊ានប្រពិត្តបែបនេះទេ ។ ដោយឡែក មន្ត្រីយោធា(2B)ដឺបេ នៃអគ្គបញ្ជាការប្រចាំខេត្តកំពង់ស្ពឺ ក៏បានលើកឡើង ដោយបដិសេដ្ឋថាមិនមាន មន្ត្រីរបស់ខ្លួនណាម្នាក់ហ៊ានដើរប្រព្រត្តិបែបនេះខុសនិងបទបញ្ជានោះទេ ។
អង្គភាពមួយៗដោយឆ្លើយមិនទទួលខុសត្រូវបែបនេះពលរដ្ឋបានសុំណូមពរដល់លោកឧត្តមសេនីឯក យឿង សុខុន មេបញ្ជាការយោធភូមិភាគទី៣ ក៏ដូច ជាលោកអភិបាលខេត្តកំពង់ស្ពឺមេត្តាកោះហៅបុគ្គលខាងលើមកសាកសួរឬអប់រំកែប្រែដល់កងកំលាំងទាំងនោះឲ្យបញ្ឃប់ជាបន្ទាន់នៅទង្វើរទាំងនេះដែលផ្ទុយនិងច្បាប់ប្រាស់ចាកពីវិនយ័កងទព័និងប៉ះពាល់ដល់កិច្ចការការពារព្រៃឈើថែមទៀត ។
ហើយបើសិនតែនៅតែបណ្តែតបណ្តោយឲ្យកងកំលាំងដើរកាងបទល្មើសមិនស្របច្បាប់ទាំងនេះទៀតតទៅមុខភាពអនាធិបតេយ្យនិងកើតមានពេញទូទាំងខេត្តនិងធ្វើឲ្យបាត់បងជំនឿចិត្តពលរដ្ឋមកអាជ្ញាធរទាំងអស់ក្នុងនោះរាប់ទាំងការដាក់កុងត្រូលជជុះផងដែរ ៕
