សៀមរាប៖ ដោយមានការគោរព និងជាទំនាមទំលាប់ខ្មែរប្រពៃណីខ្មែរ តែងតែបុរាណបាន នាំគ្នាធ្វើបុណ្យដាក់ទាន រាប់បាត ដើម្បីរំលឹកនូវបុណ្យគុណបុព្វបុរសខ្មែរ និងអ្នកតាម្ចាស់ទឹកម្ចាស់ដីដែលបានថែរក្សា ប្រជាពលរដ្ឋខ្មែរ ឲ្យទទួលបាននូវសេចក្តីសុខ ទើបនៅព្រឹកថ្ងៃទី 
១៦ ខែកុម្ភះឆ្នាំ ២០១៥ ព្រះសង្ឃចំនួន២៣អង្គមកពីវត្តជីក្រែង រួមជាអាជ្ញាធរ ប្រជាពលរដ្ឋ លោកតា លោកយាយ បានអញ្ជើញសូទ្រមន្តប្រស់ព្រហ្មនៅលើស្ពាននាគ ដែលជាស្ពានបុរាព និងកសាងនាសម័យអង្គរ ដើម្បីសុំសេចក្តីសុខ ដល់ប្រជាពលរដ្ឋនៅក្នុងស្រុកក៏ដូចជាប្រជាពលរដ្ឋដែលបានធ្វើដំណើរឆ្លងកាតស្រុកជីក្រែង ខេត្តសៀមរាប។
ប្រជាពលរដ្ឋជាច្រើនតែងតែធ្លាប់ស្គាល់ថា នៅក្នុងស្រុកជីក្រែងមានស្ពានបុរាណ ដែលបានកសាងនាសម័យ នាអង្គរ និងជាទំលាប់របស់ប្រជាពលរដ្ឋទូទៅហៅថា ស្ពានកំពង់ក្តី អ្នកខ្លះហៅថា ស្ពាននាគ ខ្លះទៀតហៅថា ស្ពានប្រាប់ទិសឬស្ពានព្រះទិស ស្ពាននេះបានធ្វើនៅលើផ្លូវជាតិលេខ៦ កាលពីមុន អ្នកធ្វើដំណើរឆ្លងការស្ពាននេះ លុះដល់ ផ្លូវជាតិលេខ៦ ត្រូវបានកសាងជួសជុលឡើងវិញ រាជរដ្ឋាភិបាលបានធ្វើស្ពានបង្វៀងមួយថ្មី ដើម្បីឲ្យធ្វើដំណើរនិងចរាចរណ៍យានយន្តតាមស្ពានថ្មី ចំណែកស្ពានបុរាណត្រូវបានអភិរក្សនិងថែរក្សាដោយអាជ្ញាធរ អប្សរា ។
នាពេលបច្ចុប្បន្នស្ពាននេះបានក្លាយទៅជាតំបន់ទេសចរណ៍ មួយដ៏សំខាន់នៅក្នុងប្រទេស ស្ពាន ព្រះទិស (ស្ពានកំពង់ក្តី) ស្ពាននេះស្ថិតនៅ លើផ្លូវបុរាណ តភ្ជាប់ពីអង្គរ ទៅខេត្តខ័ណ្ឌផ្សេងៗ នៅភាគអាគ្នេយ៍ នៃរាជធានីអង្គរ ឆ្លងកាត់ស្ទឹងជីក្រែង ដែលមានបណ្តោយប្រវែង ៨៦ម៉ែត្រ ទទឹង ១៦ម៉ែត្រ កំពស់ ១០ម៉ែត្រ ពីបាតស្ទឹង រន្ធតដេវចំនួន ២១ និង សរសរ ចំនួន ២០ ស្លាបស្ពានទាំងបួន មានប្រវែងខុសៗគ្នា ដែលក្នុងនោះ ស្លាបខាង ពាយ័ព្យប្រវែង ២២ម៉ែត្រ និង កំពស់៥ម៉ែត្រ ស្ពាននេះ ធ្វើអំពីថ្មបាយក្រៀម លំអរដោយ បង្កាន់ដៃនាគ មាន
ក្បាល៩ និងថ្មគោលចំនួន៤ ធ្វើអំពីថ្មភក់ ថ្មគោល២ ខាងលិច មានម្ខាងឆ្លាក់រូបយក្យជាឆ្មាំ និង ម្ខាងទៀត ជារូបទេវតា ដូចចម្លាក់ទ្វារបាល តាមប្រាសាទ សម័យបាយ័ន្តដែរ។
សូមបញ្ជាក់ផងដែរថា ជារៀងរាល់ឆ្នាំ អាជ្ញាធរ និងប្រជាពលរដ្ឋ តែងតែនាំគ្នាប្រារព្វពិធីបុណ្យ រាប់បាតដើម្បី ជាពិសេសមានភ្ញៀវជាតិ និងអន្តរជាតិមកកំសាន្ត មកទស្សនាស្ពានកំពង់ក្តីនេះជាច្រើន និងបានធ្វើឲ្យប្រជា ពលរដ្ឋនៅទីនោះអាចរកចំណូលពីការលក់វត្ថុអនុស្សាវរីយ៍ផងដែរ។
ដោយ ព្រុំ សុខា
