ទូរទស្សន៍ប៊ីប៊ីស៊ី បានផ្សព្វផ្សាយ កាលពីល្ងាចថ្ងៃទី១៥ ខែកុម្ភៈ ឆ្នាំ២០១៥ថា លោក Michele Ferrero ជាមហាសេដ្ឋីមួយរូប ជនជាតិអ៊ីតាលី និងជាអធិរាជផលិតស្ករសូកូឡា ល្បីល្បាញ នៅទូទាំងពិភពលោក បានទទួលមរណភាពហើយ ក្នុងរយៈ ៨៩ឆ្នាំ ។ក្រុមហ៊ុនឯកជនរបស់លោក ដែលមានឈ្មោះល្បីល្បាញ ផលិតស្ករសូកូឡា មានឈ្មោះថា Nutella ក្នុងនោះមាន Ferrero Rocher chocolates, Kinder eggs និង Tic Tac sweets ។លោក rrero បានស្លាប់កាលពីថ្ងៃសៅរ៍ ចុងសប្តាហ៍កន្លងទៅនេះ នៅគេហដ្ឋានរបស់លោក នៅប្រទេសម៉ូណាកូ បន្ទាប់ពីរូបលោកបានធ្លាក់ ខ្លួនឈឺក្នុងអំឡុងពេល ជាច្រើនខែមកហើយ ។ បើតាមការអះអាងពីតំណាងក្រុមហ៊ុន លោកបានឲ្យដឹងយ៉ាងដូច្នេះ ។លោក Sergio Mattarella 
ប្រធានាធិបតីអ៊ីតាលី បានប្រសិទ្ធិនាមលោកថា “សហគ្រិនដែលកើតដំបូងគេបង្អស់” ។
គេបានដឹងថា ឪពុករបស់លោក Ferrero ជាអ្នកធ្វើនំម្នាក់ ដែលគេស្គាល់ឈ្មោះថា Pietro ដោយបានបង្កើតក្រុមហ៊ុន Nutella ក្នុង ឆ្នាំ ១៩៤៦ ។គេក៏បានដឹងថា ក្រុមហ៊ុន Nutella ត្រូវបានទទួលស្គាល់ ពាសពេញពិភពលោក ហើយបានផលិតចេញ នៅតាមបណ្តា
រោងចក្រចំនួន ១១ និងបានលក់ចេញផលិតផល ទៅកាន់បណ្តាប្រទេសចំនួន ១៦០នៅទូទាំងសកលលោក ។បុគ្គលិកដែលបម្រើការងារឲ្យ ក្រុមហ៊ុនរបស់លោក Ferrero មានជាង ២២ពាន់នាក់ ហើយការលក់ចេញ ផលិតផលក្នុង ១ឆ្នាំៗទទួលបាន ប្រាក់ចំណូលជាង ៥,៩ពាន់លានដុល្លារសហរដ្ឋអាម៉េរិក ៕
