ខេត្តព្រះសីហនុ កាលពីថ្ងៃទី១៤ ខែកុម្ភះ ឆ្នាំ២០១៥ សហភាព សហពន្ធ័យុវជនខេត្តព្រះសីហនុប្រមូលថវិកាជួយដល់ជនរងគ្រោះដោយសាអគ្គីភ័យចំនួន០២គ្រួសារ គឺគ្រួសារលោក សឿង លី អាយុ ៤២ឆ្នាំ គ្រួសារលោក យ៉ន់ រិក អាយុ៤៤ឆ្នាំ និងគ្រួសារក្រីក្រមានជំងឺរបស់លោក រស់ សុទ្ធ អាយុ ៤៦ឆ្នាំ មានទីតាំង ស្រុកព្រៃនប់ ខេត្តព្រះសីហនុ ដឹកនាំដោយឯកឧត្តម ស្រ៊ុន ស្រ៊ន់ អភិបាលរងខេត្ត ព្រះសីហនុ ។
ឯកឧត្តម ស្រ៊ុន ស្រ៊ន់ បានមានប្រសាសន៌ ពាំនាំនូវការសាកសួរសុខទុក្ខ ពីសំណាក់ឯកឧត្តម ហ៊ុន ម៉ានី ប្រធានសហភាព សហពន្ធ័យុវជនកម្ពុជា ដែលជានិច្ចកាលឯកឧត្តម បានគិតគូពីសុខទុក្ខ និងជីវភាពរស់នៅរបស់បងប្អូនប្រជាពលរដ្ឋនៅទូទាំងប្រទេស ជាពិសេសប្រជាពលរដ្ឋជួបប្រទះនូវគ្រោះធម្មជាតិ គ្រោះអគ្គីភ័យ ជនក្រីក្រ ចាស់ជរាគ្នានទីពឹង ដើម្បីធ្វើយ៉ាងណាសង្គ្រោះ សម្រួលនូវការខ្វះខាតក្នុងជីវភាពរស់នៅប្រចាំថ្ងៃ ។
ឯកឧត្តម ស្រ៊ុន ស្រ៊ន់ ក៌បានសំដែងការចូលរួមសោកស្តាយ និងចូលរួមរំលែកទុកលំបាកដែលបានបាត់បង់លំនៅដ្ឋាន ជួបប្រទះនូវកាលំបាកខ្វះខាត និងតម្រូវការចាំបាច់នូវទីជម្រកស្នាក់នៅរបស់បងប្អូនប្រជាពលរដ្ឋរងគ្រោះទាំងពីរគ្រួសារដោយសារអគ្គីភ័យឆាបឆេះអស់ កាលពីដើមខែកុម្ភះ ឆ្នាំ២០១៥កន្លងមកនេះ ។ ដោយសារមើលឃើញនូវការលំបាកខ្វះខាតទីជម្រក ស្បៀង ប្រចាំថ្ងៃ ទើបសហភាព សហពន្ធ័យុវជនខេត្តព្រះសីហនុ សហការ ជាមួយសហភាព សហពន្ធ័យុវជនស្រុកព្រៃនប់ បានប្រមូលថវិការផ្ទាល់ខ្លួន ដើម្បីយកមកចូលរួមជួយរំលែកនូវការលំបាកខ្វះខាតរបស់បងប្អូនរងគ្រោះ និងគ្រួសារក្រីក្រមានជំងឺនាពេលនេះ
សបញ្ជាក់ពីការយកចិត្តទុកដាក់ពីសំណាក់សហភាព សហពន្ធ័យុវជនកម្ពុជាខេត្តព្រះសីហនុ ដែលតែងតែចូលរួមសហការជាមួយគ្រួសារជនរងគ្រោះ និងជនក្រីក្រ នៅក្នុងខេត្តព្រះសីហនុ ដើម្បីរកជំនួយឧបត្ថម្ភយកមកចែកជួនជួយសម្រួលជីវភាពរស់នៅក្នុងគ្រួសា និងមានទីជម្រកសមរម្យឡើងវិញ ដើម្បីឪ្យកូនៗបានបន្តការសិក្សារួមចំណែកចូលរួមកាត់បន្ថយភាពក្រីក្ររបស់ប្រជាពលរដ្ឋ ស្របតាមគោលនយោបាយកំណែទម្រង់ស៊ីជំរៅរបស់រាជរដ្ឋាភិបាលកម្ពុជាអាណត្តិទី៥ ។
អំណោយដែលចែកជូនគ្រួសារជនរងគ្រោះដោយសារភ្លើងឆេះផ្ទះទាំងពីរគ្រួសារ ក្នុងមួយគ្រួសារទទួលបានអង្ករចំនួន ៥០គីឡូគ្រាម សង្កសីចំនួន ៤០សន្លឹក ថវិការ១លានរៀល និងសម្ភាះផ្ទះបាយចំនួន១៦មុខផ្សេងទៀត ដោយឡែកគ្រួសារលោក យិន រិក អាយុ ៤៤ឆ្នាំ មានកូនក្នុងបន្ទុក៥នាក់ ប្រុស០៤នាក់ ស្រី០១នាក់ ទទួលបានថវិកាបន្ថែមចំនួន ៩៥៣.៦០០រៀល ពីក្រុមប្រឹក្សាយុវជននៃវិទ្យាល័យហ៊ុន សែនវាលរេញ ។
ចំពោះគ្រួសារក្រីក្រនិងមានជំងឺលោក រស់ សុទ្ធ អាយុ៤៦ឆ្នាំទទួលបានអង្ករ ៥០គីឡូក្រាម ថវិការ ៥០ម៉ឺនរៀល មី ០២កេស ទឹកដោះគោ ៥កំប៉ុង ស្កសរ ០២គីឡូក្រាម និងតែមួយកញ្ចប់ ៕ ដោយ ស៊ុយ ចាន់ធា
