ត្បូងឃ្មុំ ៖ លោកវររសេនីយន៍ឯក ញិល រត្ន័សុភាសិត ស្នងការរងនគរបាល និងជា នាយសេនាធិការ នៃស្នងការដ្ឋាន នគរបាល ខេត្ដត្បូងឃ្មុ បានទទួលមរណភាព ហើយ កាលពីវេលា ម៉ោង១១និង៣០នាទីព្រឹកថ្ងៃទី១៦ ខែកុម្ភៈ ឆ្នាំ២០១៥ ដោយដាច់សសៃឈាមក្នុងខួក្បាល ក្នុងអាយុ៤៤ឆ្នាំ បន្ទាប់ពីជួយយកទៅសង្គ្រោះនៅឯមន្ទីរពេទ្យប្រទេសវៀតណាម កាលពីជិត១០ថ្ងៃមុន ដោយ ក្រុមគ្រួសារនិងលោក ម៉ៅ ពៅ ស្នងការខេត្តត្បូងឃ្មុំ។
ស្នងការនគរបាលខេត្ដត្បូងឃ្មុំ លោកឧត្ដមសេនីយ៍ម៉ៅ ពៅ បានឱ្យដឹងថា បន្ទាប់ពីយកចិត្តទុកដាក់ជួយបញ្ជូនយកទៅសង្គ្រោះអស់ជាច្រើនថ្ងៃនៅប្រទេសវៀតណាមរួចមក លោក ញិល រត្ន័សុភាសិត បានទទួលមរណភាព ដោយសារជំងឺដាច់សសៃឈាមក្នុងខួក្បាល ដែលគ្រូពេទ្យមិនជួយសង្គ្រោះបាន។
លោកឧត្ដមសេនីយ៍ម៉ៅ ពៅ បានបង្ហាញ ការសោកស្ដាយនិងចូលរួមរំលែកទុក្ខយ៉ាងក្រៀមក្រំ ចំពោះមន្ដ្រី នគរបាលក្រោម ឱវាទ ថ្នាក់ជាស្នងការរង ដែលបានទទួលមរណភាពទាំងវ័យក្មេង ក្នុងពេលកំពុង បម្រើការងារយ៉ាងដូច្នេះ។
ហើយរូបលោកបានដឹកនាំ នគរបាលមួយក្រុម រៀបចំចាត់ចែងដឹកសព យកទៅតម្កល់ទុក ដើម្បីធ្វើបុណ្យតាមប្រពៃណី នៅគេហដ្ឋានលោកឧត្ដមសេនីយ៍ឯក ពិន ពិសិដ្ឋ អគ្គនាយករង នៃអគ្គ នាយកដ្ឋានអន្ដោប្រវេសន៍ ក្រសួងមហាផ្ទៃ ស្ថិតនៅភូមិក សង្កាត់ច្រាំងចំរេះទី២ ខណ្ឌ ឫស្សីកែវ ពោលនៅជាប់និង អធិការដ្ឋាននគរបាលខណ្ឌឫស្សីកែវ ៕
