រាជធានីភ្នំពេញ ៖ បុរសម្នាក់ជិះម៉ូតូស្មាសវី ពណ៌ស ខណៈមកដល់ផ្លូវបែកជាបួនបានបុកគ្នាជាមួយម៉ូតូហុងដាឌ្រីមC110 ពណ៌ខ្មៅ បណ្តាលឱ្យបុរសជិះម៉ូតូស្មាសវី របួសស្រាល ដែលហេតុការណ៍នេះបានកើតឡើងនៅ វេលាម៉ោង៩និង២៥នាទីយប់ថ្ងៃទី២៤ខែមីនាឆ្នាំ២០១៤ ត្រង់ចំណុចផ្លូវ
១៥៤កែងផ្លូវលេខ៦៣ ស្ថិតនៅសង្កាត់ផ្សារថ្មីទី១ ខណ្ឌដូនពេញ។
ប្រភពព័ត៌មានពីកន្លែងកើតហេតុបានឱ្យដឹងថា មុនពេលកើតហេតុគេបានឃើញម៉ូតូស្មាសវី ពណ៌ស ពាក់ស្លាកលេខ ភ្នំពេញ 1AR-5655 បើកដោយបុរសម្នាក់ក្នុងទិសដៅពីលិចទៅកើតតាមបណ្ដោយផ្លូវលេខ១៥៤ ក្នុងល្បឿនលឿនដូចហោះបានវ៉ារថយន្តមួយគ្រឿង ខណៈមកដល់ផ្លូវកែងលេខ៦៣បានបុកគ្នាជាមួយ ម៉ូតូហុងដាឌ្រីមC110 ពណ៌ខ្មៅ ពាក់ស្លាកលេខ ភ្នំពេញ 1BG-5619 ទិសដៅពីត្បូងទៅជើង បណ្តាលឱ្យបុរសបើកម៉ូតូស្មាសវី របួសស្រាល។
ក្រោយពេលកើតហេតុសមត្ថកិច្ច បានធ្វើការវាស់វែង និងយកម៉ូតូទាំង២គ្រឿងទៅរក្សាទុកនៅអធិការដ្ឋាននគរបាល ខណ្ឌដូនពេញរង់ចាំធ្វើការដោះស្រាយតាមផ្លូវច្បាប់៕
