ភ្នំពេញ៖ នារីដៃឆើតម្នាក់ត្រូវបាននារីដែលជាជនរងគ្រោះចាប់ប្រគល់អោយសមត្ថកិច្ចប៉ុសិ៏្តទឹកថ្លាបន្តប់ពីជនសង្ស័យបានធ្វើសកម្មភាពលួចយកកាបូបលុយហើយបានរត់គេចខ្លួនបាន៧ថ្ងៃ។
ការឃាត់ខ្លួននារីដៃឆើតម្នាក់នេះបានធ្វើឡើងកាលពីវេលាម៉ោង២២នឹ០០នាទីដៃទី១៥ ខែកុម្ភះ ឆ្នាំ២០១៥ នៅចំណុចស្ថានីយ៏ទូរទស្សន៏អាស៊ីអាគ្នេយ៏ ស្ថិតក្នុងភូមិស្លែងរលើង សង្កាត់ទឹកថ្លា ខណ្ឌសែនសុខ។
ជនសង្ស័យដែលត្រូវឃាត់ខ្លួននោះមានឈ្មោះរ៉ាន់ ណាវី ភេទស្រី អាយុ១៨ឆ្នាំ មុខរបរបម្រើការក្នុងហាងគ្រឿងសមុទ្រស្នាក់នៅផ្ទះជួល ភូមិតាងួន សង្កាត់កាកាប ខណ្ឌពោធសែនជ័យ។
ជនរងគ្រោះមានឈ្មោះស៊ាន សុម៉ាលី ភេទស្រី អាយុ១៧ឆ្នាំ មុខរបរ កម្មកររោងចក្រ ស្នាក់នៅផ្ទះជួលចំណុចកើតហេតុខាងលើ។តាមប្រភពព័ត៏មានពីនារីរងគ្រោះបានអោយដឹងថា កាលពីថ្ងៃទី០៩ខែ០២ឆ្នាំ២០១៥វេលាម៉ោងប្រហែលជា០៦នឹង០០នាទី ជនរងគ្រោះបានមកមើលខនសើត នៅស្ថានីយ៏ទូរទរទស្សន៏អាស៊ីអាគ្នេយ៏ ហើយបានស្គាល់គ្នាជាមួយជនសង្ស័យនឹងបានបបួលគ្នាទៅដេកផ្ទះជនរងគ្រោះ
បានចំនួន០២យប់ ស្រាប់តែជនសង្ស័យបានធ្វើសកម្មភាពលួចយកកាបូបលុយរបស់នារីរងគ្រោះដែលទុកនៅក្នុងទូចុងជើង បន្ទប់មកជនសង្ស័យក៏គេចខ្លួនបាត់ លុះមកដល់ថ្ងៃកើតហេតុ គឺថ្ងៃទី១៥ ខែ០២ ឆ្នាំ២០១៥ ជនរងគ្រោះបានឃើញជនសង្ស័យនៅក្នុងកម្មវិធីប្រគុំតន្រី្ត នៅស្ថានីយ៏ទូរទស្សន៏អាស៊ីអាគ្នេយ៏ក៏ឃាត់ខ្លួនយកមកប្រគល់អោយសមត្ថកិច្ចប៉ុស្តិ៏ទឹកថ្លាដើម្បីសាកសួរតែម្តង។ បច្ចុប្បន្នជនសង្ស័យកំពុងឃាត់ខ្លួននៅអធិការដ្ឋានខណ្ឌសែនសុខដើម្បីចាត់ការតាមផ្លូវច្បាប់៕
