កំពង់ឆ្នាំង៖ជនល្មើសនិងតណ្ហាម្នាក់ត្រូវបានប្រជាការពារ និងមន្ត្រីនគរបាលមូលដ្ឋានធ្វើការចាប់ខ្លួនភ្លាម ៗក្រោយនារីរងគ្រោះប្តឹងចោទថាបានចាប់រំលោភរូបនាងនៅក្នុងបន្ទប់ទឹក។ករណីនេះបានកើតឡើងនៅ វេលាម៉ោង៧និង១៥នាទីយប់ថ្ងៃទី១៥ ខែកុម្ភះ ឆ្នាំ២០១៥ ពេលដែលនារីរងគ្រោះ ទៅចូលរួមនៅក្នុងពិធី
ខួបកំណើតបងប្អូន ក្នុងភូមិខ្យាងត្បូង ឃុំស្វាយ ស្រុកសាមគ្គីមានជ័យ។
ជនល្មើសរូបនោះត្រូវបានសមត្ថកិច្ចបញ្ជូនមកដល់ស្នងការដ្ឋាននគរបាលខេត្តកំពង់ឆ្នាំង នៅរសៀលថ្ងៃទី ១៦ ខែកុម្ភះ ឆ្នាំ២០១៥ និងត្រូវបានមន្ត្រីការិយាល័យព្រហ្មទ័ណ្ឌកំរិតធ្ងន់ ធ្វើការសាកសួរ គេបានសារភាពថា៖ រូបគេមានឈ្មោះ ប៊ុន ចាន់រ៉ូ អាយុ២៤ឆ្នាំ មានទីលំនៅភូមិឃុំកើតហេតុខាងលើ។ នៅល្ងាចថ្ងៃទី ១៥ ខែកុម្ភះ រូបគេត្រូវបានម្ចាស់ផ្ទះហៅទៅចូលរួមក្នុងពីធីខួបកំណើតកូន លុះពេលយប់បន្តិចរូបគេស្រវឹងស្រឿងៗ បានដើរមកបន្ទប់ទឹកដើម្បីបត់ជើងតូច។ពេលរៀបចូលបន្ទប់ទឹកស្រាប់តែឃើញនារីរងគ្រោះចេញពីបន្ទប់ទឹកមកវិញនិងមានស្លៀកពាក់ខ្លី រូបគេក៏មានអារម្មណ៏ ហើយបានចាប់នារីរងគ្រោះ រុញចូលបន្ទប់ទឹកវិញ និងធ្វើការចាប់រំលោភនាងរហូតបានសម្រេច ទើបចេញមកវិញ ហើយបន្តិចក្រោយមកកត្រូវសមត្ថកិច្ចចាប់ខ្លួនតែម្តង។ 
លោក ឌុច ចំរើន នាយការិយាល័យនគរបាលព្រហ្មទ័ណ្ឌកំរិតធ្ងន់ នៃស្នងការដ្ឋាននគរបាលខេត្តបានអោយដឹងថា៖នារីរងគ្រោះមានអាយុ២៥ឆ្នាំ ពេលនាងទៅបត់ជើងនៅបន្ទប់ទឹកគឺជនសង្ស័យខាងលើនេះមានចេតនាទៅចាប់នាងរំលោភតែម្តង ទើបឃើញនាងដើរចេញទៅបន្ទប់ទឹកក្រោយផ្ទះ រូបគេក៏ដើរតាម ហើយពេលនាងចេញពីបន្ទប់ទឹកមកវិញ ក៏បានចាប់នាងរុញចូលបន្ទប់ទឹកវិញរំលោភតែម្តង។ក្រោយពេលចេញមកវិញនារីរងគ្រោះបានប្តឹងប្រជាការពារ និងបានសហការជាមួយមន្ត្រីនគរបាលមូលដ្ឋានធ្វើការចាប់ឃាត់ខ្លួនតែម្តង ។
ជនល្មើសរូបនេះត្រូវបានមន្ត្រីនគរបាលការិយាល័យព្រហ្មទ័ណ្ឌកំរិតធ្ងន់ នៃស្នងការដ្ឋានខេត្តកំពង់ ឆ្នាំងបានកសាងសំណុំរឿង បញ្ជូនជនល្មើសទៅកាន់សាលាដំបូងខេត្តនៅព្រឹកថ្ងៃទី ១៧ ខែកុម្ភះ ឆ្នាំ២០ ១៥ នេះដើម្បីធ្វើការចោទប្រកាន់និងផ្តន្ទាទោសតាមច្បាប់ច្បាប់៕
( ឈៀង ថារិទ្ធ )
