កំពង់ឆ្នាំង ៖ ប្រជាពលរដ្ឋ និង ព្រះសង្ឃគង់នៅវត្តព្រះជ័យឥន្ទ្រា ហៅវត្តបន្ទាយធ្លក ស្ថិតក្នុងភូមិកំព្រងឃុំផ្សារ ស្រុកបរុបូរណ៏ បានផ្អើលទាំងយប់ នាំគ្នាព័ទ្ធចាប់សង្ឃ១អង្គ ដែលគង់នៅក្នុងវត្តបាន និមន្តចេញពីវត្តឡើងចូលផ្ទះប្រជាពលរដ្ឋដែលនៅក្បែររបងវត្តទាំងកណ្តាលអាធ្រាត។ ហេតុការណ៌នេះ បានកើតឡើងវេលាម៉ោង ០និង៣០នាទៅរំលងអាធ្រាត្រ ឈានចូលថ្ងៃទី
១៦ ខែកុម្ភៈ ឆ្នាំ២០១៥ ។
អាជ្ញាធរមូលដ្ឋានបានអោយដឹងថា៖ព្រះសង្ឃដែលគួរមានការសង្ស័យរូបនោះមានព្រះនាម គាំ
គា ព្រះជន្ម៣៣វស្សា បួសនៅវត្តសាឡុង ក្នុងឃុំវលិ្ល ស ស្រុកសំរោងទង ខេត្តកំពង់ស្ពឺ និងបានទៅ គង់ នៅវត្តចក្រី ស្រុកភ្នំព្រឹក ខេត្តបាត់ដំបង អស់រយះពេល៤វស្សាមកហើយ ។
មុនពេលកើតហេតុប៉ុន្មានថ្ងៃមុន សង្ឃអង្គនេះបាននិមន្តមកចូលរួមពីធីបុណ្យបញ្ចុះសីមា នៅវត្តអង្គ ស្ថិតក្នុងភូមិស្នោរ ឃុំខុនរ៉ង ស្រុកបរិបូណ៌ ដោយមកគង់ស្នាក់នៅក្នុងវត្ត កើតហេតុខាងលើនេះ ស្រាប់តែនៅវេលាម៉ោង ប្រមាណ ជាង១២ យប់ឈានចូលថ្ងៃទី១៦ ខែកុម្ភះ ឆ្នាំ២០១៥ព្រះសង្ឃអង្គនេះបានលួចលបឡើងទៅ លើផ្ទះរបស់ ស្ត្រីម្នាក់ឈ្មោះ ឌុប ច្រិប អាយុ៤១ឆ្នាំ ដែលមានផ្ទះស្ថិតនៅក្បែររបងវត្ត នៅដែលប្តីគេមិននៅផ្ទះ។ ចំណែកស្ត្រីម្ចាស់ជាផ្ទះនិង
កូនក្រមុំកំពុងដេកនៅក្រោមផ្ទះ បានឃើញសកម្មភាពសង្ឃអង្គនេះឡើងទៅលើផ្ទះ ក៏ស្រែកផ្អើលឆោឡោឡើង និងចាប់ឃាត់ព្រះកាយទាំងយប់ ហើយព្រឹកឡើងបានប្រគល់ អោយទៅមន្ត្រីសង្ឃ ស្រុក បរិបូណ៌ ហើយត្រូវបានមន្ត្រីសង្ឃបផ្សឹក រួច ប្រគល់អោយទៅសមត្ថកិច្ច ដើម្បីធ្វើការសាកសួរពី បទលបឡើង ទៅ លើផ្ទះអ្នកស្រុក ទាំងកណ្តាលអាធ្រាត ដែលគេសង្ស័យលបកូនក្រមុំគេ។
នៅចំពោះមុខសមត្ថកិច្ចអន្ទិតសង្ស័យរូបនេះបានឆ្លើយសារភាពថា មូលហេតុដែលគេឡើងចូល ផ្ទះ ប្រជាពលរដ្ឋទាំងយប់នោះព្រោះថា នៅពេលដែលចេញមកនោម ឃើញស្រម៉ោលមនុស្សដើរចេញ ពីក្នុងព្រៃ សំដៅទៅផ្ទះស្ត្រីរូបនោះ។ ឃើញដូចនេះរូបគេក៏បានដើរតាមនិងបានឡើងទៅលើផ្ទះ ដោយ ពុំមានបំណងអាក្រក់នោះទេ តែត្រូវស្ត្រីម្ចាស់ផ្ទះភ្ញាក់ឡើងស្រែកផ្អើល ឆោឡោតែម្តង។
ក្រោយពីសាកសួរហើយអន្ទឹតសង្ស័យរូបនោះត្រូវបានសមត្ថកិច្ចដោះលែងអោយត្រឡប់ទៅលំនៅដ្ឋានវិញនៅរសៀលថ្ងៃដដែល ដោយសំអាងថា៖គេមិនទាន់ប្រព្រឹត្តបទល្មើសអ្វីនៅឡើយ៕
ឈៀង ថារិទ្ធ
