យោងតាមប្រភពពីទីភ្នាក់ងារឧត្តុនិយមជប៉ុន បានអោយដឹងថា គ្រោះមហន្តរាយ រញ្ជួយដីកំរឹត ៦.៩ រ៉ិកទ័ក បានធ្វើការវាយប្រហារទៅលើតំបន់ដែនកោះ ហុនស៊ូ ភាគឦសានប្រទេសជប៉ុន ។គ្រោះរញ្ជួយដីមួយនេះ បានកើតឡើងនៅវេលាម៉ោងប្រមាណ ៨ ព្រឹកម៉ោងក្នុង តំបន់នៅថ្ងៃ អង្គារ៍ នេះ ក្នុងកំរឹតជម្រៅប្រមាណជាង ១០ គីឡូម៉ែត្រ ដោយបាន ចាប់ផ្តើមមានឥទ្ធិពល
ឡើងនៅក្នុងតំបន់ឆ្នេរសមុទ្រ សានរីគូ លាតសន្ធឹងពីតំបន់ ភាគខាងត្បូងដែនកោះ អាម៉ូរី ទៅកាន់កោះ អ៊ីវ៉ាតេ និង បន្តជះឥទ្ធិពលឆ្ពោះទៅ ភាគខាងជើងដែនកោះ មីយ៉ាជី ។
ស្របពេលជាមួយគ្នានេះដែរ ទីភ្នាក់ងារឧត្តុនិយមជប៉ុនបានសម្រេចប្រកាស អាសន្ននៃឥទ្ធិពលរលកយក្សស៊ូណាម៉ិនៅក្នុងតំបន់ដែនកោះ អ៊ីវ៉ាតេ ខណៈដែល កម្ពស់ទឹករលកប្រហែលជាហក់ឡើងខ្ពស់ជាង ១ ម៉ែត្រ ។ ប៉ុន្តែមកដល់ពេលនេះ នៅពុំមានរបាយការណ៍លំអិតចំពោះទំហំនៃការខួចខាត និង មនុស្សរងរបួសនៅ ឡើយនោះទេ ៕
