សៀមរាប៖ យុវជនម្នាក់បានស្លាប់ភ្លាមៗនៅនឹងកន្លែង ក្នុងឧបទ្ទវហេតុគ្រោះថ្នាក់ចរាចរណ៍ មួយរវាងម៉ូតូនិងរថយន្តហ៊ីយ៉ាន់ដាយចំណុះ២៥តោន។ ហេតុការណ៍នេះកើតឡើងកាលពីព្រឹកថ្ងៃទី១៧ខែកុម្ភៈឆ្នាំ២០១៥វេលា ម៉ោង០៩និង៤៥នាទីលើ កំណាត់ផ្លូវជាតិ០៦ពីភ្នំពេញចូលក្រុងសៀមរាបឋិតនៅភូមិទ្រាំង ឃុំកណ្តែក ស្រុកប្រាសាទបាគង ខេត្តសៀមរាប ។
យោងតាមលោកវរៈសេនីយ៍ត្រី ប៉ោះ ចន្ថាអធិការរងនគរបាលស្រុក ប្រាសាទបាគង ទទួលបន្ទុកសណ្តាប់ធ្នាប់ចរាចរណ៍បានអោយដឹងថា យុវជនដែលបានរងគ្រោះថ្នាក់ដល់ស្លាប់ នោះមានឈ្មោះស្រីប៊ុនឈុនភេទប្រុសអាយុ ២៦ឆ្នាំ មុខរបរកាប់ជ្រូករស់នៅភូមិកមមិញឃុំរលោះស្រុក ប្រាសាទបាគង ខេត្តសៀមរាបជិះម៉ូតូសេ១២៥ផលិតឆ្នាំ១៩៩៥ពណ៍ខ្មៅពាក់ស្លាកលេខសៀមរាប១B-5250 រីឯរយន្ត ហ៊ីយ៉ាន់ដាយពាក់ ស្លាកលេខភ្នំពេញ3E-9118ចំណែកម្ចាស់រថយន្តរត់គេចខ្លួនបាត់។
ប្រភពពីប្រជាពលរដ្ឋដែលបានឃើញហេតុការណ៍នោះនិយាយថា មុនពេលកើតេហតុគេបាន ឃើញជនរងគ្រោះជិះម៉ូតូតែម្នាក់ឯងក្នុងទិសដៅពីលិចទៅកើត ចំណែករថយន្តហ៊ីយ៉ាន់ដាយ បើកបរច្រាសទិសគ្នា ស្រាប់តែមកដល់ចំណុចកើតហេតុ ក៏បានបុកគ្នាពេញទំហឹងតែម្តងបណ្តាលអោយអ្នកបើក បរម៉ូតូស្លាប់ភ្លាមៗនៅនឹងកន្លែងកើតហេតុ។
មន្ត្រីប៉ូលិសចរាចរណ៍បានអោយដឹងថា បច្ចុប្បន្នរថយន្តនិងម៉ូតូត្រូវបានយកទៅរក្សាទុកនៅ ស្នងការដ្ឋាននគបាលខេត្តសៀមារាបដើម្បីធ្វើការដោះស្រាយគ្នាទៅតាមនិតិវិធីច្បាប់។ ចំ ណែកសាកសពជនរងគ្រោះ ត្រូវបានសមត្ថកិច្ចប្រគល់អោយក្រុមគ្រួសារយកទៅធ្វើបុណ្យ តាមប្រពៃណី៕
ដោយខេងឧត្តម
