សៀមរាប៖ឈើគ្រញូងប្រមាណជាង៦០០គីឡូក្រាមដែលឈ្មួញបានយកទៅលាក់ទុកក្នុងផ្ទះ ត្រូវកម្លាំងមេព្រៃ សៀមរាប ដែលដឹកនាំដោយលោកសំរិទ្ធ សុខុន ព្រះរាជអាជ្ញារងអមសាលាដំបូងខេត្ត ចាប់រឹបអូសយកទៅរក្សាទុកដើម្បី អនុវត្តតាមច្បាប់។
ឈើគ្រញូងទាំងនោះ ត្រូវបានរកឃើញនៅក្នុងផ្ទះមួយដែលមានម្ចាស់ឈ្មោះសង ង៉ន ប្រុសអាយុជាង ៣០ឆ្នាំ ស្ថិតក្នុងភូមិ ព្រៃគុយ សង្កាត់អម្ពិល ក្រុងសៀមរាប។ តែម្ចាស់ឈើរត់គេចខ្លួនបាត់ មុនពេលសមត្ថកិច្ច ទៅដល់។សមត្ថកិច្ចបានរឹបអូសនៅរសៀល ថ្ងៃទី២៤ខែមិនា ហើយយកទៅរក្សាទុកនៅថ្នាលបណ្តុះកូនឈើ ឃុំព្រះដាក់។
លោកម៉ែនវុទ្ធី មន្ត្រីខណ្ឌរដ្ឋបាលព្រៃឈើ បានឲ្យដឹងថា ឈើគ្រញូងទាំងនោះមាន២៦២ដុំ ទម្ងន់៦២០គីឡូក្រាមស្មើ០,៥១៦ម៉ែត្រគូបពេលនេះមន្ត្រីកំពុងរៀបចំសំណុំរឿងបញ្ជូនទៅតុលាការ។
លោកសំរិទ្ធ សុខុន តំណាងអាយ្យការក្នុងហេតុការណ៏ បានឲ្យដឹងថា ទោះបីឈ្មួញឈើគ្រញូងបានរត់ គេចខ្លួន តែលោកបានឲ្យប៉ូលិសប៉ុស្តិ៏ តាមស្រាវជ្រាវសាវតា ដើម្បីនាំយកទៅសាកសួរ។ ដោយឡែកម្ចាស់ផ្ទះ គឺមិនជាប់ពាក់ពន្ធ័នោះទេ។
គួបញ្ជាក់ថាបច្ចុប្បន្ននេះសកម្មភាពដឹកជញ្ជូនឈើក្រញូងឆ្លងកាត់ខេត្តសៀមរាបតាមផ្លូវជាតិលេខ៦៧និង៦៨បាននិងកំពុងតែធ្វើចរាចយ៉ាងគគ្រឹគគ្រេងបំផុតចំណែកសមត្ថកិច្ចពាក់ព័ន្ទបាននាំគ្នាប្រព្រឹត្តនូវអំពើពុករលួយទទួលសំណូកពីក្រុមឈ្មួញដោយគ្មានកោតខ្លាចនូវចំណាត់ការអង្គរភាពប្រឆាំងអំពើពុករលួយបន្តិចសោះឡើយ។
យោងតាមប្រភពព័តមានមួយបានទម្លាយឲ្យដឹងថាសមត្ថកិច្ចពាក់ព័ន្ទដែលបានទទួលសំណូកពីក្រុមឈ្មួញឈើក្រញូងនោះមានមេព្រៃដឺបេចារកិច្ចប៉ូលិសខេត្តប៉ូលិសក្រសូងប៉េអឹមខេត្តប៉េអឹមផ្ទៃប្រទេសនិងអ្នកកាសែតមួយចំនួនទៀតប៉ុន្តែនៅពេលនេះសូមលាក់ឈ្មោះសិនចាំចូលឆ្នាំខ្មែររួចនិងធ្វើការចុះផ្សាយលាទត្រដាងឈ្មោះពួកមន្ត្រីទាំងនោះឲ្យថ្នាក់លើបានដឹង៕
