កំពង់ឆ្នាំង៖ជនសង្ស័យម្នាក់ត្រូវនារីម្នាក់ប្តឹងពីបទចាប់រំលោភរូបនាងនៅក្នុងបន្ទប់ទឹក នៅវេលាម៉ោង៧និង១៥នាទីយប់ថ្ងៃទី១៥ ខែកុម្ភះ ឆ្នាំ២០១៥ ខណៈដែលនារីរងគ្រោះទៅចូលរួមនៅពិធីខួបកំណើតបងប្អូនក្នុងភូមិខ្យាងត្បូង ឃុំស្វាយ ស្រុកសាមគ្គីមានជ័យ ហើយត្រូវបានប្រជាការពារ និងមន្ត្រីនគរបាលមូលដ្ឋានធ្វើការចាប់ខ្លួនភ្លាមៗ។
ជនសង្ស័យរូបនោះត្រូវបានបញ្ជូនមកដល់ស្នងការដ្ឋាននគរបាលខេត្តកំពង់ឆ្នាំង នៅរសៀលថ្ងៃទី ១៦ ខែកុម្ភះ ឆ្នាំ២០១៥ ហើយត្រូវបានមន្ត្រីការិយាល័យព្រហ្មទ័ណ្ឌកំរិតធ្ងន់ ធ្វើការសាកសួរ និងបានចម្លើយសារភាពរបស់ជនសង្ស័យរូបនោះថាៈ រូបគេមានឈ្មោះ ប៊ុន ចាន់រ៉ូ អាយុ២៤ឆ្នាំ មានទីលំនៅភូមិឃុំកើតហេតុខាងលើ ។
នៅល្ងាចថ្ងៃទី ១៥ ខែកុម្ភះ រូបគេត្រូវបានម្ចាស់ផ្ទះហៅទៅចូលរួមក្នុងពីធីខួប កំណើតកូនលុះពេលយប់បន្តិចរូបគេស្រវឹងស្រឿងៗ បានដើរមកបន្ទប់ទឹកដើម្បីបត់ជើងតូច តែពេល រៀបចូលបន្ទប់ស្រាប់តែឃើញនារីរងគ្រោះចេញពីបន្ទប់ទឹកមកវិញនិងមានស្លៀកពាក់ខ្លី រូបគេក៏មានអារ ម្មណ៏ ហើយបានចាប់នារីរងគ្រោះ រុញចូលបន្ទប់ទឹកវិញ និងធ្វើការចាប់រំលោភនាងរហូតបានសម្រេច ទើបចេញមកវិញ ហើយបន្តិចក្រោយមកសមត្ថកិច្ចចាប់ខ្លួនតែម្តង ។
លោក ឌុច ចំរើន ប្រធានការិយាល័យនគរបាលព្រហ្មទ័ណ្ឌកំរិតធ្ងន់ នៃស្នងការដ្ឋាននគរបាលខេត្តបានមានប្រសាសន៏ថាៈ នារីរងគ្រោះមានអាយុ២៥ឆ្នាំ ពេលនាងទៅបត់ជើងនៅបន្ទប់ទឹក គឺជនសង្ស័យខាងលើនេះមានចេតនាទៅចាប់នាងរំលោភតែម្តង ទើបឃើញនាងដើរចេញទៅបន្ទប់ទឹកក្រោយផ្ទះជន សង្ស័យរូបនោះក៏ដើរតាម ហើយពេលនាងចេញពីបន្ទប់ទឹកមកវិញ ក៏ធ្វើសកម្មភាពរុញចូលបន្ទប់ទឹកវិញ និងចាប់រំលោភតែម្តង ។ក្រោយពេលចេញមកវិញនារីរងគ្រោះបានប្តឹងប្រជាការពារ និងបានសហការជាមួយមន្ត្រីនគរបាលមូលដ្ឋានធ្វើការចាប់ឃាត់ខ្លួនតែម្តង ។
មន្ត្រីនគរបាលការិយាល័យព្រហ្មទ័ណ្ឌកំរិតធ្ងន់ នៃស្នងការដ្ឋានខេត្តកំពង់ឆ្នាំងបានកសាងសំណុំរឿង បញ្ជូនជនសង្ស័យទៅកានតុលាការនៅព្រឹកថ្ងៃទី ១៧ ខែកុម្ភះ ឆ្នាំ២០១៥ នេះដើម្បីផ្តន្ទាទៅតាមច្បាប់៕
