កំពង់ឆ្នាំង៖ ប្រជាពលរដ្ឋនៅក្នុងក្រុងកំពង់ឆ្នាំង បានធ្វើការរិៈគន់ចំៗអោយដឹងថា៖នៅពីក្រោយនិងពីមុខប៉ុស្តិរដ្ឋបាលប្អេរ សង្កាត់ប្អេរ ក្រុងកំពង់ឆ្នាំងមានគេល្បែងស៊ីសងជាយូរណាស់មកហើយ និងថ្មីៗនេះមន្ត្រីប៉ុស្តិបានបណ្តោយអោយមានល្បែងគប់ ប៉ោង ប៉ោងនៅជាប់នឹងមុខប៉ុស្តិតែម្តង ដែលមើលទៅដូចជាប៉ុស្តិនគរបាលកាងល្បែងតែម្តង។
ប្រជាពលរដ្ឋបាននិយាយអោយដឹងថា ល្បែងស៊ីសងនៅក្បែរប៉ុស្តិនិងក្រោយប៉ុស្តិមួយនេះពុំមានសមត្ថកិច្ចណាមួយអើពើឡើយ ដែលគេលេងនិងហោកញ្ជ្រៀវជារៀងរាល់ថ្ងៃ ដូចជាល្បែងចាក់ប្រដាល់ នៅរោងកាហ្វេ ក្រោយប៉ុស្តិ ដែលគេបានលែងយ៉ាងរំភើយនិងរលូនរាល់ថ្ងៃ គឺល្បែងចាក់ប្រដាល់គឺលេងនៅថ្ងៃសុក្រ សៅរ៏ និងអាទិត្យ មានមនុស្សច្រើនណាស់មកគ្រប់សមសភាពដែលញៀននិង ល្បែង នេះ ដែលក្នុងហាងស្ទើរតែរកកន្លែងអង្គុយគ្មានទេ ។ មិនតែប៉ុណ្ណោះ មានល្បែងកត់កន្ទុយលេខ និងលេងបៀផងដែរ គឺនេះជាទម្លាប់ប្រចាំថ្ងៃទៅហើយដែលសមត្ថកិច្ចបិតភ្នែកធ្វើមិនដឹងមិនឮ។
ឥឡូវនេះក្នុងពេលបុណ្យចូលឆ្នាំចិន នគរបាលប៉ុស្តិរដ្ឋបាលនេះ បានអនុញ្ញាត្តិអោយគេធ្វើរោងដាក់ល្បែងស៊ីសង គប់ប៉ោង ប៉ោង នៅមុខប៉ុស្តិតែម្តង ដែលធ្វើអោយប្រជាពលរដ្ឋហួសចិត្តនិងធ្វើការរិៈគន់ថា កន្លែងនគរបាលប៉ុស្តិជាកន្លែងសមត្ថកិច្ចជាអ្នកអនុវត្តច្បាប់ បែរជាអោយមានល្បែងស៊ីសងទៅវិញ តើរឿងនេះថ្នាក់លើមានដឹងទេ ឬអោយនគរបាលប៉ុស្តិរកលុយចិញ្ចឹមមេទេដឹង!!។
ពាក់ពន្ឋ័និងករណីនេះ លោក សំ សិទ្ឋី អធិការនគរបាលក្រុងកំពង់ឆ្នាំង បាននិយាយអោយដឹងយ៉ាងស្រួលថាៈ លោកមិនបានដឹងទេ តែនៅយប់ថ្ងៃទី១៧ ខែកុម្ភះ ប្រជាពលរដ្ឋបានប្រាប់លោក លោកក៏បានទៅមើលឃើញមានរោងគប់ប៉ោង ប៉ោង នៅបាំងពីមុខប៉ុស្តិនោះពិតមែន ហើយលោកបានបញ្ជារអោយលោកនាយប៉ុស្តិ រើចេញពីមុខប៉ុស្តិវិញភ្លាម តែនៅព្រឹកថ្ងៃទី ១៨ ខែកុម្ភះនេះ គេនៅមិនទាន់ឃើញគេរើរុះរោងល្បែងនេះចេញពីមុខប៉ុស្តិនៅឡើយទេបាទ!! ។
ប្រជាពលរដ្ឋបានយល់ថា៖ ដោយសារតែកើតមានល្បែងស៊ីសងនៅក្បែរប៉ុស្តិនេះ និងនៅកន្លែងផ្សេងៗមួយចំនួនទៀតនោះដោយគ្មានការបង្ក្រាបទើបកន្លងមក បានកើតមានចោរកម្មមិនឈប់ឈរនៅក្រុងកំពង់ឆ្នាំង រឿងខាងលើនេះប្រជាពលរដ្ឋសំណូមពរដល់លោកស្នងការនគរបាលខេត្ត និងលោកអភិបាលខេត្ត មេត្តាសូមជ្រាបជួយគាំទ្របន្តអោយមានទៀត ឬក៏ជួយទប់ស្កាត់ផងបានដែរឬទេ..!! ៕
