កំពង់ឆ្នាំង៖ដោយសារតែការលេងដុតផាវរបស់ក្មេងៗក្នុងថ្ងៃសែនចូលឆ្នាំចិនបានធ្វើអោយភ្លើងឆេះកញ្ជ្រាំងនៅវាលស្រែ និងបានរាលឆេះផ្ទះស្លឹកមួយខ្នងនៅដាច់ស្រយាលត្រូវភ្លើងឆេះម៉ត់។ ករណីនេះបានកើតឡើងនៅវេលាម៉ោង៤ល្ងាចថ្ងៃទី១៨ ខែកុម្ភៈ ឆ្នាំ២០១៥ ក្នុងភូមិថ្លុកជ្រៅ ឃុំអញ្ចាញរូង ស្រុកបរិបូណ៌។
មន្ត្រីនគរបាលមូលដ្ឋានចាស់បានអោយដឹងថា៖ស្ត្រីជាម្ចាស់ផ្ទះរងគ្រោះដោយអគ្គីភ័យខាងលើនេះមានឈ្មោះ យូ សាន់ អាយុ៦១ឆ្នាំ ផ្ទះគាត់ទំហំ៦ម គុណនិង ៥ម ដំបូលស្លឹក ជញ្ជាំងស្លឹក ក្រាលរនាបឬស្សី ជាជនក្រីក្ររស់នៅទីដាច់ស្រយាលពីគេ ក្នុងភូមិឃុំខាងលើ ហើយទ្រព្យសម្បត្តិដែលខូចខាត មានស្រូវ៥ការ៉ុង កង់១គ្រឿង និងនិងសម្លៀករបស់ប្រើប្រាស់នៅលើផ្ទះមួយចំនួនទៀត។
តាមការស្រាវជ្រាវរបស់សមត្ថកិច្ចអោយដឹងថា៖ករណីភ្លើងឆេះផ្ទះនេះបណ្តាលមក
ពីក្មេងៗដុតផាវក្នុងថ្ងៃសែនចូលឆ្នាំចិន បានរាលឆេះកញ្ជ្រាំងក្នុងវាលស្រែ និងបានរាលដាលដល់ផ្ទះស្ត្រីរងគ្រោះក៏ត្រូវភ្លើងឆេះម៉ត់តែម្តងតែមួយពព្រិចភ្នែក គឺគ្មានអ្នកណាមកជួយពន្លត់ទាន់នោះឡើយ ព្រោះជាផ្ទះស្លឹកងាយឆេះបំផុត៕ បញ្ជាក់រឿងនេះគ្មានរូបភាពទេ តែរូបដែលផ្ញើរទៅនេះជារូបផ្ទះឆេះនៅកន្លែងផ្សេងប្រហាក់ប្រហែលគ្នា
