ខេត្តសៀមរាប : លោកអនុសេនីយ៍ឯកនួនស័ក្កិចំរើនរិទ្ធអធិការរងនៃអធិការដ្ឋាននគរបាលក្រុងសៀមរាបទទួកបន្ទុកព្រហ្មទណ្ឌក្រុងបានមានប្រសាសន៍ នៅព្រឹកថ្ងៃទី១៩ខែកុម្ភៈឱ្យដឹងថា ជុំវិញករណីខាងលើកម្លាំងជំនាញបានសហការជាមួយកម្លាំងព្រហ្មទណ្ឌកំរិតស្រាលធ្វើការតាមដានរហូតដឹងថា ជនសង្ស័យទៅស្នាក់នៅស្រុកឧត្តដុងទើបកម្លាំងជំនាញទៅសហការជាមួយនគរបាលស្នងការខេត្តកំពង់ស្ពឺរហូតឈានដល់ធ្វើការឃាត់ខ្លួនបានជនសង្ស័យរួចនាំយកកាន់អធិការក្រុងសៀមរាបដើម្បីធ្វើការសួរនាំបន្ត ជាក់ស្តែងឃាត់ខ្លួនជនសង្ស័យបានកាលពីថ្ងៃទី១៦ខែកុម្ភះឆ្នាំ២០១៥កន្លងទៅនៅក្នុងស្រុកឧត្តដុង។
លោកអនុសេនីយ៍ឯកនួនស័ក្កិចំរើនរិទ្ធអធិការរងនៃអធិការដ្ឋាននគរបាលក្រុងសៀមរាបទទួកបន្ទុកព្រហ្មទណ្ឌបានដឹកនាំកម្លាំងជំនាញចុះប្រតិបត្តិការណ៍សហការជាមួយគ្រប់សមត្ថិកិច្ចដែលពាក់ព័ន្ធធ្វើការតាមដានស្រាវជ្រាវនិងឈានដល់ការចាប់ឃាត់ខ្លួនជនសង្ស័យដែលលួចម៉ូតូចេញពីខេត្តសៀមរាបមានឈ្មោះសៀន បូរី ភេទប្រុសអាយុ២៤ឆ្នាំ ស្រុកកំណើតនៅភូមិកាំងក្រង ឃុំស្វាយដុក ស្រុកសាមគ្គីមានជ័យ ខេត្តកំពង់ឆ្នាំង។
លោកបន្តថា ជនសង្ស័យដែលលួចយកម៉ូតូម៉ាកហុងដា សេ១២៥ ពណ៍ខ្មៅ សេរីឆ្នាំ២០១៤ពាក់ស្លាកលេខពោធិ៍សាត់១D ៨៦៣៩ ពីជនរងគ្រោះនៅត្រង់ចំណុះផ្ទះសំណាក់អង្គរផារ៉ាដាយ ស្ថិតនៅក្នុង ភូមិចុងកៅស៊ូ សង្កាត់ស្លក្រាម ក្រុងនិង ខេត្តសៀមរាប រួចបើកគេចទៅខេត្តកំពង់ស្ពឺ ក៏ត្រូវបានសមត្ថកិច្ចខេត្តកំពង់ស្ពឺមានការសង្ស័យក៏បានធ្វើការសួរនាំទើបដឹងថាជនសង្ស័យនេះបានឆ្លើយថា ខ្លួនបានលួចម៉ូតូមកពីខេត្តសៀមរាប ទើបសមត្ថកិច្ចខេត្តកំពង់ស្ពឺធ្វើការចាប់ឃាត់ភ្លាមៗប្រគល់មកឱ្យសមត្ថកិច្ចនគរបាលក្រុងសៀមរាបវិញ។
ចំណែកជនរងគ្រោះឈ្មោះម៉ៅ ឈុន្នី ភេទប្រុសអាយុ៣២ឆ្នាំ ស្រុកកំណើតស្រុកក្រគរ ខេត្តពោធិសាត់។ មុនពេលកើតហេតុជនរងគ្រោះមកពីស្រុកអន្លង់វែង ខេត្តឧត្តរមានជ័យមកស្នាក់នៅក្នុងផ្ទះសំណាក់អង្គរផារ៉ាដាយ។លោកអនុសេនីយ៍ឯកនួនស័ក្កិចំរើនរិទ្ធបានបន្តឱ្យដឹងទៀតថាដោយយោងទៅតាមពាក្យ បណ្តឹងពីជនរងគ្រោះផងនោះបន្ទាប់ពីសមត្ថកិច្ចជំនាញនៃអធិការដ្ឋាននគរបាលក្រុងសៀមរាបធ្វើការសួរនាំជនសង្ស័យដែលជាប់ពាក់ព័ន្ធក្នុងករណីអំពើលួចកាច់សោរកយកម៉ូតូរបស់ជនរងគ្រោះនោះនៅមុខសមត្ថកិច្ចជនសង្ស័យបានឆ្លើយសារភាពរូបគេពិតជាបានធ្វើសកម្មភាពខាងលើពិតប្រាកដមែន ។
បច្ចុប្បន្នជនសង្ស័យត្រូវបានសមត្ថកិច្ចជំនាញកសាងសុំណុំរឿងបញ្ជូនទៅកាន់សាលាដំបូងខេត្តសៀមរាបកាលពីថ្ងៃទី១៨ខែកុម្ភះឆ្នាំ២០១៥កន្លងទៅដើម្បីចាត់ការទៅតាមនីតិវិធីច្បាប់។ ចំណែកម៉ូតូរបស់ជនរងគ្រោះដែលជាវត្ថុតាងត្រូវបានសមត្ថកិច្ចប្រគល់ឱ្យទៅម្ចាស់ដើមវិញ៕
