ខ្យល់ព្យុះ ស៊ីក្លូនត្រូពិកមួយគូរកំពុងបក់បោកនៅភាគឥសានប្រទេសអូស្ត្រាលី នៅថ្ងៃព្រហស្បតិ៍ ហើយពួកមន្ត្រីសង្គ្រោះបន្ទាន់បានព្រមានពួកអ្នកស្រុកឲ្យស្វែងរក ទីជម្រកមុនមានភ្លៀងធ្លាក់ខ្លាំង និងទឹកជំនន់ ខ្យល់បំផ្លិចបំផ្លាញ និងសមុទ្ររលកធំៗ។
ខ្យល់ព្យុះ ស៊ីក្លូនម៉ាស្យានៅឯនាយឆ្នេរសមុទ្រភាគឥសាននៃរដ្ឋឃ្វីនឡែន ត្រូវបានគេទាយទុកមុនថានឹងធ្លាក់ភ្លៀងខ្លាំង៣០០ម.ម នៅក្នុងរយៈពេល២៤ម៉ោងខាងមុខជាមួយនឹងខ្យល់ដែលមានសន្ទុះ៩០គ.ម ក្នុងមួយម៉ោង ដែលអាចជាខ្យល់ព្យុះស៊ីក្លូនដ៏ខ្លាំងបំផុតវាយប្រហាររដ្ឋឃ្វីនឡែន ចាប់តាំងពីឆ្នាំ២០១៣។
ខ្យល់ព្យុះស៊ីក្លូនឡេមដែលមានអំណាចជាងនោះ គេរំពឹងថា មានសន្ទុះខ្យល់ទៅដល់១៣០គ.ម ក្នុងមួយម៉ោងនោះ កំពុងធ្វើដំណើរឆ្ពោះទៅកាន់ទឹកដីភាគខាងជើង ហើយបានបង្ខំចិត្តឲ្យពួកអ្នកស្រុកប្រហែល៣៥០នាក់ ជម្លៀសចេញពីកោះឆ្នេរសមុទ្រស្រេចទៅហើយនោះ។
នាយករដ្ឋមន្ត្រីរដ្ឋលោកអាណាស់ស្តាស្យាប៉ាឡាស់ហ្សូក(Annastacia Palaszuk) និយាយថា “សារ របស់យើងផ្ញើទៅឲ្យពួកអ្នករស់នៅរដ្ឋឃ្វីនឡែន បានចាប់ផ្តើមត្រៀមខ្លួនហើយឥឡូវនេះ។ គេរំពឹងថា ខ្យល់ព្យុះដ៏អាក្រក់បំផុតនឹងកើតឡើងនៅថ្ងៃសុក្រ៕
