ឥណ្ឌាបានរៀបចំការតាំង ពិព័ណ៌មួយស្តីពី អាកាសនាវាវិជ្ជានៅក្រុងBangalore ដោយមានការចូលរួមពីសំណាក់ក្រុមហ៊ុនធំៗនៅក្នុងពិភពលោក ជាអាទិ៍ ក្រុមហ៊ុនផលិតយន្តហោះអឺរ៉ុប Airbus និងក្រុមហ៊ុនផលិតយន្តហោះអាមេរិក Boeing ។ លោក Narendra MODI នាយករដ្ឋមន្ត្រីឥណ្ឌាដែលមានវត្តមាននៅពិព័ណ៌យន្តហោះនេះ បានប្រកាសឲ្យដឹងថា “ឥណ្ឌាលែងចង់ក្លាយជាអតិថិជនទិញសព្វាវុធលំដាប់ទី១ក្នុងលោកទៀត ហើយ”។
ហើយចាប់ពីពេលនេះរហូតដល់៥ឆ្នាំខាងមុខ សព្វាវុធ ៧០%ដែលឥណ្ឌាត្រូវការនឹងត្រូវផលិតដោយខ្លួនឯងនៅក្នុងស្រុក។
ជាមួយនឹងយុទ្ធនាការរបស់លោកដែល មានឈ្មោះថា” Make in India ឬផលិតនៅឥណ្ឌា” លោកនាយករដ្ឋមន្ត្រី Narendra MODI បានប្រកាសថា”រដ្ឋាភិបាលឥណ្ឌាដែលធ្លាប់សន្យាជំរុញវិនិយោគនៅក្នុង ស្រុកនឹងផ្តល់អាទិភាពដល់ក្រុមហ៊ុនឥណ្ឌានៅក្នុងស្រុកដែលព្រម ទទួលកិច្ចសន្យាសព្វាវុធ។
ជាច្រើនទស្សវត្សរ៍មកហើយដែល ឥណ្ឌាតែងតែថ្លែងបញ្ជាក់ពីឆន្ទៈរបស់ខ្លួន ក្នុងការកាត់បន្ថយលើ ការពឹងផ្អែកឧស្សាហកម្មយោធាបរទេស ប៉ុន្តែរហូតមកទល់ពេលនេះ ឥណ្ឌានៅតែបន្តការនាំចូលសព្វាវុធពីបរទេសដដែល។ លោក ម៉ូឌី ដែលបានឡើងកាន់មុខតំណែងនាយករដ្ឋមន្ត្រីឥណ្ឌាតាំងពីខែឧសភាឆ្នាំ មុន បានអះអាងថា “ចាប់់ពីពេលនេះដល់ឆ្នាំ ២០២០ ឥណ្ឌានឹងបង្កើនការផលិតអាវុធខ្លួនឯងពី ៤០% ទៅដល់ ៧០%នៅលើទឹកដីឥណ្ឌា។
ហើយមកទល់ពេលនេះ ឥណ្ឌានៅតែបន្តការនាំចូលសព្វាវុធប្រមាណជា៦០% និងបានចំណាយប្រាក់ រាប់សិនពាន់លានដុល្លារ។
ម្យ៉ាងទៀត យោងតាមការសិក្សាខ្លះៗ បង្ហាញឲ្យដឹងថា “ការកាត់បន្ថយនូវការនាំអាវុធចូលក្នុងស្រុកពី២០%ទៅ២៥% អាចនឹងង្កើតការងារជំនាញ ពី១០ម៉ឹនទៅដល់១២ម៉ឺនការងារនៅឥណ្ឌា៕
