ស្ទឹងត្រែង៖ក្មេងស្ទាវមួយក្រុមដែលគេដឹងថាជាកូនអ្នកមានលុយនិងបានអះអាងថាខ្លួនជាកូនឧកញ៉ាបានជិះម៉ូតូវាយតប់គ្នានិងបានបើកឡានដេញបុកគេដល់ផ្ទះនិងបានវាយកំទេចកញ្ចក់បង្អួចផ្ទះគេបង្ករ
អោយមានការភ្ញាក់ផ្អើលដល់ប្រជាពលរដ្ឋ សមត្ថកិច្ចបានត្រឹមតែឈរមើល មិនហ៊ានប៉ះដល់កូនអ្នកមានលុយនិងមានអំណាចឡើយ។
ករណីដែលបង្ករអោយមានការភ្ញាក់ផ្អើលនេះបានកើតឡើងកាលពីវេលាម៉ោង៥និង៣០នាទីល្ងាចថ្ងៃទី១៨ខែកុម្ភៈឆ្នាំ២០១៥ នៅចំណុចភូមិព្រែក សង្កាត់ ក្រុងស្ទឹងត្រែង។
លោកឆេង គឹមសួរត្រូវជាបងថ្លៃជនរងគ្រោះបានអោយដឹងថានៅមុនពេលកើតហេតុ ប្អូនថ្លៃរបស់គាត់ឈ្មោះឃីម ភារម្យបានជិះម៉ូតូឌុបក្មួយ ដែលមានអាយុទើប៧ឆ្នាំទៅដើរទារលុយ ហើយក៏បានជួបមិត្តភក្តិដែលឈរជិតជនបង្ក ហើយសើចដាក់គ្នាពេលនោះ ជនរងគ្រោះក៏បានងាកមើលដែរ ហើយជនបង្កដែលគេដឹងថាឈ្មោះ ស ជាកូនម្ចាស់សណ្ឋាគារអង្គមាស បានស្រែកថាអែងមើលមុខអី ជនរងគ្រោះបានឆ្លើយវិញថាគ្រាន់តែមើលមុខមិនបាន ហើយក៏ជិះម៉ូតូងចេញទៅ។
លោកបានបន្តអោយដឹងទៀតថាក្រោយពីជិះម៉ូតូចេញបានបន្តិច ជនបង្កបានជិះម៉ូតូដេញតាមវាយ ហើយជនរងគ្រោះវាយតវិញ រួចក៏ជិះម៉ូតូមកផ្ទះ។មួយសន្ទុះក្រោយមកជនបង្ក បានជិះរថយន្តវីហ្គោមួយគ្រឿងមានគ្នា៤នាក់ រថយន្តព្រូសមានគ្នា២នាក់ តាមដល់ហួសមុខផ្ទះបន្តិច ឃើញជនរងគ្រោះកំពុងឈរមុខផ្ទះបងរបស់គេ គេបានថយរថយន្តមកក្រោយ បត់ក្បាលតម្រង់បុកជនរងគ្រោះ តែត្រូវបានគេចផុតរត់ទៅចំហៀងផ្ទះ ហើយរថយន្តព្រូសបានតាមបុកទៀត ត្រូវបានជនរងគ្រោះតបតយកដំថ្មគប់ការពារខ្លួន ត្រូវកញ្ចក់បែកនិងរងរបួសក្បាល ពេលនោះក្រុមកូនអ្នកមានចំនួន៦នាក់ បានចុះពីលើរថយន្ត យកដំថ្មគប់ផ្ទះបែកកញ្ចក់បង្អួចអស់ពីរ ហើយឈ្មោះស បានយកដៃគក់ទ្រូងស្រែកថាអញជាកូនឧកញ៉ា មានលុយចង់សំលាប់អាណាក៏បានដែរ។
លោកបន្តថាក្រោយពីមានការតតាំងយ៉ាងខ្លាំក្លាបានធ្វើអោយមានការភ្ញាក់ផ្អើលដល់ប្រជាពលរដ្ឋនិងបងប្អូនជនរងគ្រោះ បាននាំគ្នាមកជួយធ្វើអោយក្រុមកូនអ្នកមានលុយ មានអំណាចរត់ឡើងរថយន្តវិហ្គោទាំង៦នាក់ បន្សល់ទុករថយន្តព្រូសមួយគ្រឿង ត្រូវបានបងប្អូនជនរងគ្រោះបន្ធូកង់ទាំងបួន និងយកដុំឈើដាក់ព័ទ្ធជុំវិញមិនអោយយកចេញឡើយ។
ហេតុការណ៍នេះត្រូវបានបងប្អូនជនរងគ្រោះរាយការណ៍ប្តឹងដល់ការិយាល័យព្រហ្មទណ្ឌកំរិតស្រាលបានចុះមកពិនិត្យមើល តែហាក់បីដូចជាគ្មានចំណាត់ការ បានត្រឹមតែមកប្រាប់ថា អោយរថយន្តទៅម្ចាស់គេវិញទៅ ហើយមកពីផ្ទះអត់របងទើបគេបើកចូល រឿងនេះស្អែកចាំដាក់ពាក្យបណ្តឹង ព្រោះតែសមត្ថកិច្ច មិនយករថយន្តទៅកាន់ស្នងការ បែរជាយកទៅអោយជនបង្កទៅវិញ ទើបមិនអោយក្លាចបាត់ភស្តតាង។
ប្រភពបានបន្តទៀតថាក្រោយពីមានហេតុកើតឡើងហើយនិងមានការប្តឹងដល់សមត្ថកិច្ចជាច្រើនហាក់បីមិនមានវិធានការ នៅព្រឹកថ្ងៃទី១៩កុម្ភៈនេះ ជនរងគ្រោះបានដាក់ពាក្យបណ្តឹទៅកាន់តុលាការ ហើយ។បន្ទាប់ពីមានពាក្យបណ្តឹងលោកស្រីស៊ុន យ៉ឺតព្រះរាជអាជ្ញារង បានចុះមកដល់ទីតាំងកើតហេតុនិងបានធ្វើកំណត់ហេតុដកហូតរថយន្តទៅរក្សាទុកនៅតុលាការខេត្ត។លោកស្រីស៊ុន យ៉ឺតបានបញ្ចាក់ចំពោះមុខអ្នកយកអ្នកសារព័ត៍មានថាសម្តចបាននិយាពីម្សិលមិញថាកន្លងមកកូនអ្នកមានចេះតែរួចកួនអ្នកក្រចេះតែជាប់ អញ្ចឹងចំណែកជនបង្កមិនទាន់មានចំណាត់ការទេ ព្រោះទើបទទួលបានពាក្យបណ្តឹង ទើបមានចំណាត់ការបន្ត។
ពាក់ព័ន្ធនិងករណីខាងលើលោកវរសេនីយ៍ឯកហម ប៊ុនធែលស្នងការរងនិងជាប្រធានការិយាល័យកណ្តាគរបាលព្រហ្មទណ្ឌបានប្រាប់តាមទូរស័ព្ទថាសមត្ថកិច្ចបានឃាត់ជនបង្កបាន២នាក់ដែលបានបំផ្លាញទ្រព្យសម្បត្តិអ្នកដ៏ទៃ។ក្នុងរឿងនេះមានពាក្យបណ្តឹងពីរ ពាក្យបណ្តឹងមួយអ្នកគេដេញបុកបានប្តឹងទៅតុលាការនិងពាក្យបណ្តឹងមួយទៀត អ្នកបើកបររថយន្តប្តឹងទៅការិយាល័យព្រហ្មទណ្ឌកំរិតស្រាលខេត្ត ហើយពេលនេះ ទាំងពាក្យបណ្តឹង និងជនបង្ក២នាក់បានបញ្ចូនទៅកាន់តុលាការហើយ។
ប្រជាពលរដ្ឋខេត្តស្ទឹងត្រែងបាននិយាយថាក្រុមក្មេងស្ទាវមួយក្រុមនេះ សុទ្ធសឹងជាកូនអ្នកមានលុយល្បីមួយខេត្ត ហើយរឿងនេះគេបាននិយាយពេញៗមាត់ថា ទោះយ៉ាងណាមិនអាចឈ្នះអ្នកមានលុយអ្នកមានអំណាចបានទេ ព្រោះខ្សែគេធំណាស់៕
