ខេត្តកំពង់ធំ មុខសញ្ញាចែកចាយគ្រឿងញៀនខុសច្បាប់ប្រុស ស្រីពីរនាក់ ត្រូវបានកំលាំង សមត្ថកិច្ចនគរបាលការិយាល័យប្រឆាំងគ្រឿងញៀននៃស្នងការរដ្ឋាននគរបាលខេត្តកំពង់ធំ សហការជាមួយអធិការរដ្ឋាននគរបាលក្រុងស្ទឹងសែន ឃាត់ចាប់ខ្លួនកាលពី វេលាម៉ោង១៥.១៥នាទីថ្ងៃទី២៤ មីនា ឆ្នាំ២០១៤ នៅចំណុចភូមិស្លាកែត សង្កាត់ព្រៃ តាហ៊ូ ក្រុង
ស្ទឹងសែន ខេត្តកំពង់ធំ ខណៈដែលពួកគេកំពុងធ្វើសកម្មភាពចែកចាយគ្រឿងញៀនទៅឲ្យអ្នកប្រើប្រាស់ចំនួនជិត១០នាក់ ដែលខ្លះកំពុងជក់ ខ្លះកំពុងហឺត យ៉ាងអ ណាធិបតេយ្យនៅចំណុចផ្ទះឈ្មោះលុយ ស៊ីណាន ភេទប្រុស អាយុ៣១ឆ្នាំ ទីលំនៅ ភូមិ/ឃុំកើតហេតុ និងដែលគេស្គាល់ថាមិនត្រឹមតែជាអ្នកចែកចាយប៉ុណ្ណោះទេ គឺម្ចាស់ ផ្ទះរូបនេះក៏ជាមនុស្សញៀនថ្នាំផងដែ ។
ទាក់ទិនប្រតិបត្តិការខាងលើនេះ លោករវៈសេនីយ៏ត្រី ងួន ហៀង នាយការិយា ល័យបានឲ្យដឹងថា មុខសញ្ញាទី១ឈ្មោះ ឡាយ បារាំង ហៅម៉ាប់ អាយុ៣២ឆ្នាំ ទីលំនៅសង្កាត់ទន្លេបាសាក់ ខ័ណ្ឌចំការមន ក្រុងភ្នំពេញ មុខរបមិនពិតប្រាកដ ជាអ្នកនាំគ្រឿងញៀនមកលក់ឲ្យម្ចាស់ផ្ទះឈ្មោះ លុយ ស៊ីណាន ទី២ឈ្មោះ គឹម ស្រីកា អាយុ២៦ឆ្នាំ ជាម្ចាស់ផ្ទះ និងជាប្រពន្ធរបស់លុយ ស៊ីណាន មុខរបស្រី្តខារ៉ាអូឃេភ្នំមាស ។
ពាក់ព័ន្ធករណីបង្គ្រាប់នេះមន្ត្រីដដែលបានបន្តថា ដោយទទួលបានបញ្ជារពី លោកឧត្តមសេនិយ៏ត្រីផាន់ សុផេង ស្នងការ និងមានការអនុញ្ញាតិពីលោកព្រះរាជអា ជ្ញា សមត្ថកិច្ចជំនាញក៏បានចុះប្រតិបត្តិការឡោមព័ន្ធផ្ទះកើតហេតុដែលក្នុងនោះសមត្ថ កិច្ចចាប់ឃាត់ខ្លួនបានតែពីរនាក់រួមជាមួយវត្ថុតាងមានថ្នាំញៀនមេតំហ្វេតាម៉ីន១កញ្ចប់ តូច និងសម្ភារៈដែលមានលក្ខណៈជាឧបករណ៏ជក់ស៊ីសារមួយចំនួន ចំណែកអ្នកប្រើ ប្រាស់ជិត១០នាក់សុទ្ធសឹងជាយុវវ័យបានរត់គេចអស់ ។
ជាមួយប្រតិបត្តិការខាងលើនេះ ប្រជាពលរដ្ឋក្នុងមូលដ្ឋានបាននាំគ្នាសំដែងនូវ ការពេញចិត្តយ៉ាងខ្លាំង ព្រោះថាកន្លងមកទីតាំងមួយកន្លែងនេះ បានបង្កភាពអណាធិប តេយ្យរំខាន និងបានធ្វើឲ្យក្មេងៗជាច្រើនវង្វេងនាំគ្នាប្រើប្រាស់ថ្នាំញៀន ។
ដោយឡែកចំណុចដែលមហាជនចាប់អារម្មណ៏មួយទៀងគឺស្ត្រីជាម្ចាស់ផ្ទះឈ្មោះ ស្រី កា ដែលបច្ចុប្បន្នត្រូវបានគេស្គាល់ថាកំពុងបំរើការជាស្ត្រីខារ៉ាអូឃេ នៅ មណ្ឌលកំសាន្តភ្នំមាស កំពុងត្រូវបានគេសង្ស័យថា បាននាំយកគ្រឿងញៀនទៅចែក ចាយនៅក្នុងមណ្ឌមកំសាន្តមួយនេះដោយលួចលាក់ ប៉ុន្តែគេមិនដឹងថា តើម្ចាស់ក្លឹបកំ សាន្តភ្នំមាស ឈ្មោះវិន សូវិស័យ កំពុងឃុបឃិតបិតបាំងជាមួយសមត្ថកិច្ចឬយ៉ាងណា នោះទេ ។
សូមបញ្ចាក់ថា មួយរយះនេះបន្ទាប់ពីមានក្លឹបកំសាន្តជាច្រើនត្រូវបានបើកបំ រើការនៅក្នុងខេត្តកំពង់ធំ គេសង្កេតឃើញថា មានយុវវ័យជាច្រើនកំពុងនាំគ្នាភ្លឺតភ្លើន ប្រើប្រាស់ជាមួយគ្រឿងញៀន និងបង្ករការរំខានយ៉ាងខ្លាំងដល់សណ្ដាប់ធ្នាប់សា ធារណៈ និងសតិអារម្មណ៏មហាជន ៕
