កំពង់ឆ្នាំង៖ លោកគ្រូ អ្នកគ្រូសាលាបឋមសិក្សាឆ្នុកទ្រូ ស្ថិតក្នុងភូមិឆ្នុកទ្រូ ឃុំឆ្នុកទ្រូ ស្រុកបរិបូណ៌ បានធ្វើកូដកម្មមិនចូលបង្រៀនសិស្សគិតមកត្រឹមព្រឹកថ្ងៃទី ២០ខែកុម្ភះ ឆ្នាំ២០១៥នេះ ចំនួន៣ថ្ងៃហើយ ដោយ សារថ្នាំងថ្នាក់ និងប្រធានការិយាល័យអប់រំស្រុកបរិបូណ៌ ដែលបានដកនាយកសាលានិងដាក់នាយកសាលា ស្រេចតែនឹងចិត្តមិនសមហេតុសមផល និងបានពិគ្រោះជាមួយលោកគ្រូអ្នកគ្រូនៅក្នុងសាលា។ សាលាបឋមសិក្សាឆ្នុកទ្រូ មានអាគារ៣ខ្នង និង១៤បន្ទប់ មានសិស្សរៀន ២៣០នាក់ (ស្រី១១១នាក់) មានលោកគ្រូ អ្នកគ្រូចំនួន១២នាក់(
ស្រី២នាក់) ។នៅក្នុងពាក្យបណ្តឹងជម្រាបជូន លោកប្រ ធានមន្ទីរអប់រំខេត្ត មានស្នាមមេដៃលោកគ្រូអ្នកគ្រូចំនួន៨នាក់ បានរៀបរាប់ថា៖ បន្ទាប់ពីលោកនាយក សា លាចាស់ លោក យ៉ុង គឹមសេង បានចូលនិវត្តន៏ ប៉ុន្តែប្រកាសនៅមិនទាន់ធ្លាក់មកជាផ្លូវការនៅឡើយទេ
ពេលនោះខាងការិយាល័យអប់រំស្រុក និងមន្ទីរអប់រំយុវជន និងកីឡាខេត្ត បានចុះមកស្ទង់មតិដោយ បោះឆ្នោត ជ្រើសរើសបេក្ខភាពដែលត្រូវដាក់ជានាយកសាលា ចំនួន២រូបអោយឈរឈ្មោះ កាលណោះ ជាប់អ្នកគ្រូ អ៊ូ សុផារី១០សម្លេង និង លោកគ្រូ សូត ផារី ៥សម្លេង ដូច្នេះអ្នកដែលត្រូវជាប់ជា នាយកសាលាគឺអ្នកគ្រូ អ៊ូ សុផារី ។
ស្រាប់តែពេលថ្មីៗនេះ លោកស្រី ម៉ី ហួរ ប្រធានការិយាល័យអប់រំស្រុក បានចាត់ចែងផ្ទាល់មាត់អោយលោក យ៉ង់ គឹមសាន ជាគ្រូបង្រៀនថ្នាក់ទី៦ ឡើងកាន់តំណែងជានាយកសាលា ដោយចាត់ចែងអោយដឹកនាំការប្រជុំយកត្រាសាលាតាមខ្លួនទៅផ្ទះ ដែលទង្វើទាំងនេះ
ធ្វើទាំងបំពាន ទៅលើការបោះឆ្តោតប្រជាមតិបែបប្រជាធិបតយ្យ និងគ្មានលិខិតចាត់តាំងត្រឹមត្រូវពីមន្ទីរអប់រំ យុវជន និងកីឡាឡើយ។ លើសពីនេះ ទៀត លោកយ៉ុង គឹមសេង ដែលជានាយកសាលាចាស់នៅមិនទាន់ធ្លាក ប្រកាសចូលនិវត្តន៏ នៅឡើយដែរ ។ម្យ៉ាងវិញទៀត ប្រព
ន្ឋលោកគ្រូ យ៉ង់ គឹមសាន នេះ គឺអ្នកគ្រូ គង់ ណារី បានយកម៉ោងរដ្ឋបង្ហាត់ គួរសិស្សយកលុយទៀតផង គឺម៉ោង ១០ ទៅ១១ថ្ងៃត្រង់ ។ ក្រុមលោកគ្រូអ្នកគ្រូ នៅសាលាបឋមសិក្សានេះបាននិយាយអោយដឹងថាៈ ប្រសិនបើគ្មាដំណោះស្រាយអោយបានច្បាស់លាស់ពីមន្ទីរអប់រំខេត្ត
និងថ្នាក់លើទេនោះ ពួកគាត់នឹងមិនចូលបង្រៀនសិស្សឡើយ ។ក្នុងរឿងខាងលើនេះ អ្នកគ្រូ ម៉ី ហួ ប្រធានការិយាល័យអប់រំស្រុកបរិបូណ៌ ទូរសព្ទ័សុំការបំភ្លឺមិនចូលឡើយ ហេតុនេះសូមលោកប្រធានមន្ទីរអប់រំយុវជននិងកីឡាខេត្ត មេត្តាជយយដោះស្រាយរឿងនេះជាបន្ទាន់ផងដើម្បីអោយសិស្សបានចូលរៀនវិញ៕
