បន្ទាយមានជ័យៈ បើកម៉ូតូពេលយប់យុវជនម្នាក់រងគ្រោះបាក់ជើងដោយសារតែបើកទៅបុកពីក្រោយរថយន្តដែលឈប់ស្ងាមលើកំណាត់ផ្លូវជាតិលេខ៥ ខាងលិចស្ពានទឹកថ្លា សង្កាត់ទឹកថ្លា ក្រុងសិរីសោភ័ណ ខេត្តបន្ទាយមានជ័យ កាលពីម៉ោង៦ និង៣០ ថ្ងៃទី២០ កុម្ភះ ២០១៥ ។
លោក សួន នីប៉ូ នាយរងការិយាល័យនគរបាលចរាចរជើងគោកនៃស្នងការនគរបាលខេត្តបន្ទាយមានជ័យបានអោយដឹងថា ជនរងគ្រោះដែលបើកម៉ូតូស្មាសពណ៍ខ្មៅ ពាក់ស្លាក់លេខ ភ្នំពេញ 1AB 8067 មានឈ្មោះ ខន ពន្លឺ អាយុ២៣ឆ្នាំ ជានិសិត្ស UME មានទីលំនៅ
ខេត្តពោធិសាត់ មកស្នាក់នៅខេត្តបន្ទាយមានជ័យ បានបើកម៉ូតូពីក្រុងប៉ោយប៉ែតមកកាន់ទីរួខេត្តបន្ទាយមានជ័យតាមទិសដៅពីលិចទៅកើត ដើម្បីមករៀននៅសាលា UME សៅរ៍-អាទិត្យ ជាអកុសល់ទៅបុករថយន្តម៉ាកMontero ពណ៍ប្រភេស ពាក់ស្លាក់លេខ ភ្នំពេញ 2C 2974 ត្រង់
ខាងក្រោយផ្នែកខាងឆ្វេងដែលអស់សាំងឈប់ចតនិងជញ្ជើមផ្លូវ ក្នុងទិសដៅស្របគ្នា បណ្តាលអោយជនរងគ្រោះបាក់ភ្លៅខាងស្តាំ ចំណែកម៉ូតូខ្ទិចផ្នែកខាងមុខនិងរថយន្តរងការខូចខាតខាងក្រោយផ្នែកខាងឆ្វេង និងបែកកង់ខាងឆ្វេង ។
ក្រោយកើតហេតុតៃកុងរថយន្តបាននៅជួយមើលជនរងគ្រោះតែលុះដល់សមត្ថកិច្ចទៅដល់តៃកុងក៏រត់គេចខ្លួនបន្សល់ទុកអ្នកដែលជិះជាមួយទៅទិញសាំងយកមកចាក់រថយន្តដើម្បីយកមករក្សាទុកទាំងម៉ូតូមកស្នងការនគរបាលខេត្ត ជនរងគ្រោះត្រូវបានប៉ូលីសនាំយកទៅសង្គ្រោះបន្ទាន់នៅមន្ទីរពេទ្យបង្អែកស្រុកមង្គលបូរី ។ មូលហេតុដែលនអោយមានគ្រោះថ្នាក់ ដោយសាតែម៉ូតូបើកលឿនចាំងភ្នែកគេចមិនផុតក៏ទៅបុកនិងរថយន្តឈប់ចតមានភ្លើងសញ្ញា ៕
