កំពង់ឆ្នាំង៖ ប្រជាពលរដ្ឋរងគ្រោះដោយគ្រោះអគ្គីភ័យ២គ្រួសារ នៅក្នុងភូមិថ្លុកជ្រៅ ឃុំ អញ្ចាញរូង និងភូមិល្បើក ឃុំខុនរ៉ង ស្រុកបរិបូណ៌។ត្រូវបានទទួលអំណោយពី សាខា កាកបាទកម្ពុជាខេត្តកំពង់ឆ្នាំង នៅព្រឹកថ្ងៃទី២០ ខែកុម្ភៈ ឆ្នាំ២០១៥។
លោក អ៊ុន សំអុល ប្រធានគណៈកម្មាធិការសាខាកាកបាទក្រហមកម្ពុជាខេត្តកំ ពង់ឆ្នាំងបានថ្លែងថា៖ក្រោយពីទទួលព័ត៌មានថាមានជនរងគ្រោះ២គ្រួសារ រងគ្រោះអគ្គីភ័យឆេះផ្ទះ នៅក្នុងបរិបូណ៌រួចមក សម្តេចកិត្តិព្រឹទ្ធ ប៊ុន រ៉ានី ហ៊ុនសែន បានអោយថ្នាក់ដឹកនាំសាខា
កាកបាទក្រហមខេត្ត ចុះមកសួរសុខទុក្ខ និងនាំយកអំណោយមនុស្សធម៌កាកបាទក្រហមកម្ពុជាមកចែកជូនដល់អ្នករងគ្រោះ។ជនរងគ្រោះទី១មានឈ្មោះ យូ សាន់ អាយុ៦៦ឆ្នាំ មានចៅប្រុសឈ្មោះ រី ចាន់រិទ្ធ អា យុ១១ឆ្នាំ រស់នៅក្នុងភូមិថ្លុកជ្រៅ ឃុំអញ្ចាញរូង
ស្រុកបរិបូណ៌ បានរងគ្រោះឆេះផ្ទះ អស់កាលពីថ្ងៃទី១៨ ខែកុម្ភៈ ឆ្នាំ២០១៥ ពេលលោកយាយនិងចៅមិននៅផ្ទះ ភ្លើងឆេះ កញ្ជ្រាំងវាលស្រែបានឆេះរាលដល់ផ្ទះរបស់គាត់។ដោយឡែកលោកតា ដែក ផៃ អាយុ៨១ ឆ្នាំ ព្រមទាំងប្រពន្ធឈ្មោះ សន ហាន អាយុ៧៩ឆ្នាំ រស់នៅក្នុងភូមិ
ល្បើក ឃុំខុនរ៉ង ស្រុក បរិបូណ៌ បានរងគ្រោះដោយអគ្គីភ័យឆេះផ្ទះលោកទាំង២ អស់មួយចំហៀង កាលពីវេលាម៉ោង៩យប់ថ្ងៃទី១០ ខែកុម្ភៈ ឆ្នាំ២០១៥ តែត្រូវបានអ្នកជិតខាងជួយពន្លត់ទាន់ពេល។ដោយមានការយកចិត្តទុកដាក់ពីសំណាក់សម្តេចកិត្តិព្រឹទ្ធបណ្ឌិត ប៊ុន រ៉ានី
ហ៊ុនសែន ប្រធានកាកបាទក្រហមកម្ពុជា លោកយាយ យូ សាន់ និងចៅប្រុស ដែលរងគ្រោះឆេះផ្ទះ អស់រលីងនោះបានទទួលអំណោយមនុស្សធម៌ ពីកាកបាទក្រហមកម្ពុជានូវទឹកប្រាក់ចំនួន ៤០ម៉ឺនរៀល,អង្ករ២៥គីឡូក្រាម,កន្ទេល,ភួយ,មុង,ក្រមារ,តង់,សារុង និងចានឆ្នាំង១
សម្រាប់ ដើម្បីដោះស្រាយជីវភាពមួយគ្រា។ចំណែកលោកតា ដែក ផៃ និងប្រពន្ធ ទទួលបាននូវ ប្រាក់ឧបត្ថម្ភចំនួន១៥ម៉ឺនរៀល អង្ក២៥គីឡូក្រាម,មុង,ភួយ,តង់,សារុង,ក្រមារ និងចានឆ្នាំ ងមួយឈុតផងដែរ។លោកជំទាវ កែ ច័ន្ទមុន្នី អនុប្រធានកិត្តិយសគណៈកម្មាធិការសាខា
កាកបាទក្រ ហមកម្ពុជាខេត្តកំពង់ឆ្នាំង បានផ្តាំផ្ញើរការសួរសុខទុក្ខរបស់សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែនដល់ក្រុមគ្រួសាររងគ្រោះទាំង២ថា៖សម្តេចប្រធានកាកបាទក្រហមកម្ពុជា និង សម្តេចតេ ជោ សែន ជានិច្ចជាកាលតែងតែយកចិត្តទុក្ខដាក់នូវទុក្ខកង្វល់របស់ប្រជាពល រដ្ឋនៅគ្រប់ទិសទីមិននប្រកាន់និន្នាការអ្វីឡើយ ព្រោះថាទុក្ខលំបាករបស់បងប្អូនប្រជា ពលរដ្ឋ គឺជាទុក្ខលំបាករបស់សម្តេចទាំង២ដូចគ្នាដែរ៕
