ខេត្តក្រចេះ ៖ ភ្ញៀវទេសចរណ៏ ជាតិអន្តរជាតិ ប្រមាណជិត៣ម៉ឺននាក់ ចូលមកទស្សនា នៅរមនីយដ្ឋានទឹកជួរទន្លេមេគង្គកាំពីខេត្តក្រចេះ នៅក្នុងរយះពេលបីថ្ងៃ នៃឱកាសបុណ្យ ចូលឆ្នាំប្រពៃណីចិន-វៀតណាម ហើយ អាត្រានេះត្រូវបានមន្ត្រីនៃមន្ទីរទេសចរណ៍ខេត្ត ចាត់ទុកថាមានកំរិត ខ្ពស់ជាងឆ្នាំមុន ។
បើតាមមន្ត្រីនៃមន្ទីរទេសចរណ៍ខេត្ត បានឲ្យដឹងទៀតថា សម្រាប់រដូវបុណ្យចូលឆ្នាំ ថ្មីប្រពៃណីចិន-វៀតណាម ឆ្នាំ២០១៥នេះ ខេត្តក្រចេះ ទទួលបានភ្ញៀវទេសចរណ៍ជាតិ និង អន្តរជាតិ ប្រមាណ ២ម៉ីន៩ពាន់ ២២៨នាក់ ហើយចំនួននេះបើប្រៀបធៀបទៅនឹងឆ្នាំ ២០១៤ មានការ កើនឡើងចំនួន ២ពាន់៣៧៥នាក់ ស្មើរនឹងជាង១០ភាគរយ ។
បើទោះបីជាស្ថានភាពផ្លូវឆ្ពោះទៅតំបន់ទេសចរណ៏មួយនេះ ហាក់ដូចជាមានសភាពតូចតូចចង្អៀត ដោយ ស្ថិតនៅជាប់និងដងទន្លេមេគង្គ ដែលមានចំងាយប្រមាណជាង១៥គីឡូម៉ែត្រពីទីរួមខេត្ត តែរមណីយដ្ឋាន ទឹកជួរទន្លេមេគង្គកាំពី គឺជាតំបន់មួយទីតាំងមួយដែលភ្ញៀវទេសចរណ៍មកពីតាម បណ្តារខេត្តផ្សេងទៀតចូលចិត្តទៅលេងកម្សាន្តជាងគេក្នុងចំណោមរមនីយដ្ឋានផ្សេងទៀតនៅក្នុងខេត្តក្រចេះ ។
ជាមួយគ្នានោះដែរ នៅក្នុងតំបន់រមនីយដ្ឋាន មានការដាក់តាំងលក់នូវរូបវត្ថុអនុស្សាវរីយ៍ របស់ ប្រជាហគមន៍អន្លង់ផ្សោតកាំពីរ និងមានលក់ ម្ហូបអាហារជាច្រើន សម្រាប់ទទួលភ្ញៀវទទួល ទាន ក្នុងនោះមានត្រីស្រស់ៗដែលកសិករធ្វើការនេសាទបានពីទន្លេរ និងមាន់ធម្មជាតិ ផងដែរ ។
ក្នុងនោះគេសង្កេតឃើញមានភ្ញៀវទេសចរណ៏ ដែលធ្វើដំណើទៅកម្សាន្តនៅទីនោះ មួយចំនួន ពួកគាត់ ក៍បានវេចខ្ចាប់ម្ហូបអាហារខ្លួនឯងសម្រាប់ទទួលទាន ដោយពួកគាត់និយាយថា មូលហេតុ ដែលគាត់យក ម្ហូបអាហារ វេចខ្ចប់សម្រាប់យកមកទទួលទាននេះ គឺដោយសារ តែនំចំណីម្ហូប អារហារនៅក្នុងរមនីយដ្ឋាននេះ មានតម្លៃថ្លៃពេកហើយការដែលពួកគាត់ចំអិនខ្លួនឯង គឺមិនសូវចំណាយច្រើន។
ពួកគាត់បន្តរថា នៅរាល់មានបុណ្យទានម្តងៗម្ហូបអារហារទីនេះមានតម្លៃថ្លៃណាស់ សូម្បីតែខ្យង ឆារគ្រឿង មួយចានតូចមានតម្លៃ២៥០០០ ហើយផ្ទះទឹកសម្រាប់ អង្គុយលេងក៏ថ្លៃកើនឡើង ទ្វេរដង ដោយគិតម៉ោងក្នុង១ម៉ោង១ម៉ឺនរៀលឯណោះ ហើយបើសម្រាប់ថ្ងៃធម្មតា ១កន្លែងត្រឹមតែ ៥ពាន់រៀលដោយមិនកំណាត់ពេលវេលាដែរ ក្នុងនោះសម្រាប់ សេវាផ្ញើររថយន្តមួយ គ្រឿង ចាប់ពី ៥ពាន់រៀលឡើង ទៅតាមរថយន្តធំតូច ដោយនៅក្នុងថ្ងៃបុណ្យចូលឆ្នាំចិន ក៍មានកាកើន ឡើងទ្វេរដងដែរ គឺចាប់ពី ១ម៉ឺនឡើងទៅ ។ 
អ្នកទទួលកន្លែងផ្ញើររថយន្ត និងម៉ូតូម្នាក់សុំមិនបញ្ចេញ ឈ្មោះ បាននិយាយថា បើគាត់យកថ្លៃដូច ទេ ច្បាស់ជារកលុយអោយគេមិនបាន ព្រោះ ទីកន្លែងដែល ពួកគាត់ដេញបាននេះវាថ្លៃណាស់ ហើយឱកាស មានតែប៉ុន្មានថ្ងៃបុណ្យទានហ្នឹងឯង ។ ម៉េង ហ៊ាង
