(ខេត្តព្រៃវែង) ល្បែងស៊ីសងខុសច្បាប់មានបៀ អាប៉ោង កំពង់ត្រូវបានបើកលេងដុះស្លែនៅក្នុងភូមិ ឡឥដ្ឋ ឃុំបាបោង ស្រុកពាមរក៍ ខេត្តព្រៃវែង ។ បើកលេងយ៉ាងរលូនបើកជាចំហរគ្មានខ្លាចញញើចសមត្ថកិច្ច សូម្បី តែបន្តិចហាក់ដូចជាយល់ចិត្តសមត្ថកិច្ចសម្បើមណាស់ ។ ការមិនបង្ក្រាបរបស់សមត្ថកិច្ចប៉ូលីសស្រុកពាមរក៍ ចំពោះល្បែងស៊ីសងដ៏ធំដុះស្លែនៅពេលសព្វថ្ងៃនេះធ្វើអោយសមត្ថកិច្ចប៉ូលីសស្រុកពាមរក៍កំពង់សប្បាយចិត្តបើកលុយដាក់ខែពីម្ចាស់ផ្ទះដែលបើកលេងល្បែងស៊ីសងខុសច្បាប់ ដោយគ្មានខ្លាចញញើត ពាក់ព័ន្ធនឹងអំពើពុក រលួយ ជាពិសេសកំពង់ជាន់ពន្លិចគោលនយោបាយភូមិឃុំមាន សុវត្ថិភាពរបស់ រាជរដ្ឋាភិបាល។
ប្រជាពលរដ្ឋរស់នៅស្រុកពាមរក៍បាននឹងកំពង់រិះគន់អាជ្ញាធរ និងសមត្ថកិច្ចប៉ូលីស ប៉េអឹមស្រុកពាមរក៍ថា បានជាប់ពាក់ព័ន្ធទទួលលុយប្រចាំខែពីម្ចាស់ផ្ទះដែលបើកលេងល្បែងស៊ីសងខុសច្បាប់ ទើបអ្វីៗមិនមានអ្នកណា ចូលទៅរំខាន ឬ បង្ក្រាបនោះទេ ។ ប្រជាពលរដ្ឋបានបន្តទៀតថា សព្វថ្ងៃនេះនៅក្នុងភូមិឃុំរបស់ពួកគាត់ កំពង់កើតមានចោរកម្មគ្រប់រូបភាព ចោរលួច ចោរប្លន់ បាត់គោ-ក្របី ។ល។ អំពើហឹង្សាក្នុងគ្រួសារជាច្រើនបង្ក ឡើងពីល្បែងស៊ីសងខុសទាំងអស់។ ចំណែកអាជ្ញាធរ និងសមត្ថកិច្ចប៉ូលីស ប៉េអឹមស្រុកពាមរក៍គ្មានចេតនា បង្ក្រាប ព្រោះសមត្ថកិច្ចបានទទួលប្រាក់បៀវត្តន៍ប្រចាំខែពីល្បែងស៊ីសងនេះផងដែរ ទើបអ្វីៗប្រព្រឹត្តទៅបាន យ៉ាងរលូនបែបនេះ ។
នេះសរបញ្ជាក់អោយឃើញថា ទំនងជាសមត្ថកិច្ចប៉ូលីសប៉េអឹមស្រុកពាមរក៍ជាប់ពាក់ព័ន្ធអំពើពុករលួយ ណាមួយពីម្ចាស់ផ្ទះ ដូច្នេះហើយទើបជាគ្មានការបង្ក្រាប ទោះបីល្បែងស៊ីសងដុះស្លែមួយនេះជះឥទ្ធិពលអាក្រក់ បង្កអសន្តិសុខប៉ះពាល់យ៉ាងធ្ងន់ធ្ងរដល់គោលនយោបាយភូមិឃុំមានសុវត្ថិភាពរបស់រាជរដ្ឋាភិបាលយ៉ាងណាក៏ដោយក៏អស់លោកសមត្ថកិច្ចមិនខ្វល់ដែរ សំខាន់លាបសក្ការៈ ។
ប្រជាពលរដ្ឋ ដូមសំណូមពរយ៉ាងទទូច សូមអោយលោក ស្រេង ជា ស្នងការនគរបាលខេត្តព្រៃវែង ចាត់វិធានការ បញ្ចេញកណ្តាប់ដៃដែកបង្ក្រាបសំបុកល្បែងស៊ីសងខុសច្បាប់ដុះស្លែដ៏ធំមួយនេះអោយខានតែបាន កុំអោយជះឥទ្ធិពលអាក្រក់ដល់សង្គមជាតិ ជាពិសេសប៉ះពាល់ដល់កិត្តិយសស្នងការខេត្តព្រៃវែងទៀតផង ។
