កំពង់ឆ្នាំង៖យុវជនម្នាក់ស្រវឹងជិៈម៉ូតូទៅបុកខឿនស្តូបរង្វង់មូលមុខទីលានបាល់ទាត់ចាស់ (ស្តាតចាស់) ដែលស្ថិតក្នុងភូមិធម្មយុត្តិ សង្កាត់ប្អេរ ក្រុងកំពង់ឆ្នាំង កាលពីវេលាម៉ោង៨និង១៥ នាទីយប់ថ្ងៃទី២២ ខែ កុម្ភះ ឆ្នាំ២០១៥ រងរបួសយ៉ាងធ្ងន់ធ្ងរ ។
មន្ត្រីនគរបាលចរាចរណ៏ ក្រុងកំពង់ឆ្នាំង បាននិយាយថាៈ ជនរងគ្រោះខាងលើនេះមានឈ្មោះ
ជា រ៉េន អាយុ ២៥ ឆ្នាំ មានទីលំនៅភូមិសន្ទូច ឃុំស្រែថ្មី ស្រុករលាប្អៀរ ។ មុនពេលកើតហេតុ ជនរងគ្រោះខាងលើមិនដឹងទៅផឹកស៊ីនៅកន្លែងណានោះទេ ស្រាប់តែនៅម៉ោងជាង៨យប់ បានជិៈម៉ូតូម៉ាក ហុងដា
ឌ្រីមពណ៏ខ្មៅពាក់ស្លាកលេខ កំពង់ឆ្នាំង 1C .8620 តាមផ្លូវក្រាលកៅស៊ូក្នុងសភាពស្រវឹង ធ្វើដំណើរពីត្បូង ទៅជើងក្នុងល្បឿនលឿន លុះមកដល់ចំណុចកើតហេតុស្រាប់តែទៅបុកឡើងខឿនស្តូបរង្វង់មូលមុខ ស្តាត ចាស់ បណ្តាលអោយបោកដួលលើខឿនស្តូប រងរបួសយ៉ាងធ្ងន់ធ្ងរ ចំណែកម៉ូតូបានរងការខូចខាត ផ្នែកខាងមុខ ។ ភ្លាមៗនោះមន្ត្រីនគរបាលក្រុងបានទូរសព្ទ័ហៅរថយន្តសាមុយរបស់មន្ទីរពេទ្យខេត្ត មក ដឹកទៅសង្គ្រោះនៅមន្ទីរពេទ្យជាបន្ទាន់ ។
នៅក្នុងមន្ទីរពេទ្យ គ្រូពេទ្យដែលបានជួយសង្គ្រោះបាននិយាយថាៈ ជនរងគ្រោះបានក្អួតចេញមកធុំខ្លិនស្រា និងបានរងរបួសផ្នែកក្បាលដេរជាច្រើនថ្នេរ ។ ដោយឡែកម៉ូតូជនរងគ្រោះត្រូវបានមន្ត្រីនគរបាលក្រុង យករក្សាទុកនៅអធិការដ្ឋាននគរបាលក្រុងកំពង់ឆ្នាំង ដើម្បីរក្សាទុកប្រគល់អោយក្រុមគ្រួសារ វិញ ។
កត់សំគាល់ថាៈ មានករណីគ្រោះថ្នាក់ចរាចរណ៏ញឹកញាប់ណាស់ នៅស្តូបរង្វង់មូលមុខស្តាតចាស់នេះ ដោយសារតែស្តូបនេះនៅចំកណ្តាលផ្លូវ ហេតុដូចនេះ ទើបប្រជាពលរដ្ឋក្នុងក្រុងកំពង់ឆ្នាំងសូមសំណូមពរអោយអង្គភាពពាក់ពន្ឋ័ ធ្វើការលៀបថ្នាំថ្មី និងដាក់ចំណាំងផ្លាតថ្មីនៅត្រង់ស្តុបនោះ ដើម្បីជៀសវាងនូវគ្រោះថ្នាក់ចរាចរណ៏ ពេលដែលយានយន្តគ្រប់ប្រភេទធ្វើដំណើរឆ្លងកាត់នៅទីនោះពេលយប់ ៕
