កំពង់ធំៈ ជនល្មោភកាម តណ្ហារបាំងមុខ សំរុកធ្វើខុស ខណៈពេលដែលនារីរងគ្រោះដើរម្នាក់ឯង ឈ្លៀតឳកាសប៉ុនប៉ងប្លន់ព្រហ្មចារីយ៍ ដោយសកម្មភាពចាប់អូសដៃនាងចូលក្នុងព្រៃ ចម្ងាយពីផ្លូវលំ ប្រមាណ៥០០ ម ហើយបានចាត់ការរំលោភរហូតបានសំរេច តែទោះជាបានសំរេចក្តី ក៏នារីអភ័ពកើតទុកមិនសុខចិត្ត បានដាក់ពាក្យបណ្តឹងទៅអធិការស្រុកប្រាសាទបាល្ល័ង្គ ។
ហេតុការរំលោភសេពសន្ទវះបានកើតឡើងកាលថ្ងៃទី ២២ ខែ កុម្ភះ ឆ្នាំ ២០១៥ វេលាម៉ោង ២.៣០នាទី នៅតំបន់ថ្លុកកកោះ ខាងលិច ភូមិវាលល្ពាក់ ឃុំសាលាវិស័យ ស្រុកប្រាសាទបាល័ង្ក ខេត្តកំពង់ធំ ដែលបង្កឡើងដោយជនល្មោភកាម ឈ្មោះ ធីម រុន ប្រុស ២៥ឆ្នាំ រស់នៅភូមិឃុំកើតហេតុ បានចាប់នារីម្នាក់ឈ្មោះ វ.ស.ន អាយុ ១៨ឆ្នាំ រស់នៅស្រុកសង្គមថ្មី ខេត្តព្រះវិហារ ត្រូវរងគ្រោះដោយសារមកលេងស្រុកកំណើត ។
លោក វរៈសេនីយ៍ឯក កែ ខាន់ណារ៉ា ស្នងការងទទួលបន្ទុកព្រហ្មទណ្ទ បានឲ្យដឹងថា ក្រោយពីទទួលពត៌មាន ពីជណរងគ្រោះថាមាន ជនសង្ស័យខាងលើ ចាប់បង្ខំចិត្តនាង រហូតបានសំរេចនោះ លោកបានបញ្ជាកំលាំងឲ្យសមត្ថកិច្ចចុះ ការស្រាវជ្រាវស៊ើបអង្កេត ទើបឈានដល់ការឃាត់ខ្លួនជនសង្ស័យ ឈ្មោះ ធីម រុន នៅម៉ោង ១៧.៣០នាទី ថ្ងៃ ២២/០២/១៥ ហើយបាននាំមកធ្វើកំណត់ហេតុនៅអធិការស្រុកប្រាសាទបាល្ល័ង្គ ទើបជនសង្ស័យបានឆ្លើយសារភាព ថាពិតជាបានចាប់ដៃនាងអូលចូលក្នុងព្រៃល្ពាក់ ហើយចាប់នាងរំលោភមែន ក្រោយមកទើបបញ្ជូនមកកាន់ស្នងការនៅរសៀលថ្ងៃទី ២៤ ខែ កុម្ភះ ឆ្នាំ ២០១៥ ដើម្បីរៀបចំសំណុំរឿង បញ្ជូនទៅតុលាការ ។
គួរំលឹកផងដែរថា ករណីចាប់រំលោភបានកើតឡើង ជាច្រើនករណី គឺបណ្តាលមកពីជនល្មោភកាម ឆ្លៀត ឳកាសនៅពេលដែល មាននារីដើរម្នាក់ឯង ក្នុងរាត្រីយប់ស្ងាត់ ខណៈពេលដែលបច្ចប្បុន្នសំបូរទៅដោយ ពិធី រាំធុងបាស់ និងរាំវង់ និងពិធីផ្សេងៗ និងជាមេរៀនសម្រាប់យុវ័យ ឲ្យមានការប្រុងប្រយ័ត្ន ។
ដោយ ប៊ុន រដ្ឋា
