យុវជនម្នាក់ក្នុងចំនោមប័ក្ខពួក៣នាក់ បានរងរបួសសន្លប់ស្តូកស្តឹង ខណៈពូកគេនាំគ្នាមកពីដើរលេង ហើយត្រូវក្មេងស្ទាវមួយក្រុម មានគ្នា៥ទៅ៦នាក់ យកដំថ្មព្រូតវាយ ហើយរត់គេចខ្លួនបាត់ស្រមោល ។
ហេតុការណ៍នេះ បានកើតឡើងកាលពីវេលាម៉ោង២និង៣០នាទី រំលងអាធ្រាតឈានចូលថ្ងៃទី២៤ ខែកុម្ភៈ ឆ្នាំ២០១៥ នៅចំណុចមុខភោជនីយ៍ដ្ឋានបង្កងមាស តាមបណ្តោយផ្លូវលេខ២៩៦កែងផ្លូវមុន្នីរ៉េត ស្ថិតក្នុងសង្កាត់ទូលស្វាយព្រៃ២ ខណ្ឌចំការមន។
តាមសាក្សីដែលបានឃើញហេតុការណ៍នេះ បានឲ្យដឹងថា មុនពេលកើតហេតុ គេបានឃើញយុវជន៣នាក់បានដើរថ្មើជើងដែលទើបតែមកពីដើរលេង ហើយបំណងត្រឡបទៅកន្លែងកើតហេតុការវិញ ដើម្សីសំរាក ខណៈមកដល់ចំណុចកើតហេតុ មុខភោជនីយ៍ដ្ឋានបង្កងមាស ស្រាប់តែមានក្រុមក្មេងស្ទាវមួយក្រុម មានគ្នា៥ទៅ៦នាក់ ប្រដាប់ដោយដំថ្ម បានព្រួតមកវាយបណ្តាលឲ្យឈ្មោះ ញ៉ាញ អាយុ២០ឆ្នាំ រងរបួសធ្ងន់ សន្លបស្តូកស្តឹងនៅន្លែងកើតហេតុ ចំណែក២នាក់ទៀត រត់រូចមិនមានរបួសនោះទេ ។
ជនរងគ្រោះដែលរបួសស្រាល បានឲ្យដឹងថា ពូកគេនិងក្រុមក្មេងស្ទាវទាំងនោះ មិនដែលស្គាល់គ្នាទេពីមុនមក ហើយក៏មិនដែលមានរឿង ជាមួយនណារដែរ តែពេលមកដល់វេលាកើតហេតុខាងលើ ស្រាប់តែមានក្រុមទាំងនោះ មកព្រួតវាយដោយមិដឹងមូលហេតុតែម្តង ៕
ក្រោយពេលកើតហេតុ ជនរងគ្រោះត្រូវបានរថយន្តសង្គ្រោះ នៅមន្ទីរពេទ្យមិត្តភាពខ្មែរសូវៀត យកទៅ សង្គ្រោះភ្លាមៗផងដែរ ៕
