កំពង់ឆ្នាំង៖ ស្ត្រីមា្នក់បានស្លាប់ភា្លមៗនៅកន្លែងកើតហេតុ និងមនុស្ស២នាក់ទៀត ម្នាក់ជាកុមារី បានរងរបួសធ្ងន់ធ្ងរ នៅក្នុងហេតុការណ៏គ្រោះថ្នាក់ចរាចរណ៏មួយ ដោយជនរងគ្រោះទាំង៣នាក់ជិៈម៉ូតូបត់ឆ្វេងឆ្លងថ្នល់ត្រូវរថយន្តក្រុងបុកចំពីក្រោយ។គ្រោះថ្នាក់នេះបានកើតឡើងល់ផ្លូវជាតិលេខ៥ នៅវេលាម៉ោង៣និង៣០នាទី រសៀលថ្ងៃទី២៣ ខែកុម្ភះឆ្នាំ២០១៥ ស្ថិតក្នុង ភូមិអូររំចេក ឃុំចក ស្រុកបរិបូណ៌។ សមត្ថកិច្ចនគរបាលស្រុកបរិបូណ៌បាននិយាយអោយដឹងថា៖ស្ត្រីដែលស្លាប់មានឈ្មោះ ស សារិន
អាយុ៥៦ឆ្នាំ ចំណែកអ្នករងរបួសធ្ងន់២នាក់នោះ ម្នាក់ត្រូវជាបងបង្កើតស្ត្រីខាងលើនេះមានឈ្មោះ ស ស៊ីម អាយុ៦៥ឆ្នាំ និងកុមារី ជាក្មួយមានឈ្មោះ ផែន សេងលៀប អាយុ៦ឆ្នាំ ទាំង៣នាក់មានទីលំនៅ ក្នុងភូមិឃុំកើតហេតុខាងលើ។
មុនពេលកើតហេតុ ជនរងគ្រោះទាំង ៣នាក់បានជិៈម៉ូតូម៉ាក ហុងដាឌ្រីម១២៥ ពណ៌ក្រហម ពាក់ស្លាកលេខ ព្រៃវែង 1B. 3640 ត្រឡប់មកពីការបងប្អូននៅ ភូមិបំណក់ ស្រុកក្រគរ ខេត្តពោធិសាត់ វិញតាមបណ្តោយផ្លូវជាតិ ក្នុងទិសដៅពីលិចមកកើត លុះមកដល់
ចំណុចកើតហេតុបុរសឈ្មោះ ស ស៊ីម ជាអ្នកបើកម៉ូតូបានបត់ម៉ូតូឆ្វេងដៃ ដើម្បីឆ្លងផ្លូវស្រាប់តែត្រូវរថយន្តក្រុងពណ៌ក្រហម ស ពាក់ស្លាកលេខ ភ្នំពេញ 3B. 3465 របស់ក្រុម ហ៊ុន លី ហុង ដឹកអ្នកដំណើរបុកចំពីក្រោយយ៉ាងពេញទំហឹង បណ្តាលអោយស្ត្រីរងគ្រោះស្លាប់នៅនឹងកន្លែងកើតហេតុ ចំណែកបុរសជាបង និងក្មួយស្រីរងរបួសធ្ងន់ធ្ងរ។ ដោយឡែកអ្នកបើកបររថយន្តក្រុងបានចុះរត់គេចខ្លួនបាត់ក្រោយពេលបង្កហេតុ។
ជនរងគ្រោះរងរបួសធ្ងន់២នាក់ត្រូវបានរថយន្តសាមុយដឹកយកមកសង្គ្រោះព្យបាលនៅមន្ទីរខេត្តកំពង់ឆ្នាំង ចំណែកសពស្ត្រីរងគ្រោះត្រូវបានក្រុមគ្រួសារដឹកយកទៅធ្វើបុណ្យតាមប្រពៃណីនៅលំនៅដ្ឋាន។ រីឯមធ្យោបាយទាំង២គ្រឿងគឺរថយន្តក្រុងនិងម៉ូតូ ត្រូវបានសមត្ថកិច្ចនគរបាលស្រុកបរិបូណ៌ កសា ងសំណុំរឿងតាមនិតិវិធីបញ្ជូនមករក្សាទុកនៅក្នុងស្នងការដ្ឋាននគរបាលខេត្ត៕
