កំពង់ឆ្នាំង៖សំណុំរឿងរដ្ឋប្បវេណីមួយសាលក្រមរបស់ចៅក្រម បានសម្រេចអោយភាគីចុងចម្លើយរុះទទឹកចេញដែលថ្ពក់ជាប់និងជញ្ជាំងផ្ទះរបស់ដើមចោទ ចំណែកដើមចោទត្រូវបើកផ្លូវទឹកនៅចំណុចព្រុំផ្ទាល់ដី។ប៉ុន្តែនៅព្រឹកថ្ងៃទី២៤ ខែកុម្ភះ ឆ្នាំ២០១៥ លោក ឯក ស៊ុនរស្មី តំណាងអោយអាជ្ញាសាលា និងជាព្រះរាជអាជ្ញរងអមសាលាដំបូងខេត្តបានចុះអនុវត្តសាលក្រមស្ថាពរបស់លោកចៅក្រមជំនំជំរះ សាន សុផាត ប៉ុន្តែលទ្ធផលត្រូវបរា ជ័យជាលើក
ទី២ដោយភាគីចុងចម្លើយ បានសុខចិត្តរុះទទឹកតាមការអនុវត្តសាលក្រមលុះត្រាតែដើមចម្លើយបើកផ្លូវទឹកនៅជាន់ផ្ទាល់ដីចំណុចព្រុំផ្ទះជាមួយគ្នាផងដែរ។ប៉ុន្តែភាគីដើមចម្លើយមិនអាចបើកផ្លូវទឹកបាន ព្រោះតែជញ្ជាំងផ្ទះទាំង២គឺជាប់គ្នាទៅហើយ ដូច្នេះភាគីចុងចម្លើយក៏មិនព្រមរុះរើទរទឹកតាមការអនុវត្តសាលក្រមរបស់អាជ្ញាសាលាបានដែរ។
យោងតាមសាលក្រមលេខ១១(ឃ)ចុះថ្ងៃទី២២ ខែកក្កដា ឆ្នាំ២០១៤ លោក សាន សុផាត ចៅក្រមជំនំជំរះបានធ្វើការទាញហេតុផលផ្ទាល់មាត់ក្នុងសំណុំរឿងរដ្ឋប្បវេណី លេខ៧៥ ចុះថ្ងៃទី០៩ ខែមេសា ឆ្នាំ២០១៤រវាងដើមចោទឈ្មោះ ឆន សុភាព ភេទប្រុសអាយុ៣៨ឆ្នាំ និងចុងចម្លើយឈ្មោះគឹម ម៉េង ភេទស្រីអាយុ៣៨ឆ្នាំមានលំនៅដ្ឋានជាប់គ្នានៅក្នុងភូមិឡទឹកត្រី
សង្កាត់កំពង់ឆ្នាំង ក្រុងកំពង់ឆ្នាំង បានបញ្ជាក់អោយដឹងថា៖ដើមបណ្តឹងប្តឹងទាមទារអោយចុងចម្លើយរុះរើធ្នឹមដែក និងទរទឹកភ្លៀងដែលថ្ពក់និងជញ្ជាំងផ្ទះរបស់ខ្លួនចេញ សុំអោយចុងចម្លើយសាងសង់ផ្ទះរបស់ខ្លួនគំលាតពីព្រំដី៣តឹក ដោយគោរពតាមសាលក័ត្រត្រួតពិនិតផ្លង់សាងសង់របស់សូរិយោដី។ដើមចោទបានប្តឹងថា នៅខែមករា ឆ្នាំ២០១៤ ចុងចម្លើយបានធ្វើការសាងសង់
ផ្ទះរបស់ខ្លួនរំលោភចូលព្រំដីរបស់ខ្លួនដោយយកធ្នឹមមកថ្ពក់និងជញ្ជាំងផ្ទះថែមទាំងស្វានបុកទម្លុះជញ្ជាំងផ្ទះ ធ្វើអោយខូចខាតបែកការ៉ូជញ្ជាំងដោយគ្មានការអនុញាតិពីខ្លួន។នៅក្នុងការទាញហេតុផលផ្ទាល់មាត់នេះចុងចម្លើយឈ្មោះ គឹម ម៉េង បានឆ្លើយថា៖ខ្លួនយល់ព្រមរុះទរទឹកភ្លៀងនេះចេញ ប៉ុន្តែសុំអោយដើមចោទបើកផ្លូវទឹកហូរខាងក្រោមផ្ទាល់ដីត្រង់ចំណុចព្រុំដី ជៀសវាងការស្ទះទឹកភ្លៀងហូរមិនទាន់។
សេចក្តីសំរេចបញ្ចប់ក្នុងសាលក្រមរបស់លោក សាន សុផាត បានបង្គាប់អោយចុងចម្លើយ រុះទរទឹកផ្លៀងចេញពីជញ្ជាំងផ្ទះដើមចោទតាមការព្រមព្រៀង។បង្គាប់អោយដើមចោទបើកផ្លូវទឹកហូរជាន់ផ្ទាល់ដីនៃផ្ទះ ត្រង់ចំណុចព្រំដី ជៀសវាងកុំអោយស្ទះទឹកភ្លៀង។បង្គាប់អោយចុងចម្លើយសងជំងឺចិត្តចំនួន៣លានរៀលទៅដើមចោទ បណ្តឹងលើសពីនេះបដិសេធចោល។
សូមបញ្ជាក់ថាការអនុវត្តសាលក្រមស្ថាពរនេះ ត្រូវបានលោក ឯក ស៊ុនរស្មី តំណាងអោយអាជ្ញាសាលា ចុះមកអនុវត្តកាលពីព្រឹកថ្ងៃទី១៨ ខែកុម្ភៈ ឆ្នាំ២០១៥(ជាថ្ងៃចូលឆ្នាំចិន)ម្តងរួចមកហើយ ប៉ុន្តែមិនបានទទួលលទ្ធផលឡើយ។បន្ទាប់មកនៅព្រឹកថ្ងៃទី២៤ ខែកុម្ភៈ ឆ្នាំ
២០១៥ សមត្ថកិច្ចចំរុះពាក់ព័ន្ធ និងអាជ្ញាធរដែនដីបានចុះមកអនុវត្តជាលើកទី២ម្តងទៀតដែលដឹកនាំដោយលោក ឯក ស៊ុនរស្មី។ក្នុងការអនុវត្តន៍លើកទី២នេះ ត្រូវបរាជ័យដូចលើកទី១ដែរ ដោយសាតែភាគីដើមចំឡើយគ្មានកន្លែងបើកផ្លូវទឹក ដូចនេះភាគីចុងចម្លើយក៍មិនព្រម រុះរើទរទឹកចេញដែរ។ក្នុងរឿងនេះភាគីដើមចម្លើយ បានទាមទារកាត់សសរដែករបស់ផ្ទះចុងចម្លើយចោលដើម្បីបើកផ្លូវទឹក ចំណែកចុងចម្លើយវិញមិនព្រមអោយកាត់ឡើយ គឺទាមទារអោយដើមចោទវាយជញ្ជាំងផ្ទះថ្មខ្លួនឯង បើកផ្លូវទឹក ព្រោះខ្លួនសន្យាថាយល់ព្រមបើកផ្លូវទឹកនៅក្នុងសាលក្រមរួចហើយ។
នៅក្នុងសំណុំរឿងទំនាស់ខាងលើនេះ មន្ត្រីជំនាញក្រុងកំពង់ឆ្នាំងបានអោយដឹងថា៖យោងតាមកំណត់ហេតុចុះវាស់វែងជាក់ស្តែងលំនៅដ្ឋានរបស់លោក ឆន សុភាព(ជាដើមបណ្តឹង)ចុះថ្ងៃទី១១ ខែកុម្ភៈឆ្នាំ២០១៤ របស់អាជ្ញាធរក្រុងបានបញ្ជាក់ថាលោក ឆន សុភាព បានសាងសង់ផ្ទះមិនបានគោរពតាមប្លង់ដែលខ្លួនបានសុំពីអាជ្ញាធរក្រុងឡើយ គឺសាងសង់ផ្ទះគំលាតពីមុខលើសប្លង់អនុញាតិ២តឹក ចំណែកទទឹងខាងមុខផ្ទះសង់លើស
ប្លង់៤តឹក៧ហ៊ុន,ទទឹងផ្ទះខាងក្រោយសង់លើសប្លង់៣តឹក៧ហ៊ុន,បណ្តោយតួផ្ទះសង់លើសប្លង់៦តឹក។
ស្ត្រីឈ្មោះ គឹម ម៉េង ជាចុងចម្លើយបាននិយាយអោយអ្នកយកព័ត៌មានយើងដឹងនៅព្រឹកថ្ងៃទី២៤ ខែកុម្ភៈ ក្នុងពេលអនុវត្តសាលក្រមលើកទី២នេះថា៖ពាក្យបណ្តឹងរបស់លោក ឆន សុភាព គឺបានប្តឹងខុសពីការពិតទាំងស្រុង ព្រោះថាលោកស្រីមិនបានធ្វើធ្នឹមផ្ធ្វើទរទឹក ឬស្វានទំលុះតោងភ្ជាប់ជញ្ជាំងផ្ទះគេឡើយ។នៅពេលលោកចៅក្រមហៅទៅទាញហេតុផលដោយផ្ទាល់មាត់ លោកចៅក្រមមិនបានមើលឯកសាររបស់អាជ្ញាធរ និងជំនាញពាក់ព័ន្ធដែលគាត់យកទៅបង្ហាញជាភស្តុ័តាងនោះឡើយ។ចំណែកការប្តឹងទាមទារអោយសងជម្ងឺចិត្ត៣
លានរៀលទៅដើមបណ្តឹងនោះ តើសងជម្ងឺចិត្តរឿងអីបើរូបខ្ញុំមិនបានធ្វើអោយខូចខាតដល់ជញ្ជាំងផ្ទះគេ ដូចការប្តឹងចោទប្រកាន់ទាំងបំពានផងនោះ ដែលនេះជារឿងអយុត្តិធម៌ណាស់។
ករណីនេះក្រោយពីការអនុវត្តន៍សាលក្រមស្ថាពរខាងលើនេះហើយ លោកស្រីនឹងធ្វើការប្តឹងទៅឧត្តមក្រុមប្រឹក្សាអង្គចៅក្រម ដើម្បីសើរើផ្តល់យុត្តិធម៌អោយលោកស្រីវិញ និងប្តឹងសូមអោយភាគីទាំងសងខាងវាយជញ្ជាំងផ្ទះដូចគ្នាចេញតាមប្លង់ដែលអាជ្ញាធរក្រុងបានកំណត់អោយមានគំលាតពីព្រំដី៣តឹកសងខាងដូចគ្នា និងដែលភាគីបានព្រមព្រៀងបានប្តិតមេដៃជាមួយអាជ្ញាធរក្រុងរួចហើយកាលពីថ្ងៃទី១៥ ខែកុម្ភៈ ឆ្នាំ២០១៤។
សំណុំរឿងក្តីខាងលើនេះ ប្រជាពលរដ្ឋសំណូមពរនៅជុំវិញផ្ទះទំនាស់ដល់ក្រសួងយុត្តិធម៌ និងឧត្តមក្រុមប្រឹក្សាអង្គចៅក្រម មេត្តាចុះមកធ្វើអធិការកិច្ចជាបន្ទាន់ផង ព្រោះថាក្រុមគ្រួសារនៃភាគីទាំង២នៅពេលអនុវត្តសាលក្រមក៏បានប្រឈមចង់វាយតប់គ្នា កុំតែបាននគរបាលឃាត់ទាន់ និងដើម្បីកុំអោយមានភាពចលាចលក្នុងសង្គម ដែលបង្កដោយមន្ត្រីខិលខូចមួយចំនួនមិន
