ភ្នំពេញ៖ បុរស៣នាក់ចេញពីរាំលេងនៅក្លិបកម្សាន្ត ហាយ ដើរទៅរកនារីបំរើសេវាកម្មផ្លូវភេទ ក៏ត្រូវ បុរស៣នាក់ ជិះម៉ូតូមួយគ្រឿងធ្វើសកម្មភាពយកដុំថ្មគប់ទៅត្រូវបុរសម្នាក់ចំក្បាលបែកហូរឈាម រួចជិះម៉ូតូគេចខ្លួនបាត់។ ហេតុការណ៍នេះបានកើតឡើងកាលពីវេលាម៉ោង២រំលងអាធ្រាត្រ ឈានចូលថ្ងៃទី២៤ ខែកុម្ភៈ ឆ្នាំ២០១៥ ត្រង់ចំណុចក្បែរភោជនីយដ្ឋានបង្កងមាស តាមបណ្ដោយ ផ្លូវមុនីរ៉េតកែងផ្លូវលេខ២៩៦ ស្ថិតក្នុងសង្កាត់ទួលស្វាយព្រៃ២ ខណ្ឌចំការមន។
ប្រភពព័ត៌មានពីកន្លែងកើតហេតុបានអោយដឹងថា មុនពេលកើតហេតុបុរស៣នាក់បាននាំគ្នាចូលទៅ រាំងលេងកម្សាន្តក្នុងក្លិប ហាយ លុះពេលចេញមកវិញក៏បបួលគ្នាទៅរកនារីៗបំរើសេវាផ្លូវភេទបន្ត ខណៈមកដល់ចំណុចកើតហេតុក៏បានឈប់និយាយជាមួយនារីម្នាក់និយាយថ្លៃគ្នា ស្រាប់តែលេចមុខ បុរស៣នាក់ជិះម៉ូតូមួយគ្រឿងម៉ាកហុងដាស្កូបពី ពណ៌ស មិនចាំស្លាកលេខ បានធ្វើសកម្មភាពយកដុំថ្ម គប់ត្រូវបុរសម្នាក់ចំក្បាលបែកហូរឈាមសន្លប់ស្ដូកស្ដឹង ហើយជិះម៉ូតូគេចខ្លួនបាត់។
បន្ទាប់ពីកើតហេតុសមត្ថកិច្ចមូលដ្ឋានក៏បានចុះមកអន្តរាគមន៍ និងហៅរថយន្តសាមុយដឹកជនរងគ្រោះ ទៅមន្ទីរពេទ្យសង្គ្រោះភ្លាមៗ ហើយចំពោះករណីនេះនៅមិនទាន់ដឹងមូលដ្ឋាននៅឡើយទេ ដោយ ជំហានដំបូងសមត្ថកិច្ចសន្និដ្ឋានថាជាករណីគំនុំ ៕
