ប៉ោយប៉ែត ៖ ឃ្លាំងស្តប់ខោអាវគីបមួយកន្លែង ត្រូវបានក្លាយជាចំណីអគ្គីភ័យ ខណៈពេលដែល ម្ចាស់ផ្ទះ កំពុងតែសម្រានលង់លក់ស្កប់ស្កល់ ស្ថិតនៅក្នុងភូមិ បាលិលេយ្យ សង្កាត់ ក្រុងប៉ោយប៉ែត ខេត្តបន្ទាយមាន ជ័យ កាលពី វេលាម៉ោង ៣.៣០នាទី ទាបភ្លឺ ថ្ងៃទី ២៦ ខែ មិនា ឆ្នាំ ២០១៤។
ម្ចាស់ផ្ទះត្រូវបានគេស្គាល់ឈ្មោះ ចែ មុំ អាយុ ២៩ឆ្នាំ មានគ្រួសារឈ្មោះ ប្រុស ក្រោយពីអគ្គីភ័យបានឆេះ យ៉ាងសន្ធរសន្ធៅនៅចំកណ្តាល ក្រុងប៉ោយប៉ែត រួចមក ក៏ត្រូវបានម្ចាស់អះអាងនិងសណ្ឋានថា ភ្លើងបានឆេះខោ អាវ គីបអស់ប្រមាណ ១០០គីប ដែលសុទ្ធសឹងតែ ខោ អាវ ដែលបំរ៉ុងដឹកយកចេញ ទៅលក់នៅក្នុង ផ្សារថៃ ។
ខណៈពេលដែល អគ្គីភ័យកំពុងតែ លេបត្របាក់យ៉ាងសន្ធរសន្ធៅនោះ គេសង្កេតឃើញមាន ការយកចិត្ត ទុកដាក់ ពីសំណាក់ អាជ្ញាធរ និងកំលាំងសមត្ថកិច្ចជាច្រើននាក់ បាននាំគ្នាជួយអន្តរាគមន៍ នាំយករថយន្ត ពន្លត់អគ្គីភ័យចំនួនពីគ្រឿង ដែលទទួលបាន ពីក្រុមហ៊ុន ហ្កាសស៊ីណូ ហ្គ្រេនដាយម៉ុន ១គ្រឿង និងក្រុមហ៊ុន ហ្កាសស៊ីណូ ទ្រពីកាណា មួយគ្រឿង ចំណែករថយន្តពន្លត់អគ្គីភ័យរបស់ ក្រុងប៉ោយប៉ែត និងអធិការ ប្រហែលជា អស់សាំងទើបបានជា ពុំមានវត្តមានមកជួយពន្លត់ ។
តាមការអោយដឹងពីប្រភពប្រជាពលរដ្ឋ បានឲ្យដឹងថា ជារៀងរាល់ថ្ងៃក៏តែងតែមាន ហេតុកការរំខានដល់ ប្រជាពលរដ្ឋ នៅក្នុងក្រុងប៉ោយប៉ែត ដោយសារតែ មានករណី ភ្លើងរលត់ជាច្រើនលើក ច្រើនសារ ដែល បណ្តាលមកពី មានការលួចកាត់ខ្សែភ្លើង ជាក់ស្តែងនៅវេលាម៉ោង ៣ ក៏មានភ្លើងដាច់ជាច្រើនលើក លុះ ក្រោយមកក៏ ស្រាប់តែស្រាប់តែ គេសង្កេតឃើញ មានអណ្តាតភ្លើងឆេះ ចេញពីឃ្លាំងស្តប់ខោអាជជជុះតែម្តង ។
ចំណែកហេតុការណ៍ ភ្លើងឆេះនេះ ត្រូវបានរលត់ទៅវិញ ក្រោយពីប្រើប្រាស់ទឹកអស់ជាច្រើនឡាន នៅវេលា ម៉ោង ៥.០០នាទី ។ ដោយ ដុំ សំបូរ 
