ស្ទឹងត្រែងមន្ត្រីខណ្ឌ័រដ្ឋបាលព្រៃឈើខេត្តស្ទឹងត្រែងស្នើឲ្យមេឃុំទូទាំងខេត្តជួយទប់ស្កាត់សកម្មភាពកាប់រុករានដីព្រៃយកដីធ្វើជាកម្មសិទ្ធិផ្ទាល់ខ្លួនព្រោះមន្ត្រីជំនាញស្នើឲ្យអាជ្ញាធរឃុំ ជួយទប់ស្កាត់ការកាប់ព្រៃឈើរបស់រដ្ឋ
ស្ទឹងត្រែងមន្ត្រីខណ្ឌ័រដ្ឋបាលព្រៃឈើខេត្តស្ទឹងត្រែងស្នើឲ្យមេឃុំទូទាំងខេត្តជួយទប់ស្កាត់សកម្មភាពកាប់រុករានដីព្រៃយកដីធ្វើជាកម្មសិទ្ធិផ្ទាល់ខ្លួនព្រោះបញ្ហា ដីធ្លីដែលពិបាកដោះស្រាយកន្លងមកភាគច្រើនមានការចុះហត្ថលេខាទទួលស្គាល់ពីមេឃុំ។
ក្នុងសន្និបាតបូកសរុបការងារឆ្នាំ២០១៥របស់រដ្ឋបាលខេត្ត ខេត្តស្ទឹងត្រែងថ្មីៗនេះលោកជាមយូដុងនាយរងខណ្ឌរដ្ឋបាលព្រៃឈើស្ទឹងត្រែងបានលើកឡើងថា៖បញ្ហាដីធ្លីរយៈពេលកន្លងមកមានភាពស្មុគ្រស្មាញយ៉ាងខ្លាំង ធ្វើឲ្យគ្រប់អាជ្ញាធរនិងស្ថាប័នពាក់ពន្ធ័ ពិបាកក្នុងការដោះស្រាយ ដោយសារមានប្រជាពលរដ្ឋធ្វើចំណាកស្រុកមកសុំអាជ្ញាធរភូមិឃុំដើម្បីស្នាក់នៅ ហើយនាំគ្នាទៅលួចកាប់រុករានព្រៃយកដីដាំដំណាំ ហើយមានការចុះហត្ថលេខាទទួលស្គាល់ពីមេឃុំផងដែរ។
លោកបញ្ជាក់ថា នេះជាទង្វើខុសច្បាប់ ដែលប្រជាពលរដ្ឋត្រូវតែបញ្ឈប់ជាបន្ទាន់ បើពុំនោះទេនឹងត្រូវប្រឈមចំពោះមុខច្បាប់ជាធរមាន ហើយមេឃុំទាំងអស់នៅទូទាំងខេត្ត ក៏ត្រូវចូលរួមទប់ស្កាត់នូវបញ្ហាខាងលើនេះ កុំឲ្យកើតមានបន្តទៀត។អញ្ចឹងលោកមេឃុំគាត់ទៅមើល ទៅមើលទៅឃើញព្រៃហ្នឹងដីហ្នឹងវាស្អាត តែវាមានធ្យូង វាមានគល់អីហ្នឹងជាព្រៃហើយ ប៉ុន្តែគាត់
ថា៖មិនមែនព្រៃហើយគាត់ញ្ជាក់ទៅការបញ្ជាក់ទៅលើលិខិតទិញដូរនេះ ហើយធ្វើឲ្យមានសកម្មភាព ការកាប់រានដីជាបន្តបន្ទាប់មិនចេះចប់ អញ្ចឹងរហូតមកដល់ម៉ោងនេះ អញ្ចឹងសូមអព្យាស្រ័យលោកមេឃុំបើកន្លងមកបានចុះហត្ថលេខាឥឡូវសូមបញ្ជាប់ទៅល្អជាងកុំឲ្យវាមានបញ្ហាទៅថ្ងៃក្រោយ។
លោកនួយ ប៊ុនធួយមេឃុំស្តៅ ក្នុងស្រុកសេសានបានទទួលស្គាល់ថាប៉ុន្មានឆ្នាំកន្លងមកមានប្រជាពលរដ្ឋនៅក្នុងស្រុក និងមកពីខេត្តក្រៅមួយចំនួន បានមករស់នៅនិងកាប់ព្រៃឈើ យកដីសម្រាប់បង្កបង្កើនផល ហើយអាជ្ញាធរឃុំក៏បានទប់ស្កាត់ផងដែរ ប៉ុន្តែមិនសូវមានប្រសិទ្ធភាពទេ។ទាក់ទងនឹងបញ្ហាចុះហត្ថលេខា ផ្តល់ដីធ្លីជូនប្រជាពលរដ្ឋនោះលោកមេឃុំអះអាងថា៖អាជ្ញាធរឃុំ មិនមែនសំរេចតែម្នាក់ឯងនោះទេ គឺមានមន្ត្រីជំនាញភូមិបាលនិងអាជ្ញាធរពាក់ពន្ធ័
ផ្សេងៗទៀត សហការគ្នាដោះស្រាយ។កន្លងមកយើងធ្លាប់ធ្វើ កន្លងម៉ូយើងធ្លាប់មានធ្វើអារឿងហ្នឹងកន្លងមកក៏ប៉ុន្តែ សំខាន់ដូចខ្ញុំជាមេឃុំខ្ញុំយល់ថា បញ្ហាដីធ្លីជារឿងមួយដែលខ្ញុំនៅផ្ទាល់ ជាមួយប្រជាពលរដ្ឋដែលដីធ្លីដែលអាចចុះបញ្ជីបាន គឺដីស្របច្បាប់ដីលំនៅដ្ឋាន ដីចំការដំណាំរបស់ប្រជាពលរដ្ឋនេះ គឺយើងកន្លងមកឃុំបានធ្វើការសហការ ជាមួយមន្ត្រីជុំនាញយើងបានចុះបញ្ជី យើងបានធ្វើការបាន អ្វីដែលយើងធ្វើមិនបានគឺដីដែលជាដីមួយគេហៅថាគំរបព្រៃឈើ ដីរបស់រដ្ឋអាហ្នឹងគឺឲ្យរដ្ឋអ្នកចាត់ចែងឲ្យមន្ត្រីឲ្យជុំនាញអ្នកចាត់ចែងបើសិនជាឃុំយើងក៏អត់មានលទ្ធភាពទៅសោះស្រាយបញ្ហាអារឿងហ្នឹងដែរ។
សូមបញ្ជាក់ថា៖ឆ្នាំ២០១៤កន្លងមកនេះមន្ត្រីខណ្ឌរដ្ឋបាលព្រៃឈើបង្ក្រាបករណីធ្វើសកម្មភាពរុករានដីព្រៃរបស់រដ្ឋខុសច្បាប់បានចំនួន 4ករណីឃាត់ជនសង្ស័យបានចំនួន១៥នាក់ ហើយកសាងសំណុំរឿងបញ្ជូនទៅតុលាការខេត្តនិងដកហូតដីយកមកវិញបានជាង២១៥ហិកតានិងសម្ភារៈបទល្មើសផ្សេងៗមួយចំនួនទៀត។
