កំពង់ឆ្នាំង៖ក្តីកង្វល់របស់ប្រជាពលរដ្ឋបានលើកឡើងថា ការលក់ដូររបស់អ្នកផ្សារព្រៃខ្មែរនៅលើផ្លូវលំប៉ែកខាងត្បូងផ្សារបានដាក់រាននិងឆ័ត្រលក់ដូរបង្កអោយស្ទះផ្លូវធ្វើចរារណ៍មិនរួច បើមានភ្លើងឆេះផ្ទះឡានទឹកមិនអាចជួយពួកគាត់បាលឡើយ ស្នើសុំសមត្ថកិច្ចពាក់ពន្ធ័និងអាជ្ញាធរឃុំ ស្រុកជួយដោះស្រាយផង។
នៅព្រឹកថ្ងៃទី២៥ ខែកុម្ភៈ ឆ្នាំ២០១៥ ប្រជាពលរដ្ឋរស់នៅតាមផ្លូវលំផ្នែកខាងត្បូងផ្សារព្រៃខ្មែរ ឃុំអណ្តូងស្នាយ ស្រុករលាប្អៀរជាច្រើនាក់ត្អូញត្អែរបានសម្តែងក្តីកង្វល់អោយដឹងថា៖ជាង១ឆ្នាំកន្លងមកនេះនៅក្នុងអាណត្តិ លោក ឈឹម វុឌ្ឍា អភិបាលស្រុករលាប្អៀរចាស់ មិនបាន
ខ្វាយខ្វល់ពីសុខទុក្ខរបស់ប្រជាពលរដ្ឋឡើយ។ជាក់ស្តែងបានធ្វើអោយការលក់ដូរយ៉ាងអាណធិប្បតេយ្យរបស់អ្នកផ្សារព្រៃខ្មែរកាន់តែរាលដាលឡើង ធ្វើអោយស្ទះផ្លូវលំផ្នែកខាងប្រមាណ២០០មបើកបរម៉ូតូនិងរថយន្តមិនរួច ដែលបញ្ហានេះពួកគាត់មានក្តីកង្វល់ថា ប្រសិនបើមានគ្រោះអគ្គីភ័យកើតឡើងរថយន្តអគ្គីភ័យមិនអាចចូលជួយសង្គ្រោះបានឡើយ ពួកគាត់ស្នើសុំ
អាជ្ញាធរស្រឃុំ និងលោក សោម វឺន ជាអភិបាលស្រុកថ្មី ជួយរៀបសណ្តាប់លក់ដូរអោយមានរៀបរៀបរយផង។ គឺសំណូមពរទុកត្រូវទុកផ្លូវអោយម៉ូតូនិងរថយន្តអាចបើកបរចេញចូលបាននៅតាមផ្លូវលំជុំវិញផ្សារព្រៃខ្មែរ ពិសេសផ្លូវលំខាងត្បូងផ្សារតែម្តងដែលចេញចូលមិនរួចឡើយ។
ប្រជាពលរដ្ឋបានអោយដឹងទៀតថា៖អ្នកលក់ដូរតាមរានមួយចំនួនបច្ចុប្បន្ន មិនត្រឹមតែល
ដូរឥតសណ្តាប់ធ្នាប់ គ្មានអនាម័យនោះទេ ថែមទាំងពួកគេបាននាំគ្នាលក់ដូររាននៅជុំវិញតាម
ផ្លូវលំជុំវិញផ្សារតាមទំនើងចិត្តទៀតផង ដែលពីមុនមកអាចលក់ដូររានមួយៗក្នុងតម្លៃតែ៣០០
ទៅ៥០០ដុល្លាប៉ុណ្ណោះ ឥឡូវគឺលក់តៗគ្នាបានក្នុងតម្លៃពី៧០០ទៅ១០០០ដុល្លាឯណោះ។ករ
ណីនេះគេមិនដឹងថា លោកមេឃុំ លោកអភិបាលស្រុក និងគណៈកម្មការគ្រប់គ្រងផ្សារព្រៃខ្មែរបានជ្រាបឬមិនបានជ្រាបនោះទេ។
ដោយឡែកប្រជាពលរដ្ឋជាអ្នកលក់ដូរតាមរាន ឬកម្រាលក្រាលដីមួយចំនួនក៏បានលើក
ឡើងផងដែរថា៖ពួកគាត់នៅតាមជនបទយកបន្លែបង្កាមកលក់ដូរពេលព្រឹកតាមផ្លូវលំជុំវិញផ្សា
រតែ១ម៉ោង២ម៉ោងប៉ុណ្ណោះពេលលក់អស់ទៅផ្ទះវិញហើយ ដូច្នេះបើមិនអោយគាត់លក់ដូរនៅតាមចិញ្ចើមផ្លូវលំនេះ តើអោយគាត់ទៅលក់ដូរនៅទីណា។បញ្ហានេះពួកគាត់ក៏សំណូរពរសុំ
អោយអាជ្ញាធរឃុំ និងស្រុកជួយដោះស្រាយរកកន្លែងអោយគាត់បានលក់ដូរផង។
ទាក់ទងនិងរឿងនេះអ្នកយកព័ត៌មានយើងបានលោក សោម វឺន នៅរសៀលថ្ងៃទី២៥ ខែកុម្ភៈ លោកបានបញ្ជាក់ថារឿងនេះអាជ្ញាធរស្រុកបានរៀបចំសណ្តាប់ធ្នាប់លក់ដូររួចម្តងហើយតែពេលនេះការលក់ដូរឥសណ្តាប់ធ្នាប់បានកើតមានវិញ នៅអាទិត្យក្រោយលោកនិងរៀនចំសណ្តាប់ធ្នាប់លក់ដូរនេះម្តងទៀតជូនប្រជាពលរដ្ឋ៕
