ខេត្តត្បូងឃ្មុំ: ផ្ទះប្រជាពលរដ្ឋ១ខ្នងធ្វើរអំពីថ្មក្រោមឈើលើត្រូវបានអគ្គីភ័យឆាបឆេះបំផ្លាញទាំងស្រុង។ហេតការណ៍នេះកើតឡើងកាលពី វេលាម៉ោង ១១:៤៥ នាទី ថ្ងៃទី២៥ ខែកុម្ភះ ឆ្នាំ២០១៥ នៅភូមិក្បាលបឹងសេះ ឃុំគរស្រុក-ខេត្តត្បូងឃ្មុំ ។
លោក សួស ស៊ាងលី អធិការនគរបាលស្រុកត្បូងឃ្មុំបានឲដឹងថា មានករណី គ្រោះថ្នាក់ អគ្គីភ័យ កើតឡើង បណ្តាលឲ្យ ឆេះផ្ទះប្រជាពលរដ្ឋ ឈ្មោះ ឡែន ហុឺ ភេទ ស្រី អាយុ ៣៤ ឆ្នាំ ដែលមាន ទំហុំ ៧ ម៉ែត្រ គុណ១២ ម៉ែត្រ សង់អំពីឈើ ប្រក់ក្បឿង ថ្មខាងក្រោម( ផ្ទះ៣ ខ្នង) ។
លោកបន្តឲដឹងថា សរុបការ ខូចខាត បាត់បង់ របស់ម្ចាស់ផ្ទះ រួមមាន: ប្រាក់ដុល្លា ចំនួន ២០០០$ មាស ៥ ហ៊ុន ផ្លាកទីន ៤ ជី និងសំភារ: ប្រើប្រាស់ផ្សេងៗ មួយចំនួនធំ សរុប ជាប្រាក់ ប្រមាណ ២០,០០០$ ។
លោកអធិការក៏បានបញ្ជាក់ឲដឹងថា មូលហេតុ នៃការឆេះ គឺបណ្តាល មក ពីការ ឆ្លងចរន្តន៍ អគ្គីសនី។ ហេតុការណ៍ឆេះនេះមិនបានរាលដាលដល់ផ្ទះជិតខាងនោះទេបន្ទាប់ពីមានអន្តរាគមន៍ជួយ យកទឹកជះពន្លត់ពីប្រជាពលរដ្ឋជិតខាង ហើយក៏មិនបណ្តាលឲមានរងរបួសឬគ្រោះថ្នាក់ដល់អាយុជីវិតមនុស្សសត្វឡើយ៕
