ភ្នំពេញ: បុរសម្នាក់បានស្លាប់យ៉ាងអណោចអធម៌ខណះពេលដែលកំពុងជិះម៉ូតូឌ្រីមសេ១២៥ មួយគ្រឿងតាមបណ្តោយផ្លូវជាតិលេខ៣ក្នុងល្បឿនលឿនក៏ជ្រុលទៅបុកចំពីក្រោយរថយន្តហ៊ីយាន់ដាយ ដែលកំពុងឈប់ចតចំពេញទំហឹងបណ្តាលអោយមនុស្សនិងម៉ូតូកៀបជាប់ជាមួយនិងកង់ រថយន្ត បែកខួរហូរឈាមពេញផ្លូវ។ ហេតុការណ៏នេះបានកើតឡើងកាលពីវេលាម៉ោង៨ និង ១០នាទីយប់ ថ្ងៃទី២៤ ខែកុម្ភះ ឆ្នាំ២០១៥ នៅតាមបណ្តោយផ្លូវជាតិលេខ៣ ស្ថិតក្នុងភូមិគោកខ្សាច់ សង្កាត់ពោងទឹកខណ្ឌដង្កោ។
បុរសដែលបាត់បង់ជីវិតនោះមិនទាន់ត្រូវបានគេស្គាល់អត្តសញ្ញាណនៅឡើយ។
ប្រភពពត៌មានពីកន្លែងកើតហេតុឱ្យដឹងថាមុនពេលកើតហេតុគេបានឃើញបុរសម្នាក់មិនស្គាល់ អត្តសញ្ញាណជិះម៉ូតូឌ្រីមសេ១២៥ពណ៌ទឹកប្រាក់ពាក់ស្លាកលេខកណ្តាល 1J-7685 តាមបណ្តោយ ផ្លូវជាតិលេខ៣ក្នុងទិសដៅពីត្បូងទៅជើងក្នុងល្បឿនលឿនលុះមកដល់
ចំណុចកើតហេតុដោយសារតែស្ថានភាពផ្លូវងងឹតពេកព្រោះមិនមានភ្លើងបំភ្លឺផ្លូវដោយខណះនោះមានរថយន្តម៉ាកហ៊ីយាន់ដាយ ដឹកដីមួយគ្រឿងក្បាលពណ៌ទឹកប្រាក់ពាក់ស្លាកលេខភ្នំពេញ 3C-2539 បើកបរដោយបុរសម្នាក់ តាមបណ្តោយផ្លូវជាតិលេខ៣ក្នុងទិសដៅពីត្បូងទៅជើងដោយសារតែរថយន្តនោះបានបែកកង់ ក្រោយផ្នែកខាងស្តាំក៏ឈប់ចតនៅលើផ្លូវតែម្តង
ហើយមិនមានបើកភ្លើងសញ្ញាសុំផ្លូវឡើយបន្ទាប់មកបុរសនោះក៏ជិះចូលមកបុកចំពីក្រោយរថយន្តហ៊ីយាន់ដាយនោះយ៉ាងពេញទំហឹងបណ្តាលឱ្យមនុស្សនិងម៉ូតូកៀបជាប់ជាមួយនិងកង់រថយន្តបែកខួរស្លាប់ភ្លាមៗនៅនិងកន្លែងតែម្តង។
ក្រោយពេល កើតហេតុសមត្ថកិច្ចមូលដ្ឋានបានចុះមកត្រួតពិនត្យភ្លាមៗ និងប្រគល់ទៅអោយ រថយន្តដឹកសព្វដើម្បីដឹកយកទៅអោយក្រុមគ្រួសារសព្វយកទៅធ្វើបុណ្យតាមប្រពៃណីយ៍។ ចំណែករថយន្តនិងម៉ូតូត្រូវ បានសមត្ថកិច្ចវាស់វែងយកទៅរក្សាទុកនៅការិយាល័យចរាចរផ្លូវគោក នៃស្នងការដ្ឋាននគរបាល រាជធានីភ្នំពេញដើម្បីធ្វើការដោះស្រាយគ្នាតាមនិត្តិវិធីច្បាប់៕
